متابعة جلسات التداول(17-18-19)-9-2012

[غالب]

شكرا استاذ عصام فكرة رهيبة

[economic opinion]

اقتباس: المشاركة الأصلية كتبت بواسطة غالب    انسة روان شكرا لسؤالك منيح لسه الك نفس تكتبي شيء كثر خيرك والله يفتحها بوجهك وين ما رحتي

بإذن الله إلي نفس طول ما فيني نَفَس
نحنا إخوة وما إلنا غير بعض ولازم كلنا نهون ونخفف عن بعض لأنو ما إلنا غير بعض
طب هات لنشوف وينك هالأيام أستاذ غالب بالشام ولا بالسويده

[Laraqw]

اقتباس: المشاركة الأصلية كتبت بواسطة غالب    انسة روان شكرا لسؤالك منيح لسه الك نفس تكتبي شيء كثر خيرك والله يفتحها بوجهك وين ما رحتي

فعلاً إن خليت خربت

[economic opinion]

اقتباس: المشاركة الأصلية كتبت بواسطة غالب    شكرا استاذ عصام فكرة رهيبة

عم احسبلك ياها أستاذ عصام لقيت السهم هيك مكلفك 188 ليرة يعني غالي كتيييير لأنو العمولة ما بتنزل عن 100 ليرة

[Laraqw]

التداول 8375 ق.س ما يعادل 113 Cents
حلوووووووو كتيييييييييييييييييير وإلى الأمام
ست فضيحة... لك يا محلاه الصـفر

[i.kusibati]

اقتباس: المشاركة الأصلية كتبت بواسطة economic opinion    عم احسبلك ياها أستاذ عصام لقيت السهم هيك مكلفك 188 ليرة يعني غالي كتيييير لأنو العمولة ما بتنزل عن 100 ليرة أنا بقترح نشتري 100 سهم كل مرة حدا مشان ما يطلع السهم غالي كتير big grin

أنا نسيت موضوع العموله ..إذا كان هيك ..........والله السوق كله مابشتريه ب100 وشكرا لكي .

[economic opinion]

اقتباس: المشاركة الأصلية كتبت بواسطة i.kusibati    أنا نسيت موضوع العموله ..إذا كان هيك ..........والله السوق كله مابشتريه ب100 وشكرا لكي .

من عيوني أستاذ عصام شكراً لك

[Barbie]

اقتباس: المشاركة الأصلية كتبت بواسطة economic opinion    متل ما قالولك الشباب باربي بتتسجل حقوق للمساهمين لحتى يجوا المساهمين يلي إلهون نصانيص "جمع كلمة نص big grin" وياخدو مصاريون "متل ما بيتعاملوا بالتوزيعات النقدية للأرباح " أما من الناحية الفنية ومتل مو وارد بالتعليمات، الشركة المصدرة للأسهم بتجمع كل النصنوصات (جمع مؤنث سالم) تبع مساهمينها وبينزلوا بسجل المساهمين بإسم _كسور الأسهم_ ولما بينودع السجل الجديد يلي بعد الزيادة بمركز المقاصة بالسوق بينفتح بدال حساب كسور الأسهم حساب بإسم الشركة المصدرة للأسهم ويلي بدورها بتفتح حساب بأي شركة وساطة وبتبيع هي الكسور عن طريقها وبتخصم عمولات التداول والرسوم من حصيلة البيع الإجمالية وبترجع للمساهمين المصاري يلي بقيانينلون كل واحد بيلي باقي من سعر النص تبعو يلي قانوناً لازم يكون عالأقل معادل للقيمة الإسمية أو أكتر بشوي لأنو ما بيحق للشركة تبيع "وفقاً للتعليمات" بأقل من القيمة الإسمية للسهم + العمولات يلي عم تدفعها عالبيع. وبس تقدر الشركة تبيع كل الكسور يلي زايدة عندها بتطلب من المساهمين كل واحد يجي ياخد حصتو وبتسجلون متل ما قلتلك حقوق للمساهمين متل التوزيعات النقدية يلي لسا ما قبضوها صحابها واضحة هيك أختي؟ إذا في شي تاني أو مو واضح قليلي يا حلوة لوضحو

الفكرة العامة فهمتا اختي روان وفهمت أن محاسبياً الشركة مارح تفرق معها لأن العلاقة ح تصير بشركة الإصدار

بس صفي سؤال صغير
بركي طلع مجموع النصيات يلي رح تبيعن شركة الإصدار فيو نص؟؟؟؟
كيف رح تصير القصة ويبيعو نص سهم لمساهم؟؟؟؟

[غسان]

اقتباس: المشاركة الأصلية كتبت بواسطة economic opinion    عم احسبلك ياها أستاذ عصام لقيت السهم هيك مكلفك 188 ليرة يعني غالي كتيييير لأنو العمولة ما بتنزل عن 100 ليرة أنا بقترح نشتري 100 سهم كل مرة حدا مشان ما يطلع السهم غالي كتير

ونسيتي يلي باع السهم كمان عليه عمولة 100 ليرة وهيك لازم يدفع حوالي 17 ليرة لشركة الوساطة فوق ماخسر السهم
نعما على هالتجرة
اذا كل يوم واحد اشترى منو سهم يلي هو برأس قائمة البيع بينخرب بيتو تمام

[economic opinion]

اقتباس: المشاركة الأصلية كتبت بواسطة barbie    الفكرة العامة فهمتا اختي روان وفهمت أن محاسبياً الشركة مارح تفرق معها لأن العلاقة ح تصير بشركة الإصدار بس صفي سؤال صغير بركي طلع مجموع النصيات يلي رح تبيعن شركة الإصدار فيو نص؟؟؟؟ كيف رح تصير القصة ويبيعو نص سهم لمساهم؟؟؟؟

ما بيطلع باربية لأنو إجمالي مجموع الأسهم المصدرة بأي شركة أو بنك هو رقم صحيح غالباً وبالتالي "زوجي"