سعر صرف الدولار مقابل الليرة 26-3-2012 بالسوق السوداء

[غسان]

اقتباس: المشاركة الأصلية كتبت بواسطة shereen    بس لساتني عند فكرتي انو لح نصحا بيوم ونلاقي الدولار ب 150 او 200 ليرة

يافرحة ماتمت

[shereen]

اليوم ماسمعنا صوت السيد ماهر اللي اشترا 6000دولار من المرجة من احد الباعة المتجولين وطلعلو 400 مزورين ماعطانا اسعار نهائيا اليوم

[مجرد إنسان]

هلأ اذا بدكن تحليل سياسي غير عاطفي ممكن نحكي ، اما اذا بدكن عاطفية فبنساير الصبايا في ما يقلن (من الجهتين)
بس على ما اظن اننا اتفقنا على عدم فتح مواضيع سياسية خالصة ... لذلك وللتلميح اذكر مثلا قديما حول السعودية - تركيا - امريكا - ......الخ لعل فيه الفائدة :

اسمع جعجعة ولا أرى طحنا !

[shereen]

اقتباس: المشاركة الأصلية كتبت بواسطة غسان    يافرحة ماتمت

هههههههه فرحة انو فرحة انا بفرح وقت البلد ترجع تستقر ويرجع الدولار لل 47 واقل هي هية الفرحة الحقيقية بعدين انا قلت لساتني عند فكرتي والفكرة بتنتهي وقت تنتهي الازمة بشكل نهائي وشكرا

[Majid]

اقتباس: المشاركة الأصلية كتبت بواسطة shereen    هللق في عنا سيناريوهين للاحداث السياسية القادمة الاول انو الجمعة كلينتون طالعة للسعودية مشان يوقفو دعم للمعارضة المسلحة والعادية والاردن يوقف دخول الاجئين مهما كان السبب ولبنان وقفت دخول السوريين النازحين بفرد جيشه علحدود واعطاء الفرصة للجيش النظامي ليقضي على المعارضة بشكل مريح هون وقتها الدولار بيطلع لل 80 او 85 ليرة السيناريو التاني منطقة عازلة بدعم تركي وهون بتصير حرب شبه اقليمية يعني سيناريو ليبيا علبطيء وهون بتقوى العملة السورية بقوة ويمكن تصير ب60 فمادون فلازم تستني الاحداث السياسية والعسكرية حتى توضح الرؤية اكثر وشكرا

كلامك كتتير منطقي بالاسباب بس بالنتائج انا برأيي بالعكس يعني
اعطاء الفرصة للجيش النظامي بالقضاء على المعارضة بتوصلوه للدولار هي لل 65
وهلاء لنستنا شوبدو يصير لنهار الخميس ببتوضح الصورة اكتر

[shereen]

اقتباس: المشاركة الأصلية كتبت بواسطة مجرد إنسان    هلأ اذا بدكن تحليل سياسي غير عاطفي ممكن نحكي ، اما اذا بدكن عاطفية فبنساير الصبايا في ما يقلن (من الجهتين) بس على ما اظن اننا اتفقنا على عدم فتح مواضيع سياسية خالصة ... لذلك وللتلميح اذكر مثلا قديما حول السعودية - تركيا - امريكا - ......الخ لعل فيه الفائدة : اسمع جعجعة ولا أرى طحنا !

مساء الخير بس يااخي الكريم السياسة هي الاصل بتحديد الوجهة الاقتصادية للبلد والمركزي عم يفرود عضلاتو انو مو عم تعملو عقوبات اي خدو لقللكم تنزيل بالدولار عنا مخزون ضخم وماعم نعرف وين نوديه وفي ناس بتصدق وبتبيع دولاراتها وبتخسر فيهم كمان

[الباشا المهندس]

نعود فنقول إن سعر الدولار مجرد مؤشر ما يهم هو شو عمتقدر كأسرة ذات دخل ثابت، أو دخل متضائل، أو متوقف تشتري بدخلك الشهري .. ؟

[أبو حسن]

يا شباب خلينا انكون واقعيين السوق صار شحيح بالسوري والعالم ملت من الدولار
بعدين وقت اللي طلع للمية تقريبا اتعبت كتير عالم بالدولار وعبيستنو صارلهم 20 يوم او اكتر وبلا فائدة وانما بالعكس عمال ينزل اتوقع يصير عرض دولار بالسوق الايام الجاية ولكن السعر بايد رب العالمين

[مجرد إنسان]

اقتباس: المشاركة الأصلية كتبت بواسطة shereen    مساء الخير بس يااخي الكريم السياسة هي الاصل بتحديد الوجهة الاقتصادية للبلد والمركزي عم يفرود عضلاتو انو مو عم تعملو عقوبات اي خدو لقللكم تنزيل بالدولار عنا مخزون ضخم وماعم نعرف وين نوديه وفي ناس بتصدق وبتبيع دولاراتها وبتخسر فيهم كمان

أختي العزيزة : المقصود أن هذه الدول شاطرة بالكلام وليس هناك أي أفعال على الارض ..
وما يفعلونه ليس أكثر من إعطاء مهلة تلو الاخرى !
والسياسة كما هومعروف "ليس لها دين"
ولا زال في القلب شيء ..

وبخصوص البيع بخسارة في متل بيقول : "اللي ما بيخسر ما بيربح"
يعني : شوية خسارة احسن من خسارة كبيرة بتكسر الظهر ، وممكن تعويض الخسائر الصغيرة بسهولة ..
وفعلا استفئدنا اخونا ماهر ابو عدنان ، الله يكون بعونه يمكن اليوم عملو عليه تفتيش لانه تلاعب بامن الوطن والمواطن ويبدو انه كان متآمر قطري ليبي سعودي ....

أسأل الله تعالى أن يبدل الحال بأحسن لما فيه خير العباد والبلاد
وحسبنا الله ونعم الوكيل

[مجد]

في موضوع ماحدا طرحة بقسم الدولار .وهو ان الصرافة يشترون الدولار القديم بسعر اقل من سعر الدولار الجديد والبنوك لا تاخذ الدولار القديم .اليوم بنك الشام رفض اخذ دولارات قديمة واظن كل البنوك كذلك .

نرجو الذي عنده معلومات اكثر بهذا الموضوع ان يشرح لنا