سعر صرف الدولار و الذهب مقابل الليرة السورية ليوم الخميس 20-3-2014

[عابر مجيب]

اقتباس: المشاركة الأصلية كتبت بواسطة ryad    استاز عابر تسلملي بداية تانيا لا تنطش بالحكي المبطن و شكرا

سوء الظن غالب على البطانة المهترية
بتدبل قلبك لتشرح ، ومافي تجاوب من المتلقي ، وممكن ينقلب الشرح ضدك .
افضل شي التجاهل
قالوا
إذا كنت بين الحلم والجهل مائلا ........ وخيرت انى شئت فالحلم أفضل
ولكن إذا أنصفت من ليس منصفا ..... ولم يرض منك الحلم فالجهل افضل

سوء الظن مشكلة المشاكل ، ومتى ما تراكمت ، شوف بقا شو بدك تفك شربكة ، شفت كيف المعلم عمر اللي ما بصدق انو ممكن يؤذي نملة ، كيف تم تحوير صورة بريئة حاططها بالصالون ، وتم تحويلها لتهمة مبطنة ممكن أي حدا يروح فيها .

[عابر مجيب]

استكمالا لما سبق
عندي ضيوف من اللاذقية ومابدي قول من أي طائفة حتى ما يقولوا عم زاود
اتصلوا فيهم اهلهم من الحي العاشر اللي ما بعرف منو غير اسمو ، ومدري شو الغالبية اللي فيه
وخبروهم .
حكولي الخبر وكانوا مرعوبين ، ونقلت الخبر
وإذا في مصدر تاني لنفس الخبر يحطو حدا ويفحمني
صار قصدي شي تاني وخود على تفسيرات مالها آخر
من كام يوم طلع علم البرمجة اللغوية العصبية مصنفني باليائس الفاشل .
شو هالعلم هاد ؟!!!!

مجرد انك تحط واقع وحقيقة مؤكدة عن سعر الدولار بتصير متخصص بتخريب الاقتصاد !

[عبدالقادر]

حلب مافي بيع لحد ا لان حديث السوق ولو كان تدخل الدولار بأرتفاع ودعو 159 وتذكروا .

[انس الحموي]

اقتباس: المشاركة الأصلية كتبت بواسطة جوليت    الذهب عالميا 1342 ....16 دولار لزبطان التوقع رقم 3 للأستاذ جوني بانتظار التوقع رقم 4 الذي على حد زعمه سيكون اشبه بهير الطائرات ...علما انه اقتربنا من اليوم الموعود 30 اذار

جوليت توقعات جوني ما زبطت بنوب شو نسيانه انو الذهب وصل ل1319 يوم امس وشي طبيعي بعد نزوله 75 دولار يرتد لمستوى ال1340 بس شوفي هلىء هون وين ب1333 والاونصة مافيها حيل بالطلوع ....باعتقادي الدخول الان ليس وقت مناسب ويجب مراعاة الدخول من 1315 ومادون لتجنب أي نزول اخر ولا ننسى المعطيات سوف تتغير كثيرا بنهاية العام ان اقر رفع الفائدة على الدولار على الامريكي فالعواقب رح تكون وخيمة على الذهب

[عابر مجيب]

حكيت لضيوفي شو صار ، قال المنطقة مخلطة وفيها حلبية كتير
ومو اسمو الحي العاشر ، طلع اسمو المشروع العاشر
قروا المشاركة وضحكوا وقالولي انسى ههههههههههههه

[عبدالقادر]

اقتباس: المشاركة الأصلية كتبت بواسطة عابر مجيب    استكمالا لما سبق عندي ضيوف من اللاذقية ومابدي قول من أي طائفة حتى ما يقولوا عم زاود اتصلوا فيهم اهلهم من الحي العاشر اللي ما بعرف منو غير اسمو ، ومدري شو الغالبية اللي فيه وخبروهم . حكولي الخبر وكانوا مرعوبين ، ونقلت الخبر وإذا في مصدر تاني لنفس الخبر يحطو حدا ويفحمني صار قدي شي تاني وخود على تفسيرات مالها آخر من كام يوم طلع علم البرمجة اللغوية العصبية مصنفني باليائس الفاشل . شو هالعلم هاد ؟!!!! مجرد انك تحط واقع وحقيقة مؤكدة عن سعر الدولار بتصير متخصص بتخريب الاقتصاد !

استاذ عابر مابدك تتحسس .منعرفك شو انته وقيم حالك بمشاركاتنا من غير ما نشرحلك .اذا انت يأس فاشل .معناتا انا معي وسواس قهري .انا حالتي اسوء منك . هههه . قال يأس فاشل والله هالزمان تعدد بزواياه .وكل شي وقلو زاويه .بس بالاخر الهروب عالزاويه ببان سرعة كل اسما زاويه

[المسار]

عجبت من متذاكي يتذاكا على ذكي.
وبيتذكذك من ذكا الازكياء.
ليذكذك المذكا بتذكذكه.
فيعطيه المذكا من زززززززززكات ذكائه

دمنا من الاغبياء

[Ryad]

اقتباس: المشاركة الأصلية كتبت بواسطة انس الحموي    جوليت توقعات جوني ما زبطت بنوب شو نسيانه انو الذهب وصل ل1319 يوم امس وشي طبيعي بعد نزوله 75 دولار يرتد لمستوى ال1340 بس شوفي هلىء هون وين ب1333 والاونصة مافيها حيل بالطلوع ....باعتقادي الدخول الان ليس وقت مناسب ويجب مراعاة الدخول من 1315 ومادون لتجنب أي نزول اخر ولا ننسى المعطيات سوف تتغير كثيرا بنهاية العام ان اقر رفع الفائدة على الدولار على الامريكي فالعواقب رح تكون وخيمة على الذهب

اخي انس
الله يسعد مساك اولا
تانيا انا تقييمي للدهب غير مبني على امور علمية 100٪
تقييمي 90٪ هو تطبيق لنظرة اليهود بالتجارة
يعني مثلا اليهود بلشام و حلب كانو يحطوا مربح الون بقطعة الجينز 2٪
متخيل يا ابن الحلال 2٪؟؟؟؟ و كان مبالغ الربح الشهرية عندون بربح البنوك و كان عدد الشغيلة عندون بالميات هاد غير الشغيلة المياومة
و اقسم بالله كل مرة بشتغل بهلمبدأ بربح و صدقا شي بيضحك
المهم... بالدهب بيقولولك الرقم يلي بيمر عالدهب... بدو يرجع يمر عليه
يعني انا ببصم بالعشرة انو راجع الدهب لل1800$ و لكن..... ببصملك انو كمان رح يمر بال1000$
ايا قبل ما بعرف

[عبدالقادر]

والله ماعم بنسا اليأس الفاشل ارجو تقيم مشاركاتي ووصف مرضي .وهل هو خطير .وممكن اني اشفا بسرعة .علاجي رفع الدولار 100او200ليرة بشكل سريع والا رح تخسروني

[المسار]

اقتباس: المشاركة الأصلية كتبت بواسطة عبدالقادر    والله ماعم بنسا اليأس الفاشل ارجو تقيم مشاركاتي ووصف مرضي .وهل هو خطير .وممكن اني اشفا بسرعة .علاجي رفع الدولار 100او200ليرة بشكل سريع والا رح تخسروني

اذا بدك الصراحة وبلا زعل
مشاركاتك متل الحبق بالطبق
ومرضك مالو دوا صنع وطني بدك اجنبي مهرب
واذا خسرناك ورحت عالجنه سكارسا هاي هي المشكله
لانو مانا رايحين نشوفك بس اذا عملتلك مشوار عالنار اكيد رح نشوفك(ماي خساره)