سعر صرف الدولار والذهب مقابل الليرة السورية ليوم الثلاثاء 25 -03- 2014

[GoldMan$]

اقتباس: المشاركة الأصلية كتبت بواسطة جوليت    سيد انس جد انت شخص محلل ماهر ,انت الوحيد يلي حكيت عالاستيراد والتتدخل جاء بما يؤكد كلامك , الحركة فعلا بلشت ترجع عالشام بموضوع الاستيراد ولله الحمد بس بعتقد انو المركزي واعي للهشي لهيك من كم يوم حطيت مشاركة وقلت انو الجهات المختصة القت القبض على عدد من التجار يلي ميشترو من السوق السودا تحت ذريعة الاستيراد (وتركت الجهات المختصة مبارح عدد منن ) ,وتاني الشي تم التأكيد على موضوع الدولار للأغراض غير التجارية والمبلغ المسموح 500 وبدون الزعبرة يلي كانت متسويا شركات الصرافة (واندرجت تحت بند تمويل الارهاب ) وبعتقادي رح ينرفع الحد 1000 (مجرد اعتقاد )

برأيك انو اذا صار الحد 1000 رح يختلف شي ... لو بدو المركزي مع احترامي له لو بدو يشتغل نظامي كان شغل البنوك العامة والخاصة بهي القصة لانو عندهم نظام وامورهم مكشوفة ... وكانت الناس راحت واشترت بدون تطحيش وقتيل وضرب وبهدلة .. كان الواحد قطع كرت دور وانتظر باكابرية وخلصت القصة ... بس المركزي ما بدو يبيع وما تبقى ضجيج اعلامي فقط .. وخلصت القصة

[wilcom2009]

اقتباس: المشاركة الأصلية كتبت بواسطة أبو تيم    أخي سامح أنته االأصل مين هاد الكذاب جولييت شخص هولامي

كلام سليم مع اضافة انه منتفع ومرتزق ومنفذ اوامر

[ADIB]

مساء الخير جميعا

[ADIB]

تبين ان جلسة التدخل كانت خلبية بامتياز................................
اغلاقات الدولار طرطوس مبيع 163 شراء 161.5
دمشق مبيع 164 شراء 162
وحالة السوق متماسك

[رشاد حج علي]

اقتباس: المشاركة الأصلية كتبت بواسطة adib    تبين ان جلسة التدخل كانت خلبية بامتياز................................ اغلاقات الدولار طرطوس مبيع 163 شراء 161.5 دمشق مبيع 164 شراء 162 وحالة السوق متماسك

اخي اتوقع ان هناك قطبة مخفية ب التدخل بتوقع بكرا او بعد بكرا تبين عأرض الواقع بالسوق

[ADIB]

اقتباس: المشاركة الأصلية كتبت بواسطة black_ghost87    بانياس-البحر-الذهب الكسر شراء:5900 مبيع:6000

مو قليل عل الشراء كان بطرطوس عم ينشرا 5935

[أحمد الأحمد]

انا مافهمت شو يعني يوصي...لمين الوصية..
لو انه اصدر امرا بتمويل المستوردات كنا له من الشاكرين.
واظن هيك قرار يحمل المركزي عبء كبير ودولارات كتيرة .
واهم شي نعرف على اي سعر سيمول المستوردات .باعتقادي لن يؤثر تمويل المستوردات .على سعر الصرف .....اصلا مافي مستوردات بالسوق بدولار اقل من 215 .ربما واعود واكرر ان تم التمويل ربما تنخفض ا سعارالسلع قليلا

[عابر مجيب]

مساء الخير
هالمرة المركزي ما غلط
بس لازم يسرع أكتر
الشمس ما بتتخبى بغربال
في واقع ما منو مهرب
كل ما اقتربنا من السعر، بيستقر الاقتصاد ، وبيقل الخوف من القفزات .
الصدق والاعتراف بالواقع مو ضعف ، وبيفيد ما بيضر
غير هيك ما حدا حيفرد رأسمال ، واللي بيفرد بالصبح ، بنام على دولار بالليل
والسبب سوء السياسة االاقتصادية ، والاستخفاف بتجار مارسوا التجارة ابا عن جد .

[أحمد الأحمد]

اقتباس: المشاركة الأصلية كتبت بواسطة رشاد حج علي    اخي اتوقع ان هناك قطبة مخفية ب التدخل بتوقع بكرا او بعد بكرا تبين عأرض الواقع بالسوق

صحيح كلامك اخ رشاد
لكن الوضع العام هو طلب الدولار لاخوفا من ارتفاع سعره وانما حالة نفسية بسبب الظروف الحالية ... واظن السوق الان في وضع يمكنه من امتصاص التدخل....

[omar1964]

قال الاستاذ عابر بالثبات نبات هادا طبعا بالنسبة للمدخرين لكن بالنسبة للآخرين يمكن بالحركة بركة تغيّر السعر صعودا ثم نزولاً اذا افترضنا انه من الممكن ان ينزل بعد فترة قد يعود بفوائد كثيرة على كبير المضاربين لكن مع الآسف أظن ان الحالتين لهم تأثير سلبي جداً على التجارة و ما تبقى من صناعة ... نحن بشكل عام بحاجة فقط للإطمئنان على سعرالليرة قبل أن نفكر بأي تجارة خارج إطار العودة سريعاً لملاذ مضمون و مستقر و هذا على ما يبدو أبعد من أن نحصل عليه حالياً....