صالة أسعار الدولار والذهب مقابل الليرة السورية ليوم الأربعاء 9-10-2013

[mak]

الكل يناقش يحاول ان يستنتج اتجاه الدولار المرحلي بناءا على العوامل التفصيلية المعروفة...طبعا هناك عوامل كثيرة مجهولة..و هناك العامل الأساسي الذي غير السعر من 46 الى 200 او 300 في بعض الأحيان
بالنسبة لي و هذا مجرد رأي ان التخفيض الى نقاط 170 او 165 كان لعبة متل الرفع لل 300 و ذلك بهدف لم اكبر قدر ممكن مما يسمى الدولار البيتوتي ....المشكلة يللي انا لاحظتها انو كتير ناس كانت محتاجة سوري بس لما تلاقي السعر 170 تبطل تبيع و تاجل الشغلة قد ما فيها ( حتى في ناس اتدينت مبالغ ضغيرة لتمشي حالها مع انو معها دولار ) و يبدو انو رفع السعر لل 185 قد يقنع هذه الفئة بالبيع مما قد يحافظ على هذا السعر لفترة العطلة ....و ما ننسى الناس يللي باعو وقت كان السعر عم ينزل بحدود 200-190 و ما عوضو وقت نزل السعر لل 165 على امل انو بدو يصل لل 150 ...كمان هدول رح يبلشو يشترو بحيطان السعر الحالي مما يساعد ايضا على عدم هبوط السعر .....توقعاتي السعر يثبت لفترة بين 180-190 ......ممكن يصير شوية خوف عند البعض للشراء و يرتفع ليلامس ال 200 ..........طبعا حاجات العيد رح تخلي البعض الاخر يبيع عند هذا السعر و هيك ما بظن يتجاوز هذا الحد .....بعد العيد يمكن يتغير الوضع مع اني ما بظن يتغير كتير بس بتوقع ارتفاع بسيط 200-210 .......و الله اعلم

على كل حال كل عام و انتم بخير و انشالله السنة الجاية على عرفات

[hasan ash]

اقتباس: المشاركة الأصلية كتبت بواسطة shereen    مصاريف هائلة: متل شو يعني ماحدا حاسس او لح يحس بالعيد باكدللك كم هائل من الاضاحي:اول شي اضاحي مافي منوب ونادرة واذا انوجدت فبيطلع شي 40 الف ليرة ثمن الاضحية وفي ناس عن روح امواتها عم تساعد باجارات بيوت او سكر او رز الخ اعداد العمال السوريين بلبنان بمئات الالوف : مئات الالوف يعني برايك مافي مبالغة هائلة بهالارقام علما انو اغلب العمال السوريين بلبنان مقيمين بلبنان وغالبا مابيرجعو عشام لانو يابيوتهم راحت او مناطق ساخنة يعني العمال تبع اللي بيجو من لبنان اكيد مو ساكنين بالمالكي او المزة توقف اي نشاط بشري:من ضمن هالعطلة في سبت واحد واثنين النشاط البشري على اشده اذا بدك وبعدين في نشاط بشري بالسفر علبنان لعند الاقارب وباعداد كبيرة اذا بدك

بخصوص العمل صحيح العدد و بخصوص الاضاحي كمان المغتربين رح يبعتو لاهلون و بخصوص توقف النشاط الاقتصادي فهو تقريبا وقف من اليوم اخلب التجار و المصانع قالولنا حلو عنا لبعد العيد و التجار ما عاد اشترو منا قال راحت لبعد العيد

[$ABOUD]

اقتباس: المشاركة الأصلية كتبت بواسطة انس الحموي    تحليل فني بسيط يشمل اربع نقاط هامة ويجب على الجميع التفكير بها ولا يجب تجاهلها ...لا ننسى قرب حلول عيد الاضحى المبارك ومايترتب عليه من مصاريف هائله ...لا ننسى وجود كم هائل من الاضاحي تختلف كميتها بهذا العام عن الاعوام الماضية بشكل مضاعف ولاسباب معروفة ...لا ننسى عودة العمال السوريين من لبنان والمقدر عددهم بمئات الالوف واكيد حاملين بجعبتهم مبالغ لا بئس بها من الدولار ....لا ننسى وجود عطله طويلة تبلغ تسعة ايام وتوقف اي نشاط بشري اقتصادي خلالها ... ربما نشهد بناءا على تلك النقاط هبوط طفيف قد يصل لل170 وربما 165 والتي تعتبر نقطة دعم قد يعاد اختبارها مرة اخرى بناءا على تلك المعطيات ودائما كل ساعة والها ملائكتها واكيد مجرد تحليل وليس دعوة للبيع او الشراء ولا احبذ فكرة البيع من نقطة ال180 والمخاطرة للدخول بنقطة 170 ...اما يلي معه سوري ولسه ما اشترى بفضل انو ينتظر لبعد العيد لانو هي المرحلة رح تشهد اما استقرار او انخفاض

مساء الخير جميعاً

[أبوقصي]

اقتباس: المشاركة الأصلية كتبت بواسطة جوليت    اخي صدقا الموضوع مو موضوع تجاهل الك او لا غيرك ... بالاصل انا مابحب التجاهل بس خلينا نسميا ... التزام الصمت سألتني عن موضوع مو اليل وصدقا شرحو صعب ويطول ... اذا قدرت رح حط مداخلة بالهشي دمت سالما متفهما رايقا

يا جماعة أنا لح اشرح ببساطة شديدة شو معنى المعطيات الدولاراتية و الميل العام
( و بلا منية جوليت و انتظارها سنين .....)
المعطيات الدولاراتية :هي التوقع بناء على دراسة السوق بكل تفاصيله لفترة معينة طويلة نوعا ما
الميل العام : نفس المعطيات الدولاراتية و لكن هنا الفترة تكون قصيرة جدا (يوم أو عدة أيام )
ودمتم بألف خير
.....................

[أبوقصي]

اقتباس: المشاركة الأصلية كتبت بواسطة rafek    قولي معي كان يا مكان .. جرة غاز راكبة = 125 ل.س علبة متة =25 ل.س ليتر مازوت = 7 ل.س ليتر بانزين :=25 ل.س حمرا طويلة = 35 ل.س معسل تفاحتين النخلة = 35 ل.س كيلو فحم = 60 ل.س سندويشة شاورما = 25 ل.س محارم ديمة ومع هدية = 25 ل.س سكر كيلو فقط = 18 ل.س قرص الفلافل 1 ل.س قرص المعجنات 5 ل.س . . . . (( هل حدثت هذه الأحدوثة حقاً في تللك الأيام )) وكان ياما كان......كان ياما كان

نعم حدثت و قد عاصرتها بنفسي
و سأتكلم هذه الأحدوثة لأولادي و أحفادي
و تقبل خالص تحياتي
..........................

[انس الحموي]

اقتباس: المشاركة الأصلية كتبت بواسطة shereen    مصاريف هائلة: متل شو يعني ماحدا حاسس او لح يحس بالعيد باكدللك كم هائل من الاضاحي:اول شي اضاحي مافي منوب ونادرة واذا انوجدت فبيطلع شي 40 الف ليرة ثمن الاضحية وفي ناس عن روح امواتها عم تساعد باجارات بيوت او سكر او رز الخ اعداد العمال السوريين بلبنان بمئات الالوف : مئات الالوف يعني برايك مافي مبالغة هائلة بهالارقام علما انو اغلب العمال السوريين بلبنان مقيمين بلبنان وغالبا مابيرجعو عشام لانو يابيوتهم راحت او مناطق ساخنة يعني العمال تبع اللي بيجو من لبنان اكيد مو ساكنين بالمالكي او المزة توقف اي نشاط بشري:من ضمن هالعطلة في سبت واحد واثنين النشاط البشري على اشده اذا بدك وبعدين في نشاط بشري بالسفر علبنان لعند الاقارب وباعداد كبيرة اذا بدك

احلى شيرين بالبداية قبل ما اشرح يلي تحدثت عنه بحب تنتبهي للجملة الاخيرة يلي ذكرتها لا احبذ البيع عال 180 والمخاطرة على امل الدخول على 170 بس يلي معه سوري يفضل ينتظر لبعد العيد لانو سعر الصرف اما استقرار واذا كان استقرار مارح تفرق معه او هبوط واذا هبوط رح تفرق معه كتير ...اما طلوع فبتم احتمال لا يتعدى 5 بالمية والناس اللعيبة بتلعب على الاحتمالات الاكبر وليس الاصغر ...هلى رح فصل يلي قلته بالنسبة انو محد رح يحس بالعيد او يشعر بالعيد فاحساسك خاطىء لا تتطلعي على نفسك وعلي وعلى يلي في قلوبهم طيبة في ناس كتير بسوريا ما بهما شو صاير وبتنزل بتتسوق بالايام العادية فما بالك بايام الاعياد وما بالك بازمة الناس اتعودت عليها وما عادت اهتمت بكل يلي عما يصير وما بالك اذا كان الهم قريب برى البلد وبعتلهم مبلغ صغير الف ريال على سبيل المثال اكيد بكفي مصاريفهم عالاقل بالعيد ...بالنسبة للاضاحي من كلامك انو الاضحية صار ثمنها مرتفع وبالتالي بيلزمهم سيولة بالسوري واكيد يلي كان ومازال يلي بالضحي هو مو الفقير الغني وبس والغني ما بهمه سعر الاضحيه واذا انت حسبتي الاضحيه ب40 الف في ناس بتضحي عجل ب750 الف وقصدت انو الاضاحي رح تكون غير كل سنة لانو في حملات وتبرعات جمعت من السعودية وقطر خصوصا للاضاحي بسوريا ورح تشمل مناطق كتيرة وكبيرة بسوريا واكيد حق الاضحية رح يدخل سوريا بالعملة الصعبة وما رح يجبيوا الفنم والابقار من الخليج ويدبحوهم بسوريا اما بالنسبة لعدد العمال فباكدلك مافي مبالغه اذا بالنسبة لعدة قرى بريف ادلب بعرف معظم شبابهم عما يشتغل بلبنان وبالقرية الوحدة بتلاقي 500 الى 600 شخص عما يشتغلوا بلبنان فما بالك بالاف القرى ومئات المدن وعدة محافظات وحتى لو اهلهم نزحوا رح يجيوا منشان يقضوا فترة العيد معهم ...اخيرا بالنسبة للعطلة فهي متل ما ذكرت تسع ايام ولما بتكون بداية العطلة هبوط بتتبعها كل العطلة هبوط واذا كانت بداية العطلة صعود بتتبعها كل العطلة صعود ...وخلينا نشوف الايام الجاية شو رح يصير فيها وعفكرة وربي شاهد عليه اليوم صديق الي بدو مصروف منشان العيد عرض علي مبلغ صغير ب175 وماقدرت اخده منه لانو حتى انا ما معي سوري وهلىء من ساعه احد المدراء عنا خبرني وقلي بدي اصرف 300 بكرى وانا واقع بخجلة منه وخيفان بكرى ما اقدر اخدمه ..ومالي غير الشباب الطيبه مون عليهم

[جوليت]

اقتباس: المشاركة الأصلية كتبت بواسطة golden    هيدا اذا ما انت جولييت المركزي نفسو

سيدي شكرا الك ... بعد دراسة متأنية لتحاليك وخاصة تحليل مبارح تبع فهمك للعبة , مابستغرب تحليلك اليوم
اخي الكريم رح الك هالجملة وبتمنى تتمحص بقرائتا ومن بعدا ممكن ننتناقش :
"في لحظة انفصال الجسد عن الروح يمكنك رؤية المشهد الذي مالبثت تتوقعه: نقطة البداية الاولى واحدة لكلا الشيئين، شيء ياتي عقب شيء دون وسيط ،آت بعد ابتداء الشيء نقطة تعقب اخرى"
اذا فهمتا متأكدة رح تغير فهمك لكلشي كنت فهمانو من قبل
------------------------------------------------------------------------
اقتباس:
المشاركة الأصلية كتبت بواسطة جوليت




سيدي شكرا الك ... بعد دراسة متأنية لتحاليك وخاصة تحليل مبارح تبع فهمك للعبة , مابستغرب تحليلك اليوم
اخي الكريم رح الك هالجملة وبتمنى تتمحص بقرائتا ومن بعدا ممكن ننتناقش :
"في لحظة انفصال الجسد عن الروح يمكنك رؤية المشهد الذي مالبثت تتوقعه: نقطة البداية الاولى واحدة لكلا الشيئين، شيء ياتي عقب شيء دون وسيط ،آت بعد ابتداء الشيء نقطة تعقب اخرى"
اذا فهمتا متأكدة رح تغير فهمك لكلشي كنت فهمانو من قبل

golden :
r
شكرا للنقاش السابق معك
كان عندي شك بشيء ما بس هلأ تاكدت
حاجة في نفس يعقوب
-----------------------------------------------------------------
رح بسطلك ياها .. حضرتك مهندس كمبيوتر صح ؟ ستخراج الكود البرمجي من برنامج صعب كتير طبعا انا ماني عم احكي على البرامج المفتوحة المصدر اكيد على المغلقة المصدر ( متل حالتنا ), طبعا بالنسبة للجافا لما بتكون الملفات على شكل class ممكن يكون الامر سهل ببرنامج متل dj java
لانك بتقدر بكل بساطة ترجع الكلاس الى كود مصدري ( وبأكدلك مارح يصير بحالتنا )
اما اذا كان البرنامج مفتوح المصدر (كمان مو متل حالتنا ) فافضل شي الرجوع لموقع البرنامج وتنزيل الكود المصدري

دمت مهندسا حاسوبيا بارعا

[omar1964]

مساء الخير
كل ما بشوف حقل الجنس المذكور ببطاقة العضو التي تظهر على يمين المشاركة
بتذكر اني لازم نبه القائمين على المنتدى ان فيها خطأ
فكلمة أنثى تكتب بالألف المقصورة و ليس بالياء

أنثي ما عدنا عرفنا شو ... ليكون الخطأ بحرف تاني ههههه

تفضلو على صالة الخميس

صالة أسعار الدولار والذهب مقابل الليرة السورية ليوم الخميس