سعر صرف الدولار مقابل الليرة السورية يوم الخميس2012/12/27 في السوق السوداء

[mak]

اقتباس: المشاركة الأصلية كتبت بواسطة د وهيب    السلام عليكم الدولار عملة امريكية والتحويل بين المصارف يجب ان يخضع للقوانين الامريكية حاليا ممنوع تحويل الدولارالى سوريا وبين المصارف السورية التحويل يتم باليورو وممكن غدا يلغى التحويل باليورو. ليس انهيار عملة ولكن قوانين دول " بلد ينتج سلعه وحاجاته لا تنهار عملته"

شو قصدك ينتج سلعه و حاجاته؟......لكن ايش ازمة المازوت و الغاز و الخبز و الكهرباء ما دام مو محتاجين شي؟!!...صحيح انت عايش برات البلد و ما بتعرف انو في هيك ازمة.....بس هاد الشي يللي ذكرتو غيض من فيض و كل مادة من المواد المقود اثرت على كتير شغلات ..من التدفئة للمواصلات للمعامل .....حتى لسعر سندويشة الفلافل

و غيرو كتير من مواد اولية ضرورية انتاج كتير من الشغلات التي (ننتجها محليا)......الطلب على الدولار او اليورو ليس كسلعة بل كعملةضرورية لشراء ما تحتاجه اي بلد من مواد اولية و غيرها مما لا تتنتجه او تصنعه

سوريا و الحمدلله كانت تنتج الكثير من احتياجاتها (قبل البدء بسياسة حرق البلد) و كنا نحتاج لستيراد الكثير من الساسيات وليس فقط الكماليات كما يصور البعض...و الآن للأسف اصبحنا نحتاج لأن نستورد اكثر و اكثر حيث ان كثير مما كنا ننتجه او نصنعه محليا لم يعد موجود

[ابو البر]

برأي المركزي داخل ع السوق (((((( بس مضارب))))) بهدف تخفيض العملة ........ ثانياً: المركزي بهل الوقت ما عندو قدرة يثبت سعر الدولار لعدة اسباب.... وبالنسبة لانخفاض السوق بسبب الدولرة اغلب الناس بحلب صارت تقبض بالدولار وهي نهاية الشهر وبداية شهر و(الاشاعات بأنخفاض الدولار وهي بحد ذاتها ساهمت بتخبط ) مع ضخ المركزي لليورو ........ اما بالنسبة للواقع الاقتصادي يلي نحن عم نعيشو لازم يكون سعر الدولار 200 ليرة سورية بسبب شلل اقتصادي بشكل عام ............ وبالنسبة لبعض الاشخاص عم تقول انو الصرافة ما عندها سوري ........ صح اغلب الصرافة رأٍس مالون كلودولار او يورو او جنيه استريني او.........الخ و اغلبها صار برا البلد ...............وبالتشكر كل الاعضاء على ارائهم .........

[Trader]

اقتباس: المشاركة الأصلية كتبت بواسطة باسل غ    استاذ mouayad بكل بساطه العرض والطلب عدم قدرة اختراق الحاجز النفسي (( فوق 100 ليره )) والخوف من تكرار هبوطه من 100 الى65 كما سبق المره الماضيه بلشت العالم تبيع بكميات كبيره كتير (( دولار بيتوتي )) وعند وصل على 92 كانت نقطه دخول كمان بلش الطلب بنفس الكميات الكبيره تصور بيتي بيعد عن الصراف دقيقيتن ثبتت على 93 عند وصلت قلي تركهم على 94 ضحكت قلي على 94.25 سكتت قلي ما تواخذني وسلمني عند كنت عنده بالمكتب كان في زباين طالبه منه مبالغ كبيره على سعر 95

عمرك أطول من عمري
لو حللت الوضع لكنت قلت متل ماقلت
بس انت كفيت وفيت

[mak]

اقتباس: المشاركة الأصلية كتبت بواسطة عاشق سوريا    يا جماعة قصة الدولار اليوم و مع احترامي لجميع الآراء تتلخص في نقص الكاش بالعملة السورية لدى جميع الصرافين و بالتالي بيع الدولار على هذا الأساس و السيناريو المحتمل للأسبوع القادم هبووووووووووووووووط المركزي سيتدخل بطريقة أو بأخرى و إن كان التحليلات الواردة إلينا توحي بتدخله اليوم بشكل سطحي و لكن التدخل الحاسم سنشهد نتائجه في الأسبوع القادم و الله أعلم مما سينعكس على أسعار السلع التموينية والتي باتت تشكل عبئآ و ضغطآ كبيرآ على الحكومة إضافة لما سبق ورود كميات المازوت إلى سوريا و التي ستساهم إلى حد ما في كبح جماح أسعار السلع بشكل جزئي و تسهيل حركة التنقل بين المدن مما يساهم بشكل أكيد في خفض سعر الدولار و في النهاية هبوط جزئي حتى يصل الدولار إلى مستوى 89-90 و إن غدآ لناظره قريب.........

انشالله يكون كلامك صحيح و نشهد انعكاس ايجابي على اسعار السلع التموينية و توفر المازوت ..لأنو بالنهاية المواطن ما بياكل دولار.....بس يا خوفي تكون الرفعة و النزلة لعبة للم الدولار البيتوتي الذي ذكره الأخوة لأنو ما عاد صفي دولار غيرو جوات البلد لأنو اذا هيك بيكون صار وقت الجولة الأخيرة ل الليرة السورية!!

[mak]

اقتباس: المشاركة الأصلية كتبت بواسطة الاسمر    اخي وما هي برأيك اسباب تدهور الاقتصاد في سوريا؟ وهل الاقتصاد السوري كان مرتبط من الاساس بالنفط والاستيراد كما هو الحال في العراق؟ وما هي مقومات الاقتصاد اللبناني التي كانت من الممكن ان توقف تدهور الليرة اللبنانية؟

أعتقد ان في هذا المنتدى من هو افضل مني للاجابة على سؤالك....و لا أظن أن الجواب يمكن ان يكون بسيط....و لكن في جزء كبير منه هو اقتصاد مبني على عجلة انتاج و موارد طبيعية باتت معطلة بالاضافة الى استنزاف موارد الدولة في القضاء على (العصابات المسلحة) لمدة سنتين حتى الآن و تدمير البنية التحتية بالمعية.....يعني ما بظن هي بها خبير اقتصادي ليعرف انو رح تسبب تدهور الإقتصاد!!

[باسل غ]

اقتباس: المشاركة الأصلية كتبت بواسطة Jack Pot    مساء الخير جميعاً. أسف على عدم مشاركتي الى الآن ، بس مشان جبلكون خبر تازا. سعر دمشق إغلاق الساعة 6:00 مساءاً مبيع 90 شراء 88. الخبر مؤكد عن طريق شركة خلف للصرافة و كل شي فوق هل سعر وهمي و لعبة تجار و الله أعلم

شكرا جزيلاا هيدا خبر بفرفح القلب

استاذ Jack تأكدت في بيع ؟؟؟

بحلب في اسعار مرتبه اكتر

83.75____84.25 عند شركات

الصرافه النظاميه بس بيعتذر منك

الموظف بشكل لبق وبقلك استاذ

ما عندي بيعيك بس بشتري منك

[ذكرى انسان]

السلام عليكم

اليوم في السعودية تحويل الى سوريا (عن طريق تجار )

السعر صباحاً الريال 25 ليرة يعني 25 * 3.75 =93.75 الدولار

والسعر بعد العصر 22 ليرة يعني 22 * 3.75 = 82.5 الدولار

وأنا اعرف كذا شخص متعاملين مع تجار بيبيعولهم دولارات بهي الطريقة

والمسا اتصلو فيهم وخبروهم لايشترو ريالات ليوم السبت بعد الساعة 12 حتى

يشوفون لوين متجه السوق ...


وبالنسبة للشباب اللي مستغربين بسعر الصرف ليش اقل من السوق السودا

لانو البنوك لما تحول عن طريقها بتحسب سعر الصرف بسعر الصرف الرسمي

للمركزي السوري وبما انو الناس مجبورة تحول لاهلها فيكون السعر مناسب الهم

وكل مازاد مبلغ التحويل بيكون السعر اعلى .

مع تمنياتي للجميع بالسلامة ونخلص منوو....... لهاالوضع

[Jack Pot]

اقتباس: المشاركة الأصلية كتبت بواسطة باسل غ    شكرا جزيلاا هيدا خبر بفرفح القلب استاذ jack تأكدت في بيع ؟؟؟ بحلب في اسعار مرتبه اكتر 83.75____84.25 عند شركات الصرافه النظاميه بس بيعتذر منك الموظف بشكل لبق وبقلك استاذ ما عندي بيعيك بس بشتري منك

انشأ لله كل أيامك فرح ، بحب طمنك أنو مو سعر التدخل هاد ، هاد سعر السوق السوداء و قد ما بدك موجود

[احمداحمد]

والله ياشباب نحنا بوقت ضاعت فيه الخبره والمعلميه وشيوخ الكار

واصبحنا بزمن الحظ والمقامره الغير مقصوده

يعني تاجر كبير ممكن يطرح مليون او مليونين دولار صباحا بسعر وبيرجع بلمهن مساء بسعر او بلعكس

وهاد وضعنا اليوم يعني من مبارح في مين طرح دولار في السوق ونزلو شوي واليوم كمل

وبعدين من طرف تاني بيبعت مين يلم دولار من ا لسوق وهيك بكون حقق مربح مخيف من ضهري وظهرك

مع الاسف هاد التاجر معروف (المركزي او عملاء المركزي من الصرافين

[الاسمر]

اقتباس: المشاركة الأصلية كتبت بواسطة احمداحمد    والله ياشباب نحنا بوقت ضاعت فيه الخبره والمعلميه وشيوخ الكار واصبحنا بزمن الحظ والمقامره الغير مقصوده يعني تاجر كبير ممكن يطرح مليون او مليونين دولار صباحا بسعر وبيرجع بلمهن مساء بسعر او بلعكس وهاد وضعنا اليوم يعني من مبارح في مين طرح دولار في السوق ونزلو شوي واليوم كمل وبعدين من طرف تاني بيبعت مين يلم دولار من ا لسوق وهيك بكون حقق مربح مخيف من ضهري وظهرك مع الاسف هاد التاجر معروف (المركزي او عملاء المركزي من الصرافين

وهل لدى هذا التاجر اسم؟ ربما المركزي؟؟

نصيحة للجميع ان يبقى بعيداً عن المتاجرة بالدولار او العملات الاخرى لأن ما اوصلنا الى هنا هو اللعب بعقول الناس من قبل مصدرين مرتبطين ارتباط تام. ونعم اذا توقفت حركة البيع والشراء سينخفض سعر الدولار وتنخفض معه اسعار السلع في الاسواق.