سعر صرف الدولار بالليرة السورية ليوم الاثنين في السوق السوداء 25-3-2013

[رندة]

أسعد الله أوقاتكم
الحرية لوالدة رامي العطار الحرية للام بعيد الام.........
مازلنا لم نتوصل لمعلومات حول والدة الاستاذ رامي العطار
لاتبخلوا بالمساعدة اذا كانت بامكانكم
شكرا لكم

[-mouhamad]

بالنسبة للاخوة الذين يستغربون الفرق بين سعر الذهب والدولار: انا اعتقد ان الاختلاف يكون بتوجيه من الحكومة والمصرف المركزي بمطالبة جمعية الصاغة بوضع سعر اقل من الحقيقي للتأثير على سعر الدولار بالسوق السوداء ولجعل الناس تشتري دهب عوضا عن الدولار وخصوصا ان جزء من احتياطي المركزي من الذهب لكن الخوف على المدى الطويل من تهريب الذهب الى خارج سورية

[BROKER]

اقتباس: المشاركة الأصلية كتبت بواسطة hazwany    أنا أوافقك على هذا الاقتراح

يمكن أخونا الحبيب أبو حكيم
عم يقول بقلبو .... حطيت ايدك عالجرح
لان فكرة استاذنا الدكتور الهمكي مطروحة من قبل اخونا ابو حكيم من سنة تقريباً ....
بدأنا بالفكرة لكن واجهتنا بعض المشاكل التقنية ... وسوف نعيد التجريب ريثما ننتهي من التعديلات والتحديثات الحالية، التي توقفت نتيجة امتحاننا من الله.

[عابر مجيب]

اقتباس: المشاركة الأصلية كتبت بواسطة لقماان    صحيح حكيك و هاد حال الصياغ من زمان مو من هللأ فنحن السؤال الفرق يلي من كام يوم و لهلأ يلي صار بيد الدولار و الدهب ... .......................... ببساطة خود دهب من سوريا بالسوري و بيعوا بلبنان بالدولار بيطلع معاك فرق كبير و ليكها لبنان شلفة حجر عميفوت منا أسلحة و دبابات و صواريخ سكود فما بالك بكام غرام دهب ..... برجع بؤوول في شي مو طبيعي ... و بالغالب هامور الصياغ الكبير بيكون دقيق .... و كذلك هامور الصرافة .... الا اذا بدون يعطوا فرصة للتصريف أو الشراء

انت فكرك راح لبعيد الفرص بتنعطى وقت اللزوم بكل وقاحة ، وما في داعي يكون في اختلاف بين سعرين عالميين واضحين متل عين الشمس .
بنرجع للبيع والشراء ، رح تاخد الذهب على دولار 105 فرضا ، ومارح تاخدو هيك إلا ومعو مصنعية بيطلع دولارك 108 بتروح تبيعو بلبنان بيشتروه منك على دولار 107 على اساس بيلحقو خياس .
وينك انت؟ مفكر كل الناس حماصنة ؟

[BROKER]

صمتي عن السوق والدولار... لأني أقرأ فيه المسار الأفقي حتى نهاية الأسبوع
ولكن التحليل السابق لازال قيد العمل .
المناطق عند الدعم جيدة للدخول ويجب ان نصنع المقاومة لحماية الليرة.

الدعم ( اي سعر اسفل 110 ) .. ولعل الشاطر من قام بعمل الدخول بالقلث عند الاشاعة 105 وباع عند الخبر 112 .

[Hany Basha]

اقتباس: المشاركة الأصلية كتبت بواسطة عابر مجيب    غلطان يا سيدي بس مو كتير أولا عم تناقش من كل عقلك وكأن الدولة بيوم من الأيام اشتغلت لمصلحة المواطن ، بس لذكرك : سمعت بالدنيا شي اسمو قانون رجعي غير عنا مثلا ؟ ولا في حدا بالدنيا بيتركك تتشربك مع موظف مالية محتال وبيرجع يطالبك وبيقلك الموظف هربان عطينا حقنا وانت ارفاع عليه دعوى ؟ شو بيكفي ولا بنبحت هلأ ؟ !!! تاني غلطة انو ما انتبهت ان التعويض رح يكون مرة للمضروب على قلبو وخسران ومرتين للي متحوط وشاري دولار ، لأن الثاني ببيع دولارو بهديك الحسبة وبيوقف على الدور يشتري شهادات ذات مردود مرتفع على اساس بريء ومتضرر . هيك بالحالتين تنيناتون مهابيل . الله يرحم ايام السكن الشبابي تبع التقنية الخضراء اللي طار عقل الناس فيها وطار المشروع كلو .. بلا طول سيرة الأهم من هيك والعلامات اللي راحت عليك هي من انك ما عرفت ان الفوائد العالية هي مستقبلية ، يعني الليرة رح تنزل اكتر وإلا شو لزوم السندات الواعدة بها السخاء ؟

يعطيك ربي العافية
كلام سليم و صحيح و معافى من أي مرض أو خطأ
بدي أذكر جملة من مشاركتك سيدي و هي " تنيناتون مهابيل "
بدون تعليق
no comment
الله لا يحيجنا لميالة و غيرو و غيراتو ولا لمال الربا و الفوائد

[Dynamic Pulse]

دمشق الآن
111‏_‏113
متوفر

[عابر مجيب]

اقتباس: المشاركة الأصلية كتبت بواسطة -mouhamad    بالنسبة للاخوة الذين يستغربون الفرق بين سعر الذهب والدولار: انا اعتقد ان الاختلاف يكون بتوجيه من الحكومة والمصرف المركزي بمطالبة جمعية الصاغة بوضع سعر اقل من الحقيقي للتأثير على سعر الدولار بالسوق السوداء ولجعل الناس تشتري دهب عوضا عن الدولار وخصوصا ان جزء من احتياطي المركزي من الذهب لكن الخوف على المدى الطويل من تهريب الذهب الى خارج سورية

يرحم أمواتك وممكن الصايغ ما يلتزم بالسعر للبيع بس بيشتري برخيص وإذا انضغط بيرفع المصنعية

[Hany Basha]

اقتباس: المشاركة الأصلية كتبت بواسطة عابر مجيب    غلطان يا سيدي بس مو كتير أولا عم تناقش من كل عقلك وكأن الدولة بيوم من الأيام اشتغلت لمصلحة المواطن ، بس لذكرك : سمعت بالدنيا شي اسمو قانون رجعي غير عنا مثلا ؟ ولا في حدا بالدنيا بيتركك تتشربك مع موظف مالية محتال وبيرجع يطالبك وبيقلك الموظف هربان عطينا حقنا وانت ارفاع عليه دعوى ؟ شو بيكفي ولا بنبحت هلأ ؟ !!! تاني غلطة انو ما انتبهت ان التعويض رح يكون مرة للمضروب على قلبو وخسران ومرتين للي متحوط وشاري دولار ، لأن الثاني ببيع دولارو بهديك الحسبة وبيوقف على الدور يشتري شهادات ذات مردود مرتفع على اساس بريء ومتضرر . هيك بالحالتين تنيناتون مهابيل . الله يرحم ايام السكن الشبابي تبع التقنية الخضراء اللي طار عقل الناس فيها وطار المشروع كلو .. بلا طول سيرة الأهم من هيك والعلامات اللي راحت عليك هي من انك ما عرفت ان الفوائد العالية هي مستقبلية ، يعني الليرة رح تنزل اكتر وإلا شو لزوم السندات الواعدة بها السخاء ؟

ليس كل ما يلمع ذهباً
ضلو يقولولنا إدعموا الليرة إدعموا الليرة إدعموا الليرة
والله في ناس شرفاء بس دراويش صاروا يحطو كل شقاء عمرهم بالبنوك و بحسابات جارية تصورواااااا " بدون فائدة " وحتى بعض الموظفين صاروا يحطوا كل شهر يلي فيه النصيب مشان يدعموا شرف الوطن والذي هو الليرة السورية
والله هيك ناس بتنباس من بين عيونها بس آخ وبقولها من قلب مجروح
راحت قيمة الليرة و راح معها كتيير ناس أبرياء وتشردت عالم و و و و و و و و
حتى طلعت الأزمة السورية تاني أكبر أزمة عالمية بعد حرب العراق وبسنتين بس
كيف لو بعد سنة تالتة؟؟؟ الله لا يقدر
وبرجعوا بقولولي ودائع بفوائد عالية............................................. ..........
ولكم حرية التعليق

[Humam]

اقتباس: المشاركة الأصلية كتبت بواسطة -mouhamad    بالنسبة للاخوة الذين يستغربون الفرق بين سعر الذهب والدولار: انا اعتقد ان الاختلاف يكون بتوجيه من الحكومة والمصرف المركزي بمطالبة جمعية الصاغة بوضع سعر اقل من الحقيقي للتأثير على سعر الدولار بالسوق السوداء ولجعل الناس تشتري دهب عوضا عن الدولار وخصوصا ان جزء من احتياطي المركزي من الذهب لكن الخوف على المدى الطويل من تهريب الذهب الى خارج سورية

100% مزبوط هالحكي واذا بتتذكرو معي تصريحات صارجي لمدة سنتين أنو الذهب بدو يصير ب5000 ليرة طبعا هو كان قصدو بغض النظر عن سعر الدولار عالليرة
وكل ذلك كان لحرف الساعين لحفظ مدخراتهم عن التحوط بالعملات التي ممكن تحويلها للخارج بسهولة