سعر صرف الدولار والذهب مقابل الليرة السورية اليومي الخميس والجمعة 27و28 -02- 2014

[عابر مجيب]

اقتباس: المشاركة الأصلية كتبت بواسطة hasobman    ممكن شرح هالعبارة استازي

أنا آسف على التأخير بالجواب ، أحيانا بقرأ وبجاوب وأحيانا بنتظر لكمل الصفحة ، بلتهي بشي رد تاني ، ومع كتر الصفحات بيصير صعب نلاقي المشاركة مرة تانية ، اليوم عملت مراجعة لأني حاسس في شي ناقص ، ولقيتها .
سؤالك عن شي مو مستبعد ابدا ، وأوكرانيا ازاحت الرئيس الموالي لروسيا ، وشبه جزيرة القرم فيها خليط من الروس والأوكرانيين ، وخود على مشاكل ، وبالمناسبة الله بعالي سماه انقذني على الصبح ويسرلي دعم لفكرتي ، هلأ فتحت هالتلفزيون ، نافذتي على التنبؤ بعلم الغيب ، وقالوا ان روسيا استولت على مطار بشبه جزيرة القرم يالطيف !

[eng.mdkh]

اقتباس: المشاركة الأصلية كتبت بواسطة jamal80    أسعد الله مساءكم جميعاً دمشق 3:15 شركة بيكو للصرافة شارع 29 أيار 149.90_150 السعر الموجود على الشاشة

بما أنو السعر ما ارتفع عن الـ 150 في شركات الصرافة ....
برأيي أن التدخل سيستمر للعودة إلى هذه المستويات أو الاقتراب منها..

يعني لسا ما فلت الزنبرك !!!

[المسار]

صبحكم الله بالخير

جمعه مباركه عالجميع انشالله

[hamod.kopani]

صباح الخيرجميعاًوجمعة مبارك

[عابر مجيب]

اقتباس: المشاركة الأصلية كتبت بواسطة eng.mdkh    بما أنو السعر ما ارتفع عن الـ 150 في شركات الصرافة .... برأيي أن التدخل سيستمر للعودة إلى هذه المستويات أو الاقتراب منها.. يعني لسا ما فلت الزنبرك !!!

مو شرط

[hash]

اسعد الله صباحكم بكل خير وجمعة مباركة للجميع حبيت حطلكون هل خبر للترفيه وبعيد عن الدولار ومشاكلو

أعلن متجر بريطاني عن رغبته بتوظيف شخص بمهمة "تجريب احواض الاستحمام" التي تبيعها الشركة، وذلك مقابل راتب يصل إلى 10 آلاف دولار سنويا.

وذكرت صحيفة "ديلي ميرور" البريطانية أن "الوظيفة تم تصنيفها ضمن أكثر الوظائف راحة ومتعة في العالم لأنها تقتصر على الجلوس في حوض الاستحمام والحصول على حمام دافىء ومن ثم إعطاء تقارير عن مدى كفاءة وجودة الأحواض التي يتم بيعها".
وقال الرئيس التنفيذي لقسم التسويق كليرز بايليس إن "الوظيفة شهدت إقبالا كبيرا حيث تقدم لشغلها أكثر من 50 شخص".

ويشمل عقد التوظيف الذي يمتد إلى عام كامل على راتب سنوي يقارب 10 آلاف دولار بالإضافة إلى مزايا أخرى عديدة.

وأشار بايليس إلى أن "الموظف لن يضطر لمغادرة منزله لتجريب أحواض الاستحمام، حيث يتكفل المتجر بتركيب أحواض الاستحمام داخل منزله وتبديلها من وقت لآخر، في حين أنه يتوجب على الشخص الذي سيقع عليه الاختيار إعداد تقارير مفصلة وتحليلات مكتوبة عن تجربة الاستحمام من وقت لآخر".

ولفت يايليس أن المتجر تلقى عدداً كبيراً من طلبات التوظيف، وسيبدأ بالنظر فيها خلال الأسابيع القادمة لاختبار المرشح المناسب لشغل الوظيفة.

[hasobman]

اقتباس: المشاركة الأصلية كتبت بواسطة عابر مجيب    أنا آسف على التأخير بالجواب ، أحيانا بقرأ وبجاوب وأحيانا بنتظر لكمل الصفحة ، بلتهي بشي رد تاني ، ومع كتر الصفحات بيصير صعب نلاقي المشاركة مرة تانية ، اليوم عملت مراجعة لأني حاسس في شي ناقص ، ولقيتها . سؤالك عن شي مو مستبعد ابدا ، وأوكرانيا ازاحت الرئيس الموالي لروسيا ، وشبه جزيرة القرم فيها خليط من الروس والأوكرانيين ، وخود على مشاكل ، وبالمناسبة الله بعالي سماه انقذني على الصبح ويسرلي دعم لفكرتي ، هلأ فتحت هالتلفزيون ، نافذتي على التنبؤ بعلم الغيب ، وقالوا ان روسيا استولت على مطار بشبه جزيرة القرم يالطيف !

معقولة يصير بروسيا متل ايران

[hasobman]

من الويكيبيديا
شبه جزيرة القرم هي جمهورية ذات حكم ذاتي ضمن جمهورية أوكرانيا حيث تقع جنوب البلاد ويحيط بها البحر الأسود من الجنوب والغرب، بينما يحدها من الشرق بحر أزوف، ومساحتها 2700 كم، وسكانها 2.5 مليون نسمة، ويشكل الروس حوالي 50% منهم، والأوكران 30%، والباقي من التتار المسلمين. وأهم مدنها هي العاصمة سيمفروبل، وكان اسمها فيما مضى "اق مسجد" أي المسجد الأبيض قبل أن يستولي عليها الروس.

[عابر مجيب]

اقتباس: المشاركة الأصلية كتبت بواسطة hasobman    معقولة يصير بروسيا متل ايران

ما فهمت السؤال ، إذا شي منيح ، من تمك لباب السما .
بس ما عرفت قصدك ، على العملة مثلا ؟
أو تحول البلد لدولة دينية ، يمنعوا الفوتكا ويموتوا من البرد !
هدول عالم شاقين الأرض وطالعين ما ممكن يسيطر عليهم حدى بمفاهيم ما ورائية وغيبيات .
على كل حال ما بنعرف ممكن نشهد عودة ( راس بوتين ) ، كل شي معقول .
ما في شي غريب بالدنيا ، من أجل حفنة من الدولار .

[عبدالقادر]

اقتباس: المشاركة الأصلية كتبت بواسطة eng.mdkh    بما أنو السعر ما ارتفع عن الـ 150 في شركات الصرافة .... برأيي أن التدخل سيستمر للعودة إلى هذه المستويات أو الاقتراب منها.. يعني لسا ما فلت الزنبرك !!!

وقت بتم الاعلان عن تدخل مباشر مابيرجع السعر لهل المستويات فما بالك اذا كان الايهام بالتدخل بدك يرجع لهيك مستويات وهاد حكيتو بكل نقطة وقفنا عندا من 143 لصرنا هون شوف القصة شلون ايهام بالتدخل متل المرات السابقة شو منكسب عالم بتبيع عأساس الرجوع والمركزي مارح يخليون يطولو هالخبر تنين بيشتريون مشان يبيعون بنقطة اعلى تلاتة واربعة وخمسة هلق بكتبلك عشر صفحات لان الحطة المو ضوعة بأعلى التقنيات وعمستو عالي ومشبوكة من سوق الدهب الى نيونة التوفير يمكن الاعضاء لو عرفو شو بقصد ماحدى خسر فرنك انا لهلق ماخسرت الا وقت عملت فترة راحة من المعمعة الصايرة هي مو خطة لتحارب فيا مضاربين هي خطة بتحارب فيا دول بحد ذاتا .....حاج.ولاعيد .صححلي رشاد .حسوب .عابر.