المتابعة اللحظية لجلسة تداول الاحد 8-5-2011

[Salam L]

اقتباس: المشاركة الأصلية كتبت بواسطة احمد    الاسلامي بعد تعديل السعر اللمرجعي كان ب 1160 واعتبره البعض مغري ودخل ثم نزل الى 950 وايضا دخل الكثير وتكرر ما يحصل حاليا الى ان بلغ 1060 وتمت عملية جني الارباح ثم هبط الى 720 ثم ارتد السوق بعد ان قال بابا نويل انه سيقدم هدايامجانية لنا نحن المستثمرين لا احد يمكنه القول ان السوق سيبقى على ارتفاع لفترة طويلة

عجبني لقب بابانويل

[BROKER]

اقتباس: المشاركة الأصلية كتبت بواسطة salam    انا شخصيا اول ما عدل الخسائر رح اطلع من السوق ..الى الابد ههههههه ومابفوت الا باكتتاب وبنسى الاسهم شي 3 سنين

تيتي تيتي ....

بركي بعد ثلاث سنين صار في مشكلة بالبلد أو بالشركة ونزل السهم لسعر الاسمي ؟؟

بكون ارباح 3 سنين طارت ... (أرباح تطور سعر السهم يعني )

[BROKER]

اقتباس: المشاركة الأصلية كتبت بواسطة anasatfirst    صباح الخير وجلسة موفقة للجميع... بعد صدور نتائج زيادة الاكتتاب علإسلامي.. امتى لح تنزل أسهم المكتتبين علبوصة؟

صباح الخيرات أخ انس
كيفك

بس لحتى يخصصو بالاول

يعني غالباً آخر الاسبوع والتداول الاحدا الجاية ببلش

[BROKER]

اقتباس: المشاركة الأصلية كتبت بواسطة anasatfirst    شو سبب سهم الاسلامي عما يطلع ؟ بالرغم تقريبا الأوضاع نفسها يمكن... فليش نزل خلال عشرة أيام أكثر 150 ليرة .. من 950 إلى 750 تقريبا .. وهلق طلع وعما يستمر بالصعود ...؟ شو التفسير النفسي للمستثمرين .. قبل التفسير الفني للسهم .. شو رأيكم ؟ وهل يا ترى لح يستمر ويستمر بالصعود؟ ولا لح يوقف أو لح يرجع يهبط؟

هاد مو انتى غبت آخر كم جلسة وما عاد بينت
اي صار أخبار خطيرة بغيابك

وأول الاخبار دعوة لانقاذ السوق لباها رامي مخلوف وقال رح ننقذ البورصة "بعمليات مالية"

[Salam L]

اقتباس: المشاركة الأصلية كتبت بواسطة broker    تيتي تيتي .... بركي بعد ثلاث سنين صار في مشكلة بالبلد أو بالشركة ونزل السهم لسعر الاسمي ؟؟ بكون ارباح 3 سنين طارت ... (أرباح تطور سعر السهم يعني )

انا هلق رأس المال طار تلتو....فيما محلى تطير الارباح...هههههههههههه


ومشان ماتزعل بنعمل تقييم كل ست شهور للسعر وبنبيع بناء على التقييم....

[Rihab]

اقتباس: المشاركة الأصلية كتبت بواسطة loai    صباح الخيرات لكم جميعا

صباح النور خالو لؤي

[BROKER]

اقتباس: المشاركة الأصلية كتبت بواسطة Salam    ماقصدت رامي... بس يالله بركي بوكرة رامي بيصير واحد من السوبرمانات (جمع سوبرمان بس بالعربي)... ماحدا بيعرف

يعني الواحد يصر "مان" ممكن

أما سوبر قبلها هي ما بتصير بوضعي

[ابو فراس]

اقتباس: المشاركة الأصلية كتبت بواسطة salam    اسأل سوبر مان..فعنده الخبر اليقين

انتي صرتي خبيرة بورصة وخاصة بالازمات

[BROKER]

اقتباس: المشاركة الأصلية كتبت بواسطة mouayad    ابو حازم كيفك يا رجل حاسس حالي شفاف اليوم صرت قايلك مرتين صباح الفل ولا رد و سألتك على الأسهم و كمان ولا رد ؟؟؟؟؟ شوي تانية بطبق عليك احكام المادة رقم \ 18 \ ؟؟؟؟؟؟؟؟؟؟؟؟؟؟؟ و الشباب كمان استفقدولك لتكون غيااااااااااب لنسجلك

شو غياب ما غياب
انا معكن بس قطعت ربع ساعة كان معي تلفون

صباحك خير يا معلم .... انا ممسي عليك من مبارح بس الظاهر هي الحالة يلي قلك عليها الاستاذ غالب "بيرق" يلي انا ما فهمتا يمكن هية عم تخليك ما تنتبه ....

الله أعلم معو حق ابي نادر يعفيك من المهمة لانك رح تخربط ..

وجاوبتك بالنسبة للبدائل

[احمد]

اقتباس: المشاركة الأصلية كتبت بواسطة broker    هاد مو انتى غبت آخر كم جلسة وما عاد بينت اي صار أخبار خطيرة بغيابك وأول الاخبار دعوة لانقاذ السوق لباها رامي مخلوف وقال رح ننقذ البورصة "بعمليات مالية"

بس ليش ما انقذ السوق لما كان الاسلامي ب 1000 وقطر ب 650 وغيره وغيره
يعني لا حدا يمننا انو شلحنا اسهمنا بالسعر الاسمي وبكرة بعد كم جلسة حيبعنا الاسلامي ب 900 وحناكل المقلب من جديد