المتابعة اللحظية لجلسة تداول الاثنين 23-4-2012

[yara991979]

الهغط

إقتباس الأخ Broker
اهلا انسة يارا

الله يسلمك

تكرمي بجبلك اكيد "بس خبريني من وين بينباع"

وتأكيد من كتابة اسم هالشغلة لأنو مارح اعرف الفظها للبائع ..
أخي رامي: الله يكرمك وكأن الأمانة وصلت!!!! شكراً لك وترجع بالسلامة...
حاول لفظها كمان مرة...
هـGط
أحسنت!!!

إقتباس الأخ غالب
هلء من 11 صفحة وكل صفحة فيها 10 مشاركات ما عرفت ترد الا على الانسة يارا سبحان الله يا اخي شو موجب .
اتذكر اصدقائك هون , قول شو في ما في هلء صار يهمك تلبي طلبات الجماهير .

ونحن كمان بدنا هغط
شو هو هاذ الهغط جاوبونا الي بيعرف

الشعب يريد من رامي هغط
اي اي هلء عرفنتا قصدون فيها مختصر لكلمات هبيط غادي طري
أخي غالب: قلت لك سابقاً حلوة الواسطة....
والبركة بالجميع والكل موجّب!!!
بس دوختني بـ "هبيط غادي طري"

إقتباس الأخ مجد
الهغط حسب ماسمعت هو الجميد لبنة مجففة حجمها حجم الشن كليش اليابس القياس الكبير يستخدم لطبخة عندهم مشهورة يمكن المنسف .
أخي مجد: أصبت، شكراً لك...

إقتباس الأخ غالب
شكرا اخي بشار

الان فهمت معنى الهغط وهو الجميد او يسمى الكثي او الجثي باللهجة البدوية .

تعريفه هو لبن يتم تحويله الى لبنه ومن ثم الى كثي من خلال استمرار تجفيفه بالشمس بأوقات تواجد الحليب من الماعز او غالبا من الغنم لان الاغنام تلد مرتين بالسنة شهر 5 وشهر 12 وخلالها يمكن حلبها لمدة محدودة قد لا تتجاوز 3 - 4 اشهر بعد الولادة .

عليه يتم تخزين الكثي لاستعماله بأوقات لا يتوفر بها الحليب ومن ثم اللبن .

يستعمل الكثي للطبخ تماما كما يستعمل اللبن هذه الايام لامثال طبخات مثل الكبة اللبنية والشاكرية

حيث يكون على شكل حبات بحجم كرة التنس او حبات الشنكليش والحجم ليس مهما .
يتم تسخين الماء وتوضع فيه ثم يتم مرسها باليد لغرض اعادتها لبن لغرض الطبخ ويتم طبخها ونكون قد سلقنا اللحم بقدر اخر ويوضع اللحم المطبوخ فوق اللبن ويغليان معا لغرض تجانس الطعمة .

الهدف من كل ذلك اكلة المنسف اللذيذة والتي تكون بالاردن بالرز وفي سوريا - حوران والجبل بالبرغل .
يتم طبخ البرغل وثم يضاف اليه بعض اللبن ويدعك معا ليصبح طريا جدا ويمد في منسف ويوضع فوقه اللحم المطبوخ وعادة يكون لحم غنم ولمواكبة الحضارة ولتقليل الخسارة اصبحوا يستعملون لحم الدجاج .

والاصلي منه تضاف ايضا كبة بالصينية وتوضع في وسط المنسف وكذلك يحيط بها نوعان من الكبة مقلية ومسلوقة وقطع اللحم كما اسلفنا .

بقي شيء واحد وهو اضافة السمنة البلدية امام الضيوف تعبيرا عن الكرم مع عبارة اهلا وسهلا .

قال الشباب ما عبيصدقوا انو هيك ليشوفوا بعينهم وكنت قد وعدتهم باكلة منسف وسأفي بوعدي في القريب العاجل قبل ما يرجع رامي من الاردن .

أخي غالب: شرح شافي ووافي شكراً لجهودك، بس هغط وكرة تنس؟؟؟
هل أنا من الشباب المدعوّة ؟؟؟ -قبل ما يرجع الأخ رامي من الأردن-
بس بدي ياه بعد إذنك على الطريقة الأردنية أي بالرز، بالسمن العربي، بدون تحضّر أي بلحم الغنم وأخيراً وليس آخراً ما يكون أصلي أي بدون كبّة
حاجتي تفتيء ولاكفّي...؟؟؟

[غسان]

اقتباس: المشاركة الأصلية كتبت بواسطة الطير المهاجر    السلام عليكم جميعا"

وعليكم السلام ورحمة الله

متى ستعود ياطيرنا الى عشك ؟؟؟

[economic opinion]

اقتباس: المشاركة الأصلية كتبت بواسطة buffer81    صباح الخير شباب, شو بتنصحونا نبيع اسلامي و دولي اليوم و لا نستنى لبكرة ؟

الملكي بيع عالأب
والاسلامي حط 111
إذا تنفذو خير وبركة وإذا ما تنفذو منشوف بكرة
رأي شخصي

[BISO]

اقتباس: المشاركة الأصلية كتبت بواسطة economic opinion    أهلاً وسهلاً تقلان علينا كتييير أخي بيسو فكرناك غيرت استثماراتك لشي تاني

مالنا غنى عن الأخوة ...

[economic opinion]

أنا كتييير بحب الجميد

[BISO]

أخي رامي ...... لوين شايف شارت الذهب رايح

[BROKER]

اقتباس: المشاركة الأصلية كتبت بواسطة buffer81    صباح الخير شباب, شو بتنصحونا نبيع اسلامي و دولي اليوم و لا نستنى لبكرة ؟

اذا اردنا الواقع فيمكن البيع لجني الارباح

لكن هل سيكون هنالك فرصة للدخول من الاسفل من جديد ؟؟

[economic opinion]

اقتباس: المشاركة الأصلية كتبت بواسطة BROKER    اذا اردنا الواقع فيمكن البيع لجني الارباح لكن هل سيكون هنالك فرصة للدخول من الاسفل من جديد ؟؟

بروكرنا..... هل يوجد استقرار دائم على الأرض السياسية؟

[BROKER]

اقتباس: المشاركة الأصلية كتبت بواسطة biso    أخي رامي ...... لوين شايف شارت الذهب رايح

لازال في منطقة الجذب ولم يخرج منها لا من الاسفل ولا من الاعلى

يعني التحرك لا يتعدى 50 دولار

توجهه الحالي هو 1625

[BROKER]

اقتباس: المشاركة الأصلية كتبت بواسطة economic opinion    بروكرنا..... هل يوجد استقرار دائم على الأرض السياسية؟

عملي حماية ملكية لمصطلح "الارض السياسية" قبل ما اسرقو

اكـــــيد مافي .... لكن السوق ينفصل تدريجياً عن التأثر بالارض