صالون سيرياستوكس للعطلات(6-7-8-9 ) آذار-2014

[عابر مجيب]

ماعم اعرف كيف بدي صيغ فكرة وتوصل
عن انتخابات مصر أو الانتخابات اللي بيتم مراقبتها لضمان النزاهة
ما عم أعرف شو هالضمان
مراقبين دوليين ومؤسسة كارتر مثلا للمراقبة ، أو قضاة أو غيرو
طيب واحد بدائرة مدينة نصر مثلا ، أو بدائرة بولاق ، أو شبرا الخيمة ....... الخ
لو راح يصوت ، معروف انو صوت سريا ، طيب لو كل الدائرة كانت نتيجتها سلبية ، وين بقيت السرية ؟!
ممكن تاني يوم يجيه زوار الفجر وياكل نصيبو ، هو ، وكل واحد بالمنطقة ، بكل سرية كمان لا بيعرف فيهم لا كارتر ولا أوباما حتى .
باليوم التاني أو التالت للانتخابات ممكن تنفقس بتزوير أو تفجير من جماعة مرسي مثلا أو حبيب العدلي أكيد
بتنعاد الانتخابات مرة تانية ، واللي شاف زوار الفجر ما بقى يعيدها ، وهالمرة بتطلع الانتخابات فعلية 99% ، والمراقبين عم يبحلقوا !

[abu mhd]

صباحكم ورد وفل

اليوم عيد ميلاد اخونا ابو حكيييييييييييييييييييييييم لقمان
وبما انوا مسكر المعايدة على صفحته عالفيس
فحبيت عايده عالعلن وقله مارح تهرب مننا

فكل عااااااااااااااااااااااااااااام وانت و اهلك وعائلتك بخير و قبل السنة الجاية تكون امورك مستقرة وعم تلعب بالدولارات لعب

[abu mhd]

على فكرة مو كل مين قالك تلعب بالدولارات لعب معناها منيح
لأن ممكن تعد وتلعب وما يطلعلك شي
لكان قال المحاسب بتكون اموا داعيتله يلعب بالمصاري لعب بس مو داعيتله يملكهون

فروح ان شالله بتلعب بالدولارات لعب وبتتملكهون كمان

[لقماان]

اقتباس: المشاركة الأصلية كتبت بواسطة mouayad    صباحكم ورد وفل اليوم عيد ميلاد اخونا ابو حكيييييييييييييييييييييييم لقمان وبما انوا مسكر المعايدة على صفحته عالفيس فحبيت عايده عالعلن وقله مارح تهرب مننا فكل عااااااااااااااااااااااااااااام وانت و اهلك وعائلتك بخير و قبل السنة الجاية تكون امورك مستقرة وعم تلعب بالدولارات لعب

اقتباس: المشاركة الأصلية كتبت بواسطة mouayad    على فكرة مو كل مين قالك تلعب بالدولارات لعب معناها منيح لأن ممكن تعد وتلعب وما يطلعلك شي لكان قال المحاسب بتكون اموا داعيتله يلعب بالمصاري لعب بس مو داعيتله يملكهون فروح ان شالله بتلعب بالدولارات لعب وبتتملكهون كمان

هههههههههههههههههههههههه
و انت بألف خير .......
مشان اللعب بالدولارات ....ترى لحئت حالك و ظبطت الدعوة
بزمناتو ...دخل على مكتبي شخص (أحد أصحاب الشركة )و كانت الدولارات متلتلة ادامي
آم راح يصيبني بالعين كأنو نسي انو هدول الون
و ألي الله يتم عليك .......
التلوا اي والله هي دعوة امي الله يرحمها مستجابة ...
كانت تؤولي إن شاء الله بتصير تلعب بالمصاري لعب ...
و هي أنا عألعب فيون لعب... بس لعب ....
الله يرحمك يا امي لو كنت مكملة الدعوة تبعيتك
انو مو بس لعب .....لعب و يصيروا بعدين بالعب ....
-----------------------------
شكرا لالك ابو عمر ....انت انسان معدنك دهب ....
ان شاء الله بنئدر نئدملك شي .....بالمستئبل ...
هللئ بس راح ادعيلك
روح يا ابو عمر
ان شاء الله انت كمانة بتلعب بالدولارات لعب ....
ههههههههههههههههه

[حكيم الزمان]

ما عشنا ...
بس ...
شفنا اللي عاشوا...

[حكيم الزمان]

المتفائل ...بشوف انو بنعيش بعالم سعيد .....
المتشائم ...خايف يكون هالحكي صحيح....

[حكيم الزمان]

معظمنا حزين وإن لم يكن حزين فهو يائس وإن لم يكن يائس فهو مالل وإن لم يكن مالل فهو سعدان وهذا أضعف الإيمان....

[hash]

[hash]

[عابر مجيب]

اقتباس: المشاركة الأصلية كتبت بواسطة عابر مجيب    ماعم اعرف كيف بدي صيغ فكرة وتوصل عن انتخابات مصر أو الانتخابات اللي بيتم مراقبتها لضمان النزاهة ما عم أعرف شو هالضمان مراقبين دوليين ومؤسسة كارتر مثلا للمراقبة ، أو قضاة أو غيرو طيب واحد بدائرة مدينة نصر مثلا ، أو بدائرة بولاق ، أو شبرا الخيمة ....... الخ لو راح يصوت ، معروف انو صوت سريا ، طيب لو كل الدائرة كانت نتيجتها سلبية ، وين بقيت السرية ؟! ممكن تاني يوم يجيه زوار الفجر وياكل نصيبو ، هو ، وكل واحد بالمنطقة ، بكل سرية كمان لا بيعرف فيهم لا كارتر ولا أوباما حتى . باليوم التاني أو التالت للانتخابات ممكن تنفقس بتزوير أو تفجير من جماعة مرسي مثلا أو حبيب العدلي أكيد بتنعاد الانتخابات مرة تانية ، واللي شاف زوار الفجر ما بقى يعيدها ، وهالمرة بتطلع الانتخابات فعلية 99% ، والمراقبين عم يبحلقوا !

نسيت بس ضيف أن المواطن الفطن ، بيختصر الشر ، وبيلتزم من أول محاولة