المتابعة اللحظية لجلسة تداول الخميس 27ـ 01- 2011

[NetPro]

اقتباس: المشاركة الأصلية كتبت بواسطة bassamking    أخت لمى انا بحكم عملي كموظف بنك بعرف انو البنوك الاسلامية عنا فاشلة وبجدارة مع انو الاسلامي يعتبر الاول بالسوق بالنسبة للبنوك الاسلامية ( كأرباح ) بس للأسف ما فيني احكي اكتر عن هالموضوع لأنو كتير حساس وخاصة بعد مباشرة بنك البركة لأعماله بالسوق بس بحب قلك كلمة ( الاسلامي خلص بالنسبة للمضاربة احترق السهم بس للاستثمار منيح على المدى )

اسمح لي اختلف معك تماماً بالرأي.
1- لا يمكنك الحكم على البنوك الإسلامة لقصر تجربتها في السوق
2- البنوك التقليدية ليست أفضل حالاً على الإطلاق وأنا مطلع على عملهم (وخلي الطابق مستور).
3- أختل معك وبشدة بخصوص نقطة المضاربة .... أعطيني سهم اخر يملك نفس حجم السيولة السهمية حتى يستفيد منه المضاربون (لا يوجد سوى قطر العالق في مسار أفقي 850 - 900) وما هذا إلا حالة مرت على كل السوق انخفض فيها حج التداول تحت 50 مليون والسنة الماضية أيضاً بمثل هذه الفترة حصل نفس الشيء ومسبقاً وقبل شهر من الان نبه زميلنا عمر إلى هذه القضية.
تحياتي لك.

[lemonanita]

اقتباس: المشاركة الأصلية كتبت بواسطة netpro    هذا رأيك زميلة. أما عن رأيي فالمكتتب حقق أكثر من 300% ربح خلال 3 سنوات. Marsa وما رجع السهم لقيمته بسبب برود أصاب كل السوق خلال الشهر المنصرم. ولكن ما يزال ينتظر السهم ارتفاع على المدى المتوسط ولا خر السنة أتوقع ربح 50%. تحياتي لك وإن شاء الله من الرابحين

:(
والله يكن معك حق.. بس انا كمان محبطة كتير من البنك كخدمات.. لاني من زباينو الدائمين..
وكل تعامل معو بيرسم ع وشي نفس علامات التعجب !!! انو هاد الشي كيف سعر سهمو وصل لهالحدود؟؟؟
وليش هالقد اداؤو ضعيف؟؟؟
اذا فكرت انا بقدي اكتتبت وقدي وصل السهم.. مزبوط حكيك حققت فوق ال 300%.. بس برجع بقول البنك ما قدم اي شي جديد لزباينو او مستثمرينو عنجد.. السوق هوه الي عم يقدم
ومشكور كتير ع رايك
انت كبيرنا ولوووووو؟

[NetPro]

اقتباس: المشاركة الأصلية كتبت بواسطة lemonanita    ومشكور كتير ع رايك انت كبيرنا ولوووووو؟

شو دخل الكبر بالقصة ... يا الله
هلأ زعلت منك يعني لازم تذكريني إني مبارح صار عمري 36.
الله يسامحك.

[bassamking]

سهم قطر مو بس بيخلي الواحد يحكي مع حالو يبيع اولاء.. بتخليه يحكي مع حالو يبطل كل هل قصة الأسهم و البورصة ووجع الراس.

مع التحية.[/quote]
أخت رحاب
سهم قطر متوقع انو يوصل لهالمرحلة وما بتتخيلي قديش في طلبات يومية لنقل ملكية الاسهم المكتتب بها من المقاصة لشركات الوساطة يعني هالسهم لح يصير عليه ضغط كتير كبير بين الملاك يلي بدهن يجنو بسرعة وبنفس الوقت بيتملكن خوف كبير وبين مقتنص الفرص واحتمال يلي سميتوهن هوامير يكونو نازلين بهالسهم للاسباب يلي قلتلك ياهن

[BROKER]

مبروووك العقيلة ولا تنسوا الهدف

صباحكم خير

[bassamking]

اقتباس: المشاركة الأصلية كتبت بواسطة netpro    اسمح لي اختلف معك تماماً بالرأي. 1- لا يمكنك الحكم على البنوك الإسلامة لقصر تجربتها في السوق 2- البنوك التقليدية ليست أفضل حالاً على الإطلاق وأنا مطلع على عملهم (وخلي الطابق مستور). 3- أختل معك وبشدة بخصوص نقطة المضاربة .... أعطيني سهم اخر يملك نفس حجم السيولة السهمية حتى يستفيد منه المضاربون (لا يوجد سوى قطر العالق في مسار أفقي 850 - 900) وما هذا إلا حالة مرت على كل السوق انخفض فيها حج التداول تحت 50 مليون والسنة الماضية أيضاً بمثل هذه الفترة حصل نفس الشيء ومسبقاً وقبل شهر من الان نبه زميلنا عمر إلى هذه القضية. تحياتي لك.

مشكور عالتعليق وانا بحترم رأيك بس البنوك التقليدية افضل بكتير

[lemonanita]

اقتباس: المشاركة الأصلية كتبت بواسطة NetPro    شو دخل الكبر بالقصة ... يا الله هلأ زعلت منك يعني لازم تذكريني إني مبارح صار عمري 36. الله يسامحك.

ايوةةةةةةةةة شايف كيف؟
فورا حزرنا انك كبرت !!
كل سنة وانت سالم يا رب...
وباذن الله تحقق كل شي ببالك السنة الجاية ..
بعز شبابك لساتك ... ما في احلى من هالعمر ... الله يقويك وتكون احلى سنين عمرك

[khaled807]

اقتباس: المشاركة الأصلية كتبت بواسطة netpro    شو دخل الكبر بالقصة ... يا الله frown11 هلأ زعلت منك يعني لازم تذكريني إني مبارح صار عمري 36. الله يسامحك.

العمر كلوووو
انشالله عقبال الـ 100

[Tarouqa]

اقتباس: المشاركة الأصلية كتبت بواسطة BROKER    مبروووك العقيلة ولا تنسوا الهدف صباحكم خير

صباح الخيرات

[NetPro]

اقتباس: المشاركة الأصلية كتبت بواسطة bassamking    مشكور عالتعليق وانا بحترم رأيك بس البنوك التقليدية افضل بكتير

شكراً زميل.
دعنا نحدد المقارنة لأعرف إذا كان في نقاط تلاقي بين رأيي ورأيك...
برأيك هل كل البنوك التقليدية أفضل من كل البنوك الإسلامية؟؟؟