جلسة صالون سيريا ستوكس ليومي الخميس 20 والجمعة 21-10-2011

[فراس السكري]

اقتباس: المشاركة الأصلية كتبت بواسطة economic opinion    لأ طول بالك شوي أخي أبو تيم مو لهالدرجة، لأنو إجمالاً يلي راتبو بالحد الأدنى وبالوسط ما بيخطب أساساً big grinbig grin

ليش اخت روان موحرام يظل عزابي طول حياته
على فكرة عندي زميلين مواليد 80 والى الان اصلا مابيستطيع يتزوج بسبب الطلب الاساسي بيت لحالها اهم شيء وان استأجرراح راتبه

[BROKER]

اقتباس: المشاركة الأصلية كتبت بواسطة فراس السكري    لاتخاف اخ رامي الثانية ماخذها حقها بالكامل مش مخليتني اتنفس ومهددة تهديدا مباشر في حال فكرت بده تخليني ازور ابو ايوب بتعرف مين هو ابو ايوب ؟ حارس المقبرة

اذا هيك طمنتني ... ؟؟

[BROKER]

اقتباس: المشاركة الأصلية كتبت بواسطة ابو تيم    الله يعينك العمص الي خاطب و خطيبتوا بتحب تروح سينما بينخرب بيتوا بشهر زمان

مؤيد كان خاطب في ظل الاحداث كان محظوظ

اي فكرة مشوار بيتجج انو خايف عليها

[Ship World]

مساء الخير للجميع

[Ship World]

اقتباس: المشاركة الأصلية كتبت بواسطة BROKER    يا ترى ليـــــش ؟؟ وليش كمان الموظف بس بدو يقنص المراجع ؟؟ وليش التكسي بيطفي العداد ؟؟ وليش البلاط ما بيجي عالموعد و بقلك 10 أيام ما بيطلع الا لبعد شهر ؟؟ وليش ورشات الصيانة دائما بتعلق مع الزباين ؟؟ وليش معاملة الوحيد بدها دورة واجازة عن الشغل ، ولازم تدفع للشرطي لحتى تمشي ، وقال شو عندو اخ معاق ذهنياً وجسدياً بس لازم يجيبو لحتى يشوفوه ومو بس هيك وكمان طلعولوه دفتر خدمة علم "للمعاق" ولا تزال المعاملة قيد الانجاز من شهر ونص ؟؟ وليش أي محل تجاري مجهز حالو دائماً يكون عندو فراطة ألف ، وبس يدخل مفتش "التموين - الصحة " بيدفع وعادي وقدام البشر ؟؟ وليش الباصات الجديدة ما حلت مشكلة السير مع انها كانت مشروع خيالي لتوفير الزحمة بما انو كل باص بعادل 4 مكاري ؟؟ وليش حسب قولة وزيرة النقل وقتها "نريد رفع رأس المواطن" طيب ليش ما ارتفع بس انعمس معس وتشرشح ، وإذا كان الميكرو يقطع الطريق بتلت ساعة فأخونا رافع الراس بدو ساعة ونص .؟؟ ليش رفيقي اجا من العمرة بعد رمضان وقال شو ؟؟ دفعوا 300 ليرة كل الركاب لحتى ما يتم تفتيش البولمان ؟؟ طيب معقول ونحنا بهي الظروف ما يتفتش البولمان مع انه جاية من السعودية وما ادراك ما السعودية ؟؟ ليش ما احتفلوا بتحرير الاسير السوري ؟؟ والليشات كتااااار ما بيخلصو لبكرة .... وبعرف مافي اجابات فما في داعي للجواب كانت فشة خلق وبس ....

مساء الخير اخ ابو حازم الغالي

و يبقى المثل الدائم
شفنا و يا حنشوف ....................عوجا و الطابق مكشوف

ملاحظة
عدلت كلمة صباح الى مساء حسب التوقيت الان
و هيك بكون ريحت الاخوة المشرفين ...................... و عملت مشرف على حالي

[Ship World]

اقتباس: المشاركة الأصلية كتبت بواسطة فراس السكري    ليش اخت روان موحرام يظل عزابي طول حياته على فكرة عندي زميلين مواليد 80 والى الان اصلا مابيستطيع يتزوج بسبب الطلب الاساسي بيت لحالها اهم شيء وان استأجرراح راتبه

مساء الخير اخ فراس

فيه يغير العروس .............

[abu mhd]

اقتباس: المشاركة الأصلية كتبت بواسطة broker    مؤيد كان خاطب في ظل الاحداث كان محظوظ اي فكرة مشوار بيتجج انو خايف عليها

اممممممم شايف بلش النتف بريشي
الحقيقة انوا ايام الخطبة كنت روح و ايجي بس هلأ بعد الزواج كل ما تقلي على مشوار بقلها عنا شي اهم غراض للبيت
بعدين في صياد بيطعمي سمكة بعد ما يطالعها من المي ههههههههههههه

[manar]

مساء الخير

[Ship World]

اقتباس: المشاركة الأصلية كتبت بواسطة salam    صحي ونسيت اذكر انو سعر قنينة المي جوا 50 ليرة.... وبدك تشتريها وانت عم تضحك وتلعب لانو اذا اكلت بوشار مابيمشي الحال ماتشرب مي.... عرفتوا ليش شعبنا بيضل منتوف؟ لانو الكل بس بدو ينهب من جيبته مصاري وداقت عينهن على مستوى قنينة المي...

مساء الخير اخت سلام

منشان يطمنو انه ريحو المواطن من هم المصاري

و هادا نفس الشي بالنسبة للكافيتريات يلي بحطو قنيية مياه كبيرة لشخص واحد .............
فاذا سكت دفع حقها

و اذا طلب تغير الى الحجم الصغير بكون نفذ من العيبهم و هادا غير المحارم

و ويل اذا واحد راح على مطعم مقدم عروض خاصة اذا طلب فنجانين قهوة .............بيطلع حق الفنجانين قد الغداء كله

الموضوع ليس بخلا .............. بس كمان الواحد مالو لاقي مصرايته على الطريق السريع

[manar]

بنك سورية الدولي الإسلامي... يفتتح مقره الجديد في يعفور - البوابة الثامنة