سعر صرف الليرة مقابل الدولار 31-5-2012 في السوق السوداء

[shereen]

اقتباس: المشاركة الأصلية كتبت بواسطة mak    الله يستر ....بس على كلن ما سمعت انو أي محل انحرق ...بس سمعت و شفت كتير محلات تكسرت قفولتها و انفتحت اجباري ...طبعا لفض الاضراب و ليس لاجبار الناس على الاغلاق!!

ياعيني عليك كلامك تمام انا نزلت علبلد اول مرة بشوف بحياتي كم سوق المواسم هيك للاطفائية كلهم مسكرين واليوم خميس وسمعت انو هددت بعض الجهات المحلات بالحريقة انو يرجعو الحريقة اسم على مسمى اذا بيضلو ماضربين /نسيت قلكم مساء الخير جميعا

[shereen]

مين بيتذكر مبارح وقت قلتلكم اكتر من 72 مستحيل يطلع وكلو قال للمسا مبارح بيكون 75 وقلتلكم انو الناس خايفة مالح تشتري وفي كتار هاجموني شفتو كيف اليوم المركزي اتدخل وضل بحدود 70 والغريب انو في ناس اشترت اقل من 69 بس عل كل حال مو مطولة شغلة اسبوعين بالكتير بدو يصعد بقوة وقولو شيرين قالت مع الشكر للاخ عابر مجيب لانو الوحيد اللي انصفني مبارح

[عابر مجيب]

اقتباس: المشاركة الأصلية كتبت بواسطة a_khateeb82    ظهرت الحقيقة أخيرا ..... لا حول ولا قوة الا بالله ... ..... بيروت (رويترز) - قالت سوريا يوم الخميس ان التحقيقات الأولية أظهرت ان جماعات مسلحة مناهضة للحكومة هي التي ارتكبت مذبحة الحولة في الاسبوع الماضي والتي قتل فيها 108 اشخاص بهدف تشجيع التدخل العسكري الاجنبي ضد الحكومة. وقال العميد قاسم جمال سليمان رئيس لجنة التحقيق التي شكلتها الحكومة ان الضحايا هم أسر رفضت معارضة الحكومة وكانت على خلاف مع الجماعات المسلحة. واضاف ان كثيرا من الضحايا كانوا أقارب عضو في البرلمان السوري

كل شي عم تطرحو لجنة التحقيق بقبلو ، مع اني لسا ما شفت التقرير ، رح ابلع كمان أنو الأمر انكشف بسرعة اسطورية .
سؤال واحد بس انشالله ياخدوه بعين الاعتبار ويلاقولو تخريجة .

كان في قصف ماممكن انكاره
على مين ؟
على العصابات الارهابية بين الأهالي ، تمام .
شو اللي خلا العصابات تطمئن انو القصف انتهى لحتى تقتل وتذبح ؟
وطالما العصابات كانت لسا موجوده ليش وقف القصف ؟
وإيمتى كان القصف العشوائي بيقضي على عصابات بين أهالي آمنين ؟
لو كنا بأول يوم كنا قلنا تجربه فاشلة ، بس بعد سنه ونص بنرجع نجرب !
كيف ما برمتها ما بتترقع .

[GoldMan$]

اقتباس: المشاركة الأصلية كتبت بواسطة عابر مجيب    كل شي عم تطرحو لجنة التحقيق بقبلو ، مع اني لسا ما شفت التقرير ، رح ابلع كمان أنو الأمر انكشف بسرعة اسطورية . سؤال واحد بس انشالله ياخدوه بعين الاعتبار ويلاقولو تخريجة . كان في قصف ماممكن انكاره على مين ؟ على العصابات الارهابية بين الأهالي ، تمام . شو اللي خلا العصابات تطمئن انو القصف انتهى لحتى تقتل وتذبح ؟ وطالما العصابات كانت لسا موجوده ليش وقف القصف ؟ وإيمتى كان القصف العشوائي بيقضي على عصابات بين أهالي آمنين ؟ لو كنا بأول يوم كنا قلنا تجربه فاشلة ، بس بعد سنه ونص بنرجع نجرب ! كيف ما برمتها ما بتترقع .

عنجد زعلت منك لسى قاعد وعم تفكر وتحلل ... خليها على ربك وخلينا ساكتين

[NetPro]

اقتباس: المشاركة الأصلية كتبت بواسطة a_khateeb82    عنجد زعلت منك لسى قاعد وعم تفكر وتحلل ... خليها على ربك وخلينا ساكتين

بالعكس سكوتك جريمة
احكي رأيك
بس طبعاً مو هون لأن المنتدى إقتصادي

[ALHAKIM]

اقتباس: المشاركة الأصلية كتبت بواسطة مجد    اخي عابر حط للاولاد حجار بالطنجرة وقول انه فيها كمأة انا باقي معي سوري حوالي 5000ليرة سوري يعني زنكيل اكتر منك

شكلو الحال من بعضو
1235 ل.س ومنتظر الإمداد الشهري (المعاش) و مالح أصرف دولار ويلي بدو يصير يصير !!!!!

[mak]

و الأغرب انو بعد كل هالشي ...و حتى أثناء تحقيق اللجنة المزعومة ...كان القصف مستمر على الحولة ....يمكن للقضاء على أي شهود محتملين؟....أو يمكن للقضاء على العصابات يللي عم يحكو عنها

[غالب]

اقتباس: المشاركة الأصلية كتبت بواسطة د.أبو محمد    انا بعتبر البنك العربي أفضل بنك فيك تسحب رصيدك من كل دول العالم بعمولة بسيطة بس المشكلة انو بنك ربوي

اخي ابو محمد تحياتي

مبروك تغيير اسمك . واتمنى عليك ان تستعمل كلمة بنك تقليدي . لان الربوي فيه اجتهادات كثيرة وخلافات غير محسومة .

[مجد]

اقتباس: المشاركة الأصلية كتبت بواسطة ALHAKIM    شكلو الحال من بعضو 1235 ل.س ومنتظر الإمداد الشهري (المعاش) و مالح أصرف دولار ويلي بدو يصير يصير !!!!!

فكرت اتقاسم ال 5000ليرة يلي معي سوري .معك بس تذكرت ان حاتم الطائي مات من زمان :patch_rir:

[غالب]

اقتباس: المشاركة الأصلية كتبت بواسطة ماهر ابو عدنان    مشكور اخي ابراهيم بس تاكدت بإذن الله السعر متوفر بي ساحة المرجة تحديدا متوفررررررررررر شراء 70.50 مبيع 71 - 71.25 ماحدى جوابني على سؤالي اي بنك بتنصحوني غير بنك البركة ولكم جزيل الشكر

كل البنوك خير وبركة وانا شايف تعامل بيمو وانتشار فروعه جيد جدا .