سعر صرف الليرة مقابل الدولار 14-5-2012

[najm]

وين راح عملة حديد االه يستر ما يكون ابو محمد جلطو ؟! :k:

[فراس السكري]

اقتباس: المشاركة الأصلية كتبت بواسطة مجد    الازمات ستاتي متتابعة .غاز-مازوت -بنزين -وبالطريق الكهرباء (ستكثر الانقطاعات).اليوم شاهدت بالسوق مراوح تعمل على الكهرباء وتشحن ل 5 ساعات ب2800ليرة اي بعد انقطاع الكهرباء تظل 5 ساعات تعمل صار لي اكثر من 3 شهور اسال عليهاوجدتها اليوم .للفائدة

اخ مجد هناك حجمين قياس 14و16وانواع مختلفة منها السيء والجيد وطبعا كله صيني ولكن قياس 16 افضل وتعمل 4 ساعات بعد طفي الكهرباء وهي جيدة لاني استخدمتها الصفية الماضية وعلى العلم ان الانفرتر شغل عندي المروحة بقياس كبير و3ساعات مع ضوء للصالون موفر طاقة

[expert]

اقتباس: المشاركة الأصلية كتبت بواسطة عابر مجيب    المشكلة اللي عم تواجهها الدولة أنو العالم بعلمها واعيين وملاعين وعم يحسبوا صح وبتحتار كيف بدها تخورفهم ، وهلأ بألف زور اقتنعوا بأن العملة فولاذ مو حديد بس . بنجي هلأ للوعي ، بتلاقي معظم الخواريف ما بيتابعوا أسعار العالم ولا في قدرة تفهمهم انو الدولار أو أي عملة ممكن تطلع وتنزل بمعزل عن سوريا . لذلك لو تركو الدولار يطلع ولو كان السبب دولي ، متل ما كان ارتفاع الدهب العالمي اللي العوام ما بيفهموا غير أنو الدهب غلي ، هاد ساعد في تخطي الدولار عتبة المية ولو نهارين ، نعم اذا تركو الدولار يطلع بالشكل الطبيعي ، المواطن إذا بتحلفلو على المية تجمد ! ما رح يصدق وبتفلت من ايد الدولة المقدرة على كبح الجنون في سعر الدولار وهالمرة هي صارت آخر فرصة للتحكم ، رح يبدأ يفلت شوي شوي وبعدين يتسارع ومارح تلحق عليه ، لذلك عم تتحمل الخسارة هلأ . ايييييييه حظ ! بس بصرف النظر عن الحظ رح تفلت . وفوق الموتة عصة قبر ما بيكفي قلة الموارد ، لأ وبدنا نعمل معارض بالعراق والنتائج معروفة سلفا ، وخود على بعزقة ومصاريف بالعملة الصعبة ، بعد ما خلص معرض تهران وما تمخط عن شي ، يمكن ما خلوا نوع محارم ما أخدوا معهم ، شو في كمان منافس ؟ دواليب النسر ، جرارات زراعية من اللي فيها عجز بالانتاج ؟! علكة بالون ، جرابات . يعني العراقيين ما كانو هون وتعرفوا على البضاعة ولا عم يستنوا يشوفوها بالمعرض ؟ المشكلة أنو الدولة بتعتبر إذا المواطن حط من جيبتو هادا مو خسارة للناتج المحلي ، لأنو هوه من غير بلد . أحلى شي قال إذا المركزي عندو يورو كتير ونزل سعرو عالميا مثلا قعدت انتظر لوصل 1.44 ورحت صرف بالبنك يورو محول إلى دولار ( لازم يكون محول ) . قال شو السعر 1.38 سحبتهن ، وشو بدك تدفع نسبه بالألف على سحب الكاش، نسيت بالتمام يمكن 6 بالألف . وهداك يوم وهادا يوم وصار البنك عندي خلف ساعة الكهرباء ، تبع الجيران طبعا .

عرفنا وين الاستاذ عابر عم يخبي المصرياتug8;

بكرا بعمل حالي مراقب العدادات وبجي بدور عليهم بس المهم تكون الكهرباء مقطوعة منشان ما نتكهرب:patch_galc:....

والله انا كمان اكتر من فراطة الخمس مية ما عم اترك بالبنك عم اسحبهم اول باول......
بس ما عم اخبيهم ورا ساعة الكهرباء ........ تبعة الجيران عم خبيهم بمحل تاني ug4;
ابقوا دورواعليهم اذا بتحصلوهم.....

بالنسبة للبنوك والحوالات والله الي مصاري مقابل شغل عملته لواحد بالخليج (موكتار)
بس قلتله خلي المصاري عندك لا تحولهم منشان ما يستحكموني بسعر الصرف
وبس تنزل على البلد ماخدهم منك

[expert]

الذهب الى 1557
اذا تجاوز نقطة المقاومة هذه الله اعلم وين بدو يوقف السعر؟؟؟؟

[najm]

النت عندي ميته وما عمأقدر شوف الاسعار كم الدهب الان لو سمحتوا ؟

[expert]

عم يصطدم ب 1557 ويرتد
حاليا 1557.56
طبعا بعد قليل يتوقف التداول حتى افتتاح سوق هونغ كونغ

[فراس السكري]

اقتباس: المشاركة الأصلية كتبت بواسطة najm    النت عندي ميته وما عمأقدر شوف الاسعار كم الدهب الان لو سمحتوا ؟

Gold : 1557.87

[najm]

اقتباس: المشاركة الأصلية كتبت بواسطة expert    عم يصطدم ب 1557 ويرتد حاليا 1557.56 طبعا بعد قليل يتوقف التداول حتى افتتاح سوق هونغ كونغ

اغلاق مخيب للأمال قد يودي به الى 1522 دعم ان لم يرتد منها ويبدل اتجاهه ..........بكون راح

[expert]

الله يلطف بالمدنيين السوريين
ويحفظ اهل سورية
ويدفع عنهم البلاء والظلم
ادعوا معي يا جماعة الوضع اليوم صعب
يالطيف الطف يارحمن ارحم

[najm]