صالة أسعار صرف الدولار والذهب وباقي العملات مقابل الليرة السورية ليوم الاربعاء 11-9-2013

[أبو محمد اللاذقاني]

اللاذقيــــــــــــــــــــــــــــــــــــة
شراء 205 بيع 213

[عابر مجيب]

اقتباس: المشاركة الأصلية كتبت بواسطة mak    ممكن اسم المنطقة في دمشق؟........صديقي مضطر على 20000 و ما حصل اقل من 220

ما رح يلاقي وبكرا كل المضطرين والمضطربين والمهولين بيكونوا باعوا ، وما بقا يلاقي أرخص !
اليوم الكل فارد شباكه وعم يصطاد بالمي العكره . وحاطط سعر البيع طعم .
ضربة مافي آمنا جدلا
شو مطرت ذهب وفضة ؟!
مين كان بدو يضربنا لما وصل الدولار للتلات ميات ؟
الضربة كان في ممولين متكفلين فيها ، نزع الكيمياوي على حسابنا ، وقال بيكلف شي مليار ونص دولار . صار لازم ينطرحوا من الـ 25 طن ذهب اللي حيلتنا . بنصير بالسالب دفتريا .

[مجرد إنسان]

اقتباس: المشاركة الأصلية كتبت بواسطة shereen    اخي عابر ماعاد في سفر الا تهريب وبتكلف 8500 وفيها مخاطرة او بتدفع 450 الف دولار وبتاخود اقامة دائمة

التهريب ما بيكلف هالشي كلو وفي عائلات كاملة عم تروح كلفة الشخص تقريبا بين 4000-5000 دولار مو اكتر من سورية-مصر-ايطاليا-السويد بس المشكلة بالعزابي متلي ما بخلوه يدعس على ارض المحروسة مصر وبرجعوني من المطار
ولا ما كنت استنيت ، واللي بيوصل بياخد اقامة دائمة حسب التعليمات الجديدة من وزارة الخارجية ..
أخي مرهف الذهب هابط
شوف مخططه البياني على مواقع الذهب متل golds.com
لمدة سنتين بتلاقيه بعد ما وصل لل 1920 دولار نازل من هداك اليوم ولسا طريقو مفتوح لل 200 دولار للاونصة وهو سعره الاساسي في عام 1998 يعني ترند هابط وكل صعود وهبوط هو رقصة موجية في سلوك كامل هابط بعكس الليرة السورية تبعنا
وفي اشياء اخرى قريبة ستؤثر عليه هبوطا اكثر
ليرتنا فيها صعود وهبوط ولكن في ترند صاعد مطلقا طالما لم تنتهي المشكلة المتسببة بانهيارها

[mak]

اقتباس: المشاركة الأصلية كتبت بواسطة عابر مجيب    ما رح يلاقي وبكرا كل المضطرين والمضطربين والمهولين بيكونوا باعوا ، وما بقا يلاقي أرخص ! اليوم الكل فارد شباكه وعم يصطاد بالمي العكره . وحاطط سعر البيع طعم . ضربة مافي آمنا جدلا شو مطرت ذهب وفضة ؟! مين كان بدو يضربنا لما وصل الدولار للتلات ميات ؟ الضربة كان في ممولين متكفلين فيها ، نزع الكيمياوي على حسابنا ، وقال بيكلف شي مليار ونص دولار . صار لازم ينطرحوا من الـ 25 طن ذهب اللي حيلتنا . بنصير بالسالب دفتريا .

وأنا هيك قلت......و شكلو اشترى ب 220......

[مجرد إنسان]

اقتباس: المشاركة الأصلية كتبت بواسطة الياطر    اخي السلام عليكم كانو حاسس انو كلامك موجه الي انا لا بحياتي روجت لا للذهب ولا للدولار وكل الاعضاء بيعرفو هالشي انا بكتب تحليل عن سعر الذهب عالميا وسعر الذهب محليا سواء سعر الجمعية او الكسر اما اذا كنت انت وغيرك مزعوجينمن كلمة صاعد بحب قلك انو مع كل تحليل كنت اكتب نقاط دعم ونقاط مقاومة وعلى اساس هي النقاط ابتتحدد الاتجاهات يعني لا على كيفي ولا على كيفك وفيك تتاكد من هالشي من الانترنت في الف موقع متخصص بتحليل اسعار الذهب وبتشوف انو الكل بقلك صاعد اما اذا ما بتعرف شو يعني نقاط دعم ومقاومة ما في داعي تتهم العالم ظلم.

في مثل قديم بقول :
تاجر البطيخ دائما ما يقول ان بطيخه حلو ..

كل كلام المواقع خلاف السلوك العام الحالي للذهب وما فيك لا انت ولا كل المواقع تشرحلي انو الذهب نزل من ١٩٢٠ لل١١٨٥ ولسا سلوكه صاعد !!
والسعر قد يتعرض لصفعة قوية للغاية في الاسبوع القادم
ونفيا للخلاف قلنا للمصرين على الذهب : نوع استثماراتك
دمتم بخير

[عابر مجيب]

اقتباس: المشاركة الأصلية كتبت بواسطة مجرد إنسان    التهريب ما بيكلف هالشي كلو وفي عائلات كاملة عم تروح كلفة الشخص تقريبا بين 4000-5000 دولار مو اكتر من سورية-مصر-ايطاليا-السويد بس المشكلة بالعزابي متلي ما بخلوه يدعس على ارض المحروسة مصر وبرجعوني من المطار ولا ما كنت استنيت ، واللي بيوصل بياخد اقامة دائمة حسب التعليمات الجديدة من وزارة الخارجية .. أخي مرهف الذهب هابط شوف مخططه البياني على مواقع الذهب متل golds.com لمدة سنتين بتلاقيه بعد ما وصل لل 1920 دولار نازل من هداك اليوم ولسا طريقو مفتوح لل 200 دولار للاونصة وهو سعره الاساسي في عام 1998 يعني ترند هابط وكل صعود وهبوط هو رقصة موجية في سلوك كامل هابط بعكس الليرة السورية تبعنا وفي اشياء اخرى قريبة ستؤثر عليه هبوطا اكثر ليرتنا فيها صعود وهبوط ولكن في ترند صاعد مطلقا طالما لم تنتهي المشكلة المتسببة بانهيارها

نحنا ما غرقنا ، بس شفنا اللي غرقوا
بس تعتمد في عن طريق قبرص ، بتدفع 2000 يورو على الشخص ، وبعد شهر ، لا بتشوف قبرص ولا الـ2000 يورو ولا الشخص اللي أخدهم .
بضمنلك ياها 100% ههههههههه
من شهر كان عندي واحد شربان المقلب ، وعم يشرحلي انو بس صار بقبرص ، بينتقل لأي بلد أوروبي . وضربلي مثل : متل لما بتصير بسوريا فيك تتنقل من حمص لحلب .... وين مابدك ،
طلع أسوأ مني بالجغرافيا السياسية !

[زلاتان]

ياجماعه عم ينعرض عليي ب 216 الساعه الرابعه عصرا
اشتري ولا استنا ؟

[مجرد إنسان]

اقتباس: المشاركة الأصلية كتبت بواسطة الياطر    يلي مزعوج من كلمة صاعد رغم انو سعر اونصة الذهب نزل من ١٤١٥وسعر الاونصة اليوم ١٣٦٥ بحب قلك او هاد النزول اسمو موجة تصحيحية هابطة ضمن الاتجاه الصاعد الكامل على المدى القصير ويا سيدي طالما سعر اونصة الذهب فوق ١٣٥٨دولار فالاتجاه العام صاعد صاعد صاعد وانا ما عم روج للذهب ولالغيرو بس انت على ما يبدو عندك مشكلة مع الليرة السورية وعم تسعى لانهيارها وكل مشاركاتك بدل على هالشي

شو دخل الليرة بالذهب ؟؟؟؟
يعني ما لازم نشتري دولار بنضر الليرة
بس اذا بنشتري ذهب ما بنضر الليرة ؟؟؟؟
شو هالاقتصاد هاد ،فرجة !
واللي اشترا ذهب عند سعر ١١٠٠٠ و١٢٠٠٠ تبع الصياغ ولاد الحلال مو صرافين الدولار الاشرار ما انضر وانخرب بيته من ولدنية الحلال تبع الصياغ ؟؟
معادلات غريبة بالكامل
الذهب قبل الازمة تبعنا كان الغرام ب١٦٠٠
اليوم الغرام ب ٨٠٠٠ وليس هناك زيادة خيالية في سعر الاونصة وانما يعكس تقلب الدولار فقط وليس ربح في السعر الحقيقي!
بس المعادلة بالبلد غير شكل
الصياغ : أخيار مع انن مسؤولين عن تهريب الذهب الى خارج سوريا بالاطنان يوميا وتدمير مخزون عشرات السنين لتوريد دولار بداله وبيعه للصرافين الاشرار !
الصرافين : أشرار لانن بيتعاملو بالدولار !

نسأل الله ان يرينا الحق حقا ويرزقنا اتباعه ويرينا الباطل باطلا ويرزقنا اجتنابه ..

[أبو حسن]

اقتباس: المشاركة الأصلية كتبت بواسطة زلاتان    ياجماعه عم ينعرض عليي ب 216 الساعه الرابعه عصرا اشتري ولا استنا ؟

انت باي منطقة

[مجرد إنسان]

اقتباس: المشاركة الأصلية كتبت بواسطة عابر مجيب    نحنا ما غرقنا ، بس شفنا اللي غرقوا بس تعتمد في عن طريق قبرص ، بتدفع 2000 يورو على الشخص ، وبعد شهر ، لا بتشوف قبرص ولا الـ2000 يورو ولا الشخص اللي أخدهم . بضمنلك ياها 100% ههههههههه من شهر كان عندي واحد شربان المقلب ، وعم يشرحلي انو بس صار بقبرص ، بينتقل لأي بلد أوروبي . وضربلي مثل : متل لما بتصير بسوريا فيك تتنقل من حمص لحلب .... وين مابدك ، طلع أسوأ مني بالجغرافيا السياسية !

معلمي واستاذي العزيز
مزبوط لازم نتعلم السباحة ههههه
بس للامانة الناس اللي قالولنا عن هالطريق صاروا هنيك حاليا وعم يحكونا
وفي طريق تاني من تركيا والناس وصلوا منو كمان
بس الاسعار زمان قبل الازمة كانت شي ٢٠٠٠ دولار وارتفاعها اليوم بسبب زيادة الطلب
وفي على فلندا بس من روسيا وبدك تمرق من سيبيريا ههههه
وكل التكاليف متقاربة