صالة أسعار الدولار والذهب مقابل الليرة السورية ليوم الخميس 31-10-2013

[عبدالقادر]

المركزي هلق عم يحاول يرفع السعروالمضاربين الحيتان عم يحاولوا ينزلوا ونحنا وقعنا بين السفاقتين .بس بقلك وبقول لكل الاعضاء لما الكبار بيضاربوا .الصغار بتنبطح بالارض .فهمتوا .ولاعيد . رح نعيد .هي لعبة قيد مين فوق .المدخر يقعود والمعو سوري يصطفل بيشتري ببيع .رح ننباع كلنا بالعزا شايفلكون اخرتا

[ph-hosam]

اقتباس: المشاركة الأصلية كتبت بواسطة حكيم الزمان

لك أخي و الله كل ما بيحطوا هالأسعار وهالنشرات تبعيت التموين بنقهر..
يعني يعطوني فائدة وحدة لهالنشرة
هلأ على فرض أنا طبعتها و دخلت عند بياع حلو و قلتلو عطيني كيلو غريبة بالسمن الحيواني
وعديتلو 700 ليرة و قلتلو شوف كيف مكتوب بالنشرة هيك ..
شو بتتوقع رح تكون ردت فعلو لصاحب المحل ،، يعني هدول اللي بيحطو التسعيرة ما عم يشترو غراض من السوق او حلو و لا العلب يمكن بتجيهم هدايا بمناسبة و بغير مناسبة

[جوليت]

المركزي امامه مهمة خطيرة , السؤال يلي لازم ينسأل : المركزي بيقدر يدافع عن الرقم يلي وصلو سعر الصرف حتى الان (بغض النظر عن العامل الحقيقي الذي ادى لهذا الهبوط )؟ مرة انسأل السيد ميالة على الاعلام وقالها بكل وضوح :" فينا ننزل السعر للخمسين بظرف اسبوع ولكن هادا مو مهم المهم انو بنقدر ندافع ؟ اجابتو لا كانت "
طيب هلأ بوالص الاستيراد واقفة , عالم كتير ناطرة لحظة الشراء المناسبة ؟؟؟؟؟؟؟؟؟؟؟؟؟؟
الوضع مابطمن
تساؤلات تدعو للتفكير:
1- شركات الصرافة على الاغلب عم تشتري دولار ماعم تبيع (او قليل )
2- الحدود التركية : شراء الليرة السورية بكميات كبيرة ......النتيجة ايضا شراء كبير وبيع قليل
3- الاعلام لم يهلل ويطبل ويزمر كعادته لنزول الدولار(كم كلمة عينونية) وكان من قبل مجرد نزول كم ليرة يصرعونا فيا
4- القرار الاخير تبع المركزي
5- تصريحات السيد ميالة شبه معدومة
6- حملة السيد ناصر قنديل (بغض النظر على مين محسوب )
7- الاهم اقالة السيد قدري جميل علما انو هو يلي شكل الفريق الاقتصادي الجديد ( بغض النظر عن السبب المعلن )

[هزار]

أنا برأيي الدولار لح يستمر بالنزول مافي أي ظواهر الى الآن بدل انو لح يطلع خلينا هلأ عم نترقب و أول ظاهرة بدل انو لح يطلع وقتا ممكن يفكر الواحد انو يتحرك
:-)))

[عبدالقادر]

تحياتي للاستاذ رامي وكان تحليل رائع ارجو ان يتم اصلاح العطل كل مابفوت صفحة بدي سجل دخول وكل مشاركة برجع صفحتين وما بتنزل لكرر اكتر من مرة

[حكيم الزمان]

مجلس الوزراء.. الثلاثاء القادم عطلة عيد رأس السنة الهجرية
دمشق /31/10/سانا

[shereen]

اقتباس: المشاركة الأصلية كتبت بواسطة هزار    أنا برأيي الدولار لح يستمر بالنزول مافي أي ظواهر الى الآن بدل انو لح يطلع خلينا هلأ عم نترقب و أول ظاهرة بدل انو لح يطلع وقتا ممكن يفكر الواحد انو يتحرك :-)))

طيب وقت طلع من 150 لل 330 خلال 10 ايام شو كان سبب صعودو برايك علما ماكن في اي تهديد خارجي حتى ماكان في مواجهات قوية متل هالايام(واذا بتحبي بعطيكي مية سبب وسبب لانو يطللع هللق)

[جوليت]

اقتباس: المشاركة الأصلية كتبت بواسطة هزار    أنا برأيي الدولار لح يستمر بالنزول مافي أي ظواهر الى الآن بدل انو لح يطلع خلينا هلأ عم نترقب و أول ظاهرة بدل انو لح يطلع وقتا ممكن يفكر الواحد انو يتحرك :-)))

انسة هزار مرحبا , اشتقنا لألوانك التفاؤلية ,وخاصة اسبوع كان كل تفاؤل ظاهريا ولكن تشاؤم باطنيا

[انس الحموي]

عودة توازن العرض والطلب ....حماة الان شراء 158 ....مبيع 160 متوفر بالاتجاهين ....شباب اللاذقية وشباب الشام بدي منكم خدمة تكتبوا لي اماكن المكاتب او البنوك يلي عما تسلم حوالات الويسترن يونيون وياريت يكون في ارقام تلفونات ...اليوم طلعت عالشام عالفاضي ...الديار ما عما يسلم وشركة تواصل كانت زحمة كتير وما صحلي دور كان في فوق 300 شخص واستلام الحوالة بعد اسبوع من تاريخ تسجيلها .....اخوكم انس طلب مساعدتكم فبتمنى ما تتاخروا علي بالرد ويلي بيقرأ مشاركتي يوم الجمعه يكتب رده بمشاركة بموضوع يوم الجمعه ...والف شكر لكل واحد بقدم لي اي معلومة بتفيدني

[جوليت]

المركزي مافي خوف على دولارتو (المبدأ المتبع منذ سنة ونص , اتبحتر وبس ينقص مخزونك 25 بالمية عملنا مس كول نحنا بخدمة الحبايب عاى طول ) الخوف على سورياتو ... انشالله يقدر يحافظ على سورياتو ومايخلصو ياهن الاوغاد ( سواء برضاه او مرغم )