سعر صرف الدولار والذهب مقابل الليرة السورية اليومي الخميس والجمعة 27و28 -02- 2014

[المسار]

اقتباس: المشاركة الأصلية كتبت بواسطة رشاد حج علي    اخي المسار بعرفك مارح تقدر تنام اذا ماجاوبك عبد القادر الحيتان يعني الحوت دليل عالضخامة كونو الحوت اكبر الكائنات اما الهامور هو ايضا نوع من انواع السمك http://ar.m.wikipedia.org/wiki/%d9%8...85%d9%88%d8%b1 المصدر عمو غوغل

ههههههههه هاي احلا نكته لليوم

دخلك السلور من فصيلة الدولار الا الليره

[رشاد حج علي]

اقتباس: المشاركة الأصلية كتبت بواسطة hash    نقترح إصدار قانون يفرض غرامات على الشركات بشأن إغلاق المصانع وإقراره عن طريق مجلس الشعب . هذا القانون يفرض غرامات على الشركات التي تغلق مصانع لا تزال قادرة على الاستمرار من الناحية الاقتصادية والأمنية. وعلى أن يلزم القانون الجديد رئيس أي شركة تريد إغلاق مصنع أن يمضي ثلاثة أشهر أولاً في البحث عن مشترٍ وإذا لم يفعل ذلك فيدفع غرامة تصل إلى مليون ليرة سورية عن كل وظيفة يتم فقدها نتيجة مخالفة القانون. المحامي بسام صباغ نقلا عن سيريا ستيبس

اقتراح مرفوض ببساطة لانه لايراعي الواقع
الاقتراح لو عالشكل الآتي بكون احسن توفير مناطق صناعية حرة مع تقديم كافة التسهيلات لذلك من نقل وطاقة واللذي منو ( يعني وين بتلاقي مصنع قادر عالاستمرار وهيك بيجي بسكرو وهو بكون دافع دم قلبو فيه )

[عابر مجيب]

اقتباس: المشاركة الأصلية كتبت بواسطة رشاد حج علي    شو رايك بالاسترليني والكويتي علما انو الاسترليني اليوم 1،6684 والكويتي تقريبا 3,5

الاسترليني راحت ايامو بعد مارغريت تاتشر ، انجلترا كلها على بعضها بعد ما كانت دولة عظمى كل مالها لورا ، ولت أيام الأساطيل البحرية
الكويتي أو غيره بيضل محدود ، ووقت بدك تستعمل مدخراتك بدك عملة تمشي فورا ، الريال السعودي اللي أكتر تداول ما بيمشي منيح إلا أيام الحج ، يابدك ترجع تحول لعملة وتخسر فروقات ، بإيطاليا حاولت أصرف 500 ريال ، ما حدا أخدهم ، والكل بعتوني على البنك المركزي وهو الوحيد اللي صرفهون . وحسيت لو دولار كان بيجي المركزي لعندي .

[رشاد حج علي]

اقتباس: المشاركة الأصلية كتبت بواسطة المسار    ههههههههه هاي احلا نكته لليوم دخلك السلور من فصيلة الدولار الا الليره

ولو خرجنا عن المنتدى شوية ذكرتني بحكمت واعدني ب سلطان ابراهيم بيجي لونو متل سمك الزينة بس اكبر

[hasobman]

اقتباس: المشاركة الأصلية كتبت بواسطة رشاد حج علي    منين يا حسرة العين بصيرة والايد قصيرة بس عبسال بالنسبة للادخار مو للاتجار اللبناني لاتلقتي بت _________لاانصح به ابدا

ومحلاك والله مشتري بناني
كان صار فيك متل جارنا
اشترا بناني من ايام الحرب الاهلية يمكن ما بعرف بجوز هه
على امل ترجع تطلع ويربح اضعاف
ليكون شوالات اللبناني عندو لسه عالزقيفة قايمون
عم يستنى ويستنى
وبالاخر انساني ما بنساك ونسيانك صعب اكيد

[عبدالقادر]

اقتباس: المشاركة الأصلية كتبت بواسطة رشاد حج علي    اخي عبد اذا فرضنا انو كليوم عميطلع 1،5 ليرة ونص بكون بدوو شهر وعشر ايام ليوصل 185 وباربعين يوم يخلق الله ما لا تعلمون برأي الشخصي بافضل الاحوال بالوقت الحالي اذا وصل 160 للشراء يعني 15 ليرة بما انو العالم مخزنة ع 145 حلوين ولا شو رايك انت

اخ رشاد هي الحسبة منحسبا انا وياك نحنا وعمنشرب شاي .بس لو تسمع حسبتون بتلاقي الامور غير ..

[المسار]

اقتباس: المشاركة الأصلية كتبت بواسطة رشاد حج علي    ولو خرجنا عن المنتدى شوية ذكرتني بحكمت واعدني ب سلطان ابراهيم بيجي لونو متل سمك الزينة بس اكبر

اول شي مشاركتي اقتصاديه فيها ليرة ودولار

تاني شي ردت عبد القادر يرد لحتى اعرف انت من اي فصيله

حوت الا هامور الا سردين الا صوص

بس للاسف طلع عبد القادر ماعندو فكرة او ما بيعرف

هوي سمعان فيهن سمع

[رشاد حج علي]

اقتباس: المشاركة الأصلية كتبت بواسطة عبدالقادر    اخ رشاد هي الحسبة منحسبا انا وياك نحنا وعمنشرب شاي .بس لو تسمع حسبتون بتلاقي الامور غير ..

نحنا منلعب عالحبلين منستفيد اكتر بس اللي فهمتو منك هنن رصيدن دولار يعني استفادتن محدودة لان هو بالاساس دولار الا اذا ببيعو دولار وبشترو دولار
مابعرف اذا وصلتك الفكرة لهيك رح بسطلك هيي
( القصد انو لازم تعرف ايمتا تشتري وايمتا تطلع )
سؤال للاستاذ عابر مدري شلون شرد فكري شوية واخدتني الظنون هلق من فترة طبعو عملة جديدة فئة الف ليرة ونزلت بالسوق والسوق غبها ومتداولة محليا ( عا احلا مايكون) والمركزي او الناس عبتصرف دولار مقابل هالكمية اللي انطرحت بالسوق وهون النقطة هي بالذات هالدولارات هي مو صفت ببلاش بدون مقابل عدا اجار نقلن من روسيا وتكاليف طباعتن الا انا غلطان ؟؟؟؟؟؟؟؟

[hasobman]

اقتباس: المشاركة الأصلية كتبت بواسطة المسار    اول شي مشاركتي اقتصاديه فيها ليرة ودولار تاني شي ردت عبد القادر يرد لحتى اعرف انت من اي فصيله حوت الا هامور الا سردين الا صوص بس للاسف طلع عبد القادر ماعندو فكرة او ما بيعرف هوي سمعان فيهن سمع

الصوص تعريفو عليي وذلك من خلال اختلاطي بهم
هو شخص وليس فرخ دجاجة بيشتري منك وبيروح طاير على واحد ياخد منو الي اشتراهون منك وبيحط المربح بجيبو
وممكن يكون هالواحد هامور ما بعرف هي بدنا تعريفها من شخص يختلط بالهوامير وبيعرف يسبح شوي
اني بختلط بالصيصان بعرفو قد ما كبر ما رح يطير واطير معو خلينا عالارض احسن
واذا سالتو ديني 10 الاف بيقلك منين يا حسرة

[عابر مجيب]

اقتباس: المشاركة الأصلية كتبت بواسطة hash    نقترح إصدار قانون يفرض غرامات على الشركات بشأن إغلاق المصانع وإقراره عن طريق مجلس الشعب . هذا القانون يفرض غرامات على الشركات التي تغلق مصانع لا تزال قادرة على الاستمرار من الناحية الاقتصادية والأمنية. وعلى أن يلزم القانون الجديد رئيس أي شركة تريد إغلاق مصنع أن يمضي ثلاثة أشهر أولاً في البحث عن مشترٍ وإذا لم يفعل ذلك فيدفع غرامة تصل إلى مليون ليرة سورية عن كل وظيفة يتم فقدها نتيجة مخالفة القانون. المحامي بسام صباغ نقلا عن سيريا ستيبس

حقيقي فكرة معقولة ، بس المفروض ينعمل على صاحب الشركة حجر بسبب السفه ، نعمى الناس عم تتعلق بقشة وعم تروح على الشغل تحت القصف والقنص ، وهاد عندو معامل شغالة وبدو يقفلها ؟! أكيد مجنون
من شو خايف ؟ الخطف ؟ السلب ؟
شو ما مؤمن بألله ؟ العمر واحد والرب واحد ، الله قال: ولا تلقوا بأيديكم إلى .... لأ هاي مابتزبط !
ممكن هيك واحد يكون بحاجة لدورة تأهيل تبع تعا لنعلمك مصلحتك ، وكيف لازم تشتغل ، وكيف بتحب الوطن ، وأهم شي رضى الوالدين .