المتابعة اللحظية لجلسة تداول الخميس3-3-2011

[Salam L]

رح حاول عزي نفس انا والجميع بالافكار التالية
-انا نظريا لو بعت من جلستين اوتلاتة....كان اكيد مارح ادخل لحتى تنكشف الامور...ووقتها كتير ممكن انو يعلق السهم ويرتفع السعر وما اقدر ادخل اساسا او ادخل بسعر اعلى من اللي بعت فيه....وهيك الارباح والخسائر بتصير موضوع نسبي....وعلى المدى البعيد ممكن المربح معي بإذن الله.
- صحيح انو المضاربة بالفترة الماضية كانت اربح من الاستثمار....لكن ممكن غلطة مضارب وحدة تضيع كل هي الارباح....
- الموت مع الناس رحمة ومعظم الناس خسرانين! صحيح انو في مين حقق ارباح خيالية...بس هدول قلة...وبظن هنن من الناس اللي عندهن خبرة طويلة عريضة بأسواق خارجية وكان عندهن نصيبهن من الخسائر لحتى تعلموا
- الرزق مقدر بالليرة...ما أصابك ماكان ليخطأك ..وما أخطأك لم يكن ليصيبك....
- صحيح المضاربة مغرية كتير بهيك أوقات...لكن الها ضريبة...اولها توتر الأعصاب...والمكاسب رح تتحول إلى جيوب الأطباء بعد فترة....وتانيها الانصراف عن اشغالنا الحقيقية اللي عم تعطينا مصاري نصرف منها ونحولها للبورصة ببعض الحالات...وبعتقد بعد هالاسبوعين الصعبين لازم الكل يفكر جديا بمجالات استثمارية جديدة وتطوير نفسه لحتى يحصل على شغل افضل..الخ.
والسلام ختام....

[bassamking]

اقتباس: المشاركة الأصلية كتبت بواسطة netpro    أتفق معك اخي المتابعة تزيد الخبرة وتبقى على اتصال مع السوق حتى لو كل اسبوع جلسة.

يسعدلي صباحك
شو اخبارك نت برو

[Sawt Al Watan]

اقتباس: المشاركة الأصلية كتبت بواسطة غالب    الاخوة الاعزاء صباح الخير الي عبنشوفوا بالسوق طبيعي بهيك ظروف بدها صبر لازم نعقل ارجلنا ( مين بيعرف معنى هذه العبارة تابعونا لنهاية الجلسة ) شغلة لها علاقة باحركة والحروب والهروب . الي بيقدر يصبر الصبر افضل شي الغد مجهول . الحاضر معلوم اسهمك بيدك ما يفوتك ليست خسائر وانما فوات ربح كان ممكن تربحه لو بعت وتركت الكاش بايدك على امل تشتري بسعر اقل . هذا شي مجهول ابو هيثم عملها جلستين رجع فات وعلق معنا . غسان باع من مدة رج دخل بالزيادة وعلق معنا . هون ما في شطارة في قضاء وقدر في قسمة . الي الله بيبعثوا يا محلاه . الشغلة بدها صبر والي بدو ينجلط اقترح عليه لا يعمل في البورصة لانه البورصة كل يوم بتجلط . اتمنى من الجميع تعلم شغلات جديدة بعد هالتجربة المرة منها الصبر والهدوء وبعد النظر واغلاق الشاشة والمنتدى وعدم قراءة مثل هالحكي الي انا عبكتبه .

صدقت والله يا ابو النور وبالنهاية كلو خير ولو اطلعنا على الغيب لخترنا الواقع

[ابي نادر]

اقتباس: المشاركة الأصلية كتبت بواسطة bassamking    يسلم تمك على هالكلام الحلو يسعد صباحك

أهلا أخي بسام

أنا اعمل بلتجارة قبل البورصة

ما بعرف ليش الشباب هون معنوياتن بلأرض نسيتو أيام الأرباح الخيالية على مستوى كل الأسهم

السوق ربح وخسارةةةةةةةةةةةةةةةةة

رح أضربلكن مثال من فترة اشتريت ذهب كانت الأونصة 1030من شي سنة أو أكثر كنت مشتري برقم قياسي نزلت الأونصة 895 كانت عندي خسائر فادحة بس أنا كنت شايف الذهب لوين رايح وغيرت تجارتي من مضارب لمستثمر اليوم الذهب 1432 اوك شباب وهدا يلي عما يصير بسوق البورصة


بنصح الجميع يغيرو فكرة المضاربة بهل اليومين من مضاربين لمستثمرين

[nader97s]

معقول كل هالرخص ومافي مين يشتري يا جماعة
شو مستنيين
يعني يصير السهم ب50 ليرة مثلا

[GDahrouj]

اقتباس: المشاركة الأصلية كتبت بواسطة bassamking    حبيت اليوم قلكن موضوع بظن لعب دور كبير بهالانخفاض وبظن تأثيروا لح يضل يستمر طالما قليلي الخبرة والخوف اساتهن بسوقنا اول شي ( طبعا الكثير من زملائي حملة الاسهم اقروا بهالمعلومة ) انو عمليات البيع بخسارة أو بالربح القليل عند التصريف هدفوا هوي الدخول باكتتاب بنك الكويت الوطني يلي لح يتم خلال اشهر قليلة جدا وتاني الشي البيع بخسارة لأحد الاسهم مقابل الدخول بسهم أخر اصبح مغري جدا للشراء ( والاحلى انو الي زميل معو قطر باع اسهمو واشترى بالعقيلة , ورفيق تاني باع اسهموا بالعقيلة واشترى قطر ) وبجد الاتنين بنفس الوقت ؟؟؟؟؟؟؟؟؟؟؟؟؟؟؟؟؟؟؟ وتالت شي ارتفاع اسعار النفط والذهب لعب دور كبير بهالموضوع

انا بشاركك الرأي بالنسبه للشي يلي قلتو في ماعدا بنك الكويت
لان لسا بدو اقل شي سنه ليبلش بالاكتتاب
ف مو معقول العالم عم تبيع من هلا لتصمد لبعد سنه (تخينه مو؟؟؟؟)

بس السبب انو صغار المساهمين عم يخافو تزداد الخساره تبعو اكتر من هيك وعم يفكرو يطلعو هلا ويرجعو يفوتو بس لتهدى الاوضاع اكتر

[bassamking]

اقتباس: المشاركة الأصلية كتبت بواسطة Salam    رح حاول عزي نفس انا والجميع بالافكار التالية -انا نظريا لو بعت من جلستين اوتلاتة....كان اكيد مارح ادخل لحتى تنكشف الامور...ووقتها كتير ممكن انو يعلق السهم ويرتفع السعر وما اقدر ادخل اساسا او ادخل بسعر اعلى من اللي بعت فيه....وهيك الارباح والخسائر بتصير موضوع نسبي....وعلى المدى البعيد ممكن المربح معي بإذن الله. - صحيح انو المضاربة بالفترة الماضية كانت اربح من الاستثمار....لكن ممكن غلطة مضارب وحدة تضيع كل هي الارباح.... - الموت مع الناس رحمة ومعظم الناس خسرانين! صحيح انو في مين حقق ارباح خيالية...بس هدول قلة...وبظن هنن من الناس اللي عندهن خبرة طويلة عريضة بأسواق خارجية وكان عندهن نصيبهن من الخسائر لحتى تعلموا - الرزق مقدر بالليرة...ما أصابك ماكان ليخطأك ..وما أخطأك لم يكن ليصيبك.... - صحيح المضاربة مغرية كتير بهيك أوقات...لكن الها ضريبة...اولها توتر الأعصاب...والمكاسب رح تتحول إلى جيوب الأطباء بعد فترة....وتانيها الانصراف عن اشغالنا الحقيقية اللي عم تعطينا مصاري نصرف منها ونحولها للبورصة ببعض الحالات...وبعتقد بعد هالاسبوعين الصعبين لازم الكل يفكر جديا بمجالات استثمارية جديدة وتطوير نفسه لحتى يحصل على شغل افضل..الخ. والسلام ختام....

ليش كل هالتشاؤم

[mhamad 22]

مؤشر السوق من المحتمل ان يصل الى 1520 يعني نزول 2-3 جلسات على الاقل

[Salam L]

اقتباس: المشاركة الأصلية كتبت بواسطة bassamking    ليش كل هالتشاؤم

تشاؤم؟؟ كأنك قريت حكيي بالمقلوب؟ هاد الحكي هو قمة التفاؤل!

[Rihab]

اقتباس: المشاركة الأصلية كتبت بواسطة غالب    الاخوة الاعزاء صباح الخير الي عبنشوفوا بالسوق طبيعي بهيك ظروف بدها صبر لازم نعقل ارجلنا ( مين بيعرف معنى هذه العبارة تابعونا لنهاية الجلسة ) شغلة لها علاقة باحركة والحروب والهروب . الي بيقدر يصبر الصبر افضل شي الغد مجهول . الحاضر معلوم اسهمك بيدك ما يفوتك ليست خسائر وانما فوات ربح كان ممكن تربحه لو بعت وتركت الكاش بايدك على امل تشتري بسعر اقل . هذا شي مجهول ابو هيثم عملها جلستين رجع فات وعلق معنا . غسان باع من مدة رج دخل بالزيادة وعلق معنا . هون ما في شطارة في قضاء وقدر في قسمة . الي الله بيبعثوا يا محلاه . الشغلة بدها صبر والي بدو ينجلط اقترح عليه لا يعمل في البورصة لانه البورصة كل يوم بتجلط . اتمنى من الجميع تعلم شغلات جديدة بعد هالتجربة المرة منها الصبر والهدوء وبعد النظر واغلاق الشاشة والمنتدى وعدم قراءة مثل هالحكي الي انا عبكتبه .

من يقرأ كلماتك سيفتح الشاشة ويتابع معنا

البورصة تحتاح إلى صبر وهدوء أعصاب

وحبة تحت اللسان (مزحة)