صالون سيرياستوكس للعطلات(1-2-3-4-5-6) -5-2013

[لقماان]

ممساء الخير يا جماعة
أنا عابر مجيب ...
بس ما بعرف ليش عمتطلع المشاركة باسم أبو حكيم ....
مو باسم أبو حكيم ...باسم لقماان.....
و المشاركات يلي عميكتبها لقماان عمتنزل تحت اسم عابر مجيب ...والله هو النا الشرف....بس هيك صرنا متل الحموية
شي بيمخول والله ......

[ميرا]

مساء الخير

من أول الأزمة ونحنا عم نحاول نكون متماسكين ، عم نقول بكرا أحلى ، قلبنا امتلا غضب وحزن وأسى وطفح الكيل معنا ولسا منقول بكرا أحلى
اجا كتيييييير بكرا بس ما كان أحلا
مبارح قلنا كمان بكرة أحلى
بس دمروا الجسر بكرا
ممكن حدا يقللي ايمتى بكرا اللي جايب معو الأحلى؟؟


اليوم أنا بأسوأ حالاتي جايي عبالي صّرخ بأعلى صوتي ليسمع الكل ..... حااااااااااجة بقى
يقولو جنت ، يقولو هسترت ..... بس حاااااااجة
كل اللي صار ماكفّى ومانفع؟؟؟؟؟؟؟
رحمتك يارب

[ياسمينة]

اقتباس: المشاركة الأصلية كتبت بواسطة ميرا    مساء الخير من أول الأزمة ونحنا عم نحاول نكون متماسكين ، عم نقول بكرا أحلى ، قلبنا امتلا غضب وحزن وأسى وطفح الكيل معنا ولسا منقول بكرا أحلى اجا كتيييييير بكرا بس ما كان أحلا مبارح قلنا كمان بكرة أحلى بس دمروا الجسر بكرا ممكن حدا يقللي ايمتى بكرا اللي جايب معو الأحلى؟؟ اليوم أنا بأسوأ حالاتي جايي عبالي صّرخ بأعلى صوتي ليسمع الكل ..... حااااااااااجة بقى يقولو جنت ، يقولو هسترت ..... بس حاااااااجة كل اللي صار ماكفّى ومانفع؟؟؟؟؟؟؟ رحمتك يارب

طولي بالك وجعتيلي قلبي .. بعدين وقت تعصبي كتير صوتك عالي ما حلو هيك


حاسة فيكِ وحاسة بعجز بس املنا بالله كبير وصدقيني يوم ما منيأس بيكونو انتصرو حقيقي وهاد بأذن الله ما رح يصير

[ياسمينة]

تذكر

تذكر...
كلما صليت ليلاً
ملايين تلوك الصخر خبزاً
على جسر الجراح مشت و تمشي
و تلبس جلدها و تموت عزاً

تذكر...

قبل أن تغفو على أي وساده
أينام الليل من ذبحوا بلاده ؟؟؟!!!

أنا إن مت عزيزاً إنما موتي ولادة

قلبي على جرح الملائكة النوارس
إني أراهم عائدين من المدارس
باست جبينهم المآذن و الكنائس
كتبوا لكم هذا النداء
بعثوا لكم هذا النداء

وطني جريح خلف قضبان الحصار
في كل يوم يسقط العشرات من أطفالنا
إلى متى؟ إلى متى ؟إلى متى هذا النداء
جفت ضمائركم جفت ضمائركم
ما هزكم هذا النداء
هذا النداء ... رقت له حتى ملائكة السماء
جفت ضمائركم و ما جفت دموع الابرياء

***
سوريا

[ميرا]

اقتباس: المشاركة الأصلية كتبت بواسطة ياسمينة    طولي بالك وجعتيلي قلبي .. بعدين وقت تعصبي كتير صوتك عالي ما حلو هيك :stickouttongue حاسة فيكِ وحاسة بعجز بس املنا بالله كبير وصدقيني يوم ما منيأس بيكونو انتصرو حقيقي وهاد بأذن الله ما رح يصير

استغفر الله العظيم
بعتذر على عصبيتي ، بحاول كون دايما قوية ومتفاءلة مع كل شي صار بس أحيانا بتفلت الامور مني وبحس اعصابي خارج السيطرة .
شكرا ياسمينة

بعتذر مرة تانية ، بدي اتمنالك وللكل كمان ليلة حلوة
تصبحوا على خير

[ياسمينة]

اقتباس: المشاركة الأصلية كتبت بواسطة ميرا    استغفر الله العظيم بعتذر على عصبيتي ، بحاول كون دايما قوية ومتفاءلة مع كل شي صار بس أحيانا بتفلت الامور مني وبحس اعصابي خارج السيطرة . شكرا ياسمينة بعتذر مرة تانية ، بدي اتمنالك وللكل كمان ليلة حلوة تصبحوا على خير

لا تعتذري بالعكس عصبي وخانقيني اذا بيفشلك قلبك بس لا تفارقينا بكير هيك .. وقت تقرري تقولي تصبحو على خير وقت تكوني صرتي احسن
خليك هنا خليك .. بلاش تفارق بتقول يومين وتغيب سنة بلاش تفارق
حلو صوتي ما ؟

يلا وهي غنيتلك بس خليك معايا ^_^

[Abo Najeeb]

شخصان فقط ... بإمكانهم قول الحقيقة لك :
شخص فقد أعصابه وهو يتكلم ....
وآخر يتكلم وهو يبكي .

[رندة]

اقتباس: المشاركة الأصلية كتبت بواسطة najm    جسر دير الزور المعلق قيد الانشاء 1939

شكراً جزيلاً أخ نجم

الصورة في الوقت المناسب
دورت عليها مع صعوبة النت لم أجدها
تحياتي لمتابعتك المفيدة

[رندة]

زوارق بانياس اليوم



Wissam Al Jazairy

[najm]

اقتباس: المشاركة الأصلية كتبت بواسطة رندة    شكراً جزيلاً أخ نجم الصورة في الوقت المناسب دورت عليها مع صعوبة النت لم أجدها تحياتي لمتابعتك المفيدة

.
تلميذك اختي ام معاذ
وكأنها نعوة أو شاهدة قبر نذكر فيها تاريخ ميلاد وموت الجسر
لكن لح يرجع يتعمر باذن الله .
وسلميلي على ابو معاذ الحبيب