صالة أسعار الدولار والذهب مقابل الليرة السورية ليوم الاحد 13-10-2013

[GoldMan$]

اقتباس: المشاركة الأصلية كتبت بواسطة جوليت    المعطيات الدولاراتية ارتفاع الميل العام : انخفاض وفق المعطيات وليس عند حدوث امر خارج عن السيطرة الاغلاقات اليوم دمشق : 179 -174 , سكر والعرض اقوى من الطلب اللاذقية : 177 - 172 سكر والعرض اقوى من الطلب حماة : 176 - 172 سكر والعرض والطلب بحالة توازن دمتم بخير

هالمرة رح خالفك الرأي أخت جوليت لانو باللاذقية الطلب اكبر من العرض والدليل من الصبح كان متوفر باللاذقية على 174 وكانو عم يدفعو بس 168 للشراء ..اما الان بالف منية عم حصلوا ب 177 - 178

[جوليت]

تحية لك اخي الكريم
لا اضع الاسعار اعتباطا ولكن وفق معطيات كثيرة و متغيرات حقيقة ارها ولكن لا ترونها وبعد دراسة عميقة ترتكز الى عدة امور:
1- التحليل الاساسي لليرة مقابل الدولار
2- التحليل الفني لليرة مقابل الدولار (( لدي بيانات حركة اليرة مقابل الدولار منذ 5 سنوات وممثلة ببرنامج الميتا ستوك ))
3- الماركت بروفايل
4-سيكولوجية السوق
5- الاخبار المؤثرة
و امور اقتصادية اخرى صعب على البعض تفهمها.

اغلب المشاركات الذي يتم وضعها في الموقع من قبل بعض الاعضاء تكون تشليف وليس لها اي علاقة بالواقع
اذا اردت ان ابيعك على 170 رجاء رسالة على الخاص وانا جاهز
انا لا انوي الاضرار باحد ولكن عدم اتباعكم اي اسلوب علمي وفق شروط العرض والطلب واتباع ابسط شروط التحليل الفني في وضع الاسعار هو ما يؤدي الى خسارة الناس
ومن الملاحظ ان اكثر مشاركاتي يتم حذفها لان الاسعار لا توافق رغبات البعض ومصالحهم .
ولكنها الاسعار الصحيحة المنطقية. بالنسبة لي الحمد لله استطيع توقع حركة اليرة مقابل الدولار بنسبة 98 %
كوني اعمل في تجارة الفوركس منذ 8 سنوات محترفا لهذا العمل.
وان لا اهتم بان يتم نشر مشاركاتي ,بقدر ما اشعر برضاء عند قول الحقيقة و الشفافية . لمن لا يعرف من الناس ,حتى لو تم حذفه واخفائها.

دمتم بود

سيد amisn شكرا لك اولا
في امور ذكرتا حضرتك يلي واضعة تحتا خط بوافقك عليها ( مو شرط تكون متوفرة عندك )
ولكن سيد amins لما وضعت سعرك اليوم ممكن يكون حالة فردية 170 -165
وهادا يوافق توقعي , ولكن هذا امر غير صحيح لانو السعر اليوم العام مانزل للهرقم ابدا ... يعني نحنا لما بدنا ننقل سعر يجب ان يكون اقرب الى الدقة ليس اقرب لتحليلاتنا لانو تحليلاتنا ممكن تزبط وممكن ماتزبط بغض النظر عن السبب واذا مازبطت هادا مابقلل من قيمة تحليلاتنا او توقعاتنا ابدا
تقبل شكري لك

[جوليت]

اقتباس: المشاركة الأصلية كتبت بواسطة goldman$    هالمرة رح خالفك الرأي أخت جوليت لانو باللاذقية الطلب اكبر من العرض والدليل من الصبح كان متوفر باللاذقية على 174 وكانو عم يدفعو بس 168 للشراء ..اما الان بالف منية عم حصلوا ب 177 - 178

صدقا صدقا كتبت المشاركة بالغلط , لانو وقتا كنت عم اشتغل بعشرين موضوع , رح عدلها فورا لانو لما كنت عم اكتبها قاصدة العكس , شكرا لك لتنبيهي

[عبدالقادر]

الدولارفي ارتفاع بالزوز بالدور بالقرف في ارتفاع وقت بكون نزول .منحكي انونازل توقعاتك جوليت شو السقف هالمرة ماجاوبتيني وبتمنا تجاوبي مشكورة وفي اشاعة عم تتحادثا الناس عالارض شوتأثيرا عالسعر مشكورة جوليت

[osama289]

مساااااااااااااااااااء الخير يا حلوين

[shereen]

مساء الخير ياجماعة كنت بمشروع دمر وسمعت صوتين قوايا كتير قالو تفجير بساحة الامويين وسكرو كل الطرقات قعدنا شي ساعة ونص حتى فتحوهم ونحنا نازلين شفنا دخان هائل من ناحية جسر فكتوريا شو صاير بهالدنية ماحدا عرفان بس قولولي الحمد لله عسلامة

[روميو]

اقتباس: المشاركة الأصلية كتبت بواسطة عبدالقادر    الدولارفي ارتفاع بالزوز بالدور بالقرف في ارتفاع وقت بكون نزول .منحكي انونازل توقعاتك جوليت شو السقف هالمرة ماجاوبتيني وبتمنا تجاوبي مشكورة وفي اشاعة عم تتحادثا الناس عالارض شوتأثيرا عالسعر مشكورة جوليت

كيفك يا نمر...............اي اي انت..............انت نمر شد حالك
انا بقلك شو السقف بتقلي شو هي الاشاعة............بس اذا انت اللي مطلعها للاشاعة بدي قول لجوليت تنزل السقف فوق راسك
تقبل تحياااااااااااتي

[روميو]

اقتباس: المشاركة الأصلية كتبت بواسطة shereen    مساء الخير ياجماعة كنت بمشروع دمر وسمعت صوتين قوايا كتير قالو تفجير بساحة الامويين وسكرو كل الطرقات قعدنا شي ساعة ونص حتى فتحوهم ونحنا نازلين شفنا دخان هائل من ناحية جسر فكتوريا شو صاير بهالدنية ماحدا عرفان بس قولولي الحمد لله عسلامة

الحمدلله عسلامتك انسة شيرين
شفت الخبر عالتلفزيون قال جنب مبنى الاذاعة والتلفزيةن

[نورالهدى]

اقتباس: المشاركة الأصلية كتبت بواسطة shereen    مساء الخير ياجماعة كنت بمشروع دمر وسمعت صوتين قوايا كتير قالو تفجير بساحة الامويين وسكرو كل الطرقات قعدنا شي ساعة ونص حتى فتحوهم ونحنا نازلين شفنا دخان هائل من ناحية جسر فكتوريا شو صاير بهالدنية ماحدا عرفان بس قولولي الحمد لله عسلامة

الحمد لله على السلامة
والله يحمي الجميع

[أبوقصي]

اقتباس: المشاركة الأصلية كتبت بواسطة shereen    مساء الخير ياجماعة كنت بمشروع دمر وسمعت صوتين قوايا كتير قالو تفجير بساحة الامويين وسكرو كل الطرقات قعدنا شي ساعة ونص حتى فتحوهم ونحنا نازلين شفنا دخان هائل من ناحية جسر فكتوريا شو صاير بهالدنية ماحدا عرفان بس قولولي الحمد لله عسلامة

الحمد لله عسلامة