صالة أسعار صرف الدولار والذهب وباقي العملات مقابل الليرة السورية ليوم الثلاثاء 13-8-2013

[abu mhd]

والله يا استاذ باسل مابعرف انت عن مين عم تدافع عن الدولة ولا المركزي ولا التجار ولا هلأ شوفير التكسي ؟؟؟؟؟
انا ما برضى يطلعله الف ليرة بس ما برضى يطلعله 10 الاف باليوم
مو طمع برزقته وانما سرقة
ليش ما عم يلتزم بتسعيرة الدولة الجديدة اللي هي ضعف العداد ؟؟؟؟؟ يعني عدادك 50 خود 100
وانا موافق ادفع 3 عدادت بس مو يسرقني
حبيبي الف ليرة سائق التكسي يطالعهم بساعة لكان من يومين طلعت بتكسي لمسافة صدقا اقل من 700 متر بده 100 ليرة

والله يا اخي باسل لما كانت تصحلي فرص عمل بالخارج كنت ارفضها وقول بلدي اولى بشغلي
بس اكتشفت انوا ياريت لو ............

واخيرا اذا زعلان عالتكسي ازعل علينا فراتبي بالليرة السورية لم يزد بل نقص من وين بدنا نجيب لهلمعترين التجار و السائقين
اي حرام التاجر ما يركبله مرسيدس او اودي والله بينزعل عليه

[samsamo]

اقتباس: المشاركة الأصلية كتبت بواسطة باسل غ    هو معك حق تحتار بس انا ولاا مره شاركت بمضوع الاسعار لا عند بيرتفع الدولار ولاا عند بينزل بسبب اقامتي برا البلد وما بعرف تفاصيل الاسعار بس يلي بعرفه انو مافي مصادر للانتاج لا الزراعي ولاا الحيواني ولا في طرقات وهيدا السبب الحقيقي بارتفاع الاسعار واذا بدك خلينا نسأل اخوانا الاعضاء بالمناطق الساحليه عن الاسعار بشكل عام

الأسعار بالمناطق الساحلية مو أحسن ابدا" على فكرة أحد الأخوه ذكر انو سعر تنكة زيت الزيتون بالساحل اقل بس المشكلة بالنقل شو رأيك أنا بعرف و متأكد انو سعر تنكة الزيت بالساحل هلا من 18000 الى 20000

[ghasangsb]

السلام عليكم ورحمة الله وبركاته
من لدية معلومة عن عدم توزيع شركات الصرافة لهذا اليوم فليتكرم بها علينا وله الأجر .
وشكراً سلفاً

[باسل غ]

اقتباس: المشاركة الأصلية كتبت بواسطة mouayad    والله يا استاذ باسل مابعرف انت عن مين عم تدافع عن الدولة ولا المركزي ولا التجار ولا هلأ شوفير التكسي ؟؟؟؟؟ انا ما برضى يطلعله الف ليرة بس ما برضى يطلعله 10 الاف باليوم مو طمع برزقته وانما سرقة ليش ما عم يلتزم بتسعيرة الدولة الجديدة اللي هي ضعف العداد ؟؟؟؟؟ يعني عدادك 50 خود 100 وانا موافق ادفع 3 عدادت بس مو يسرقني حبيبي الف ليرة سائق التكسي يطالعهم بساعة لكان من يومين طلعت بتكسي لمسافة صدقا اقل من 700 متر بده 100 ليرة والله يا اخي باسل لما كانت تصحلي فرص عمل بالخارج كنت ارفضها وقول بلدي اولى بشغلي بس اكتشفت انوا ياريت لو ............ واخيرا اذا زعلان عالتكسي ازعل علينا فراتبي بالليرة السورية لم يزد بل نقص من وين بدنا نجيب لهلمعترين التجار و السائقين اي حرام التاجر ما يركبله مرسيدس او اودي والله بينزعل عليه

انا خبرتك قبل مره على شو بزعل

( على كل يوم بروح من عمر ايا شب سوري بعبشه بسوريا )


انا ما بدافع عن المركزي لانو برائي بعده عابش بغير كوكب بس عبحاول نبه انو

ايا فرصه بعيطها لازم نستفدي منها

ولاا عبدافع عن الدوله لانو بكل بساطه اخدت مني كل شي

ولا بهمني التاجر لانو لا في مصلحه بيني وبينه

[tareq773]

اقتباس: المشاركة الأصلية كتبت بواسطة samsamo    الأسعار بالمناطق الساحلية مو أحسن ابدا" على فكرة أحد الأخوه ذكر انو سعر تنكة زيت الزيتون بالساحل اقل بس المشكلة بالنقل شو رأيك أنا بعرف و متأكد انو سعر تنكة الزيت بالساحل هلا من 18000 الى 20000

كلام صحيح١٠٠٪

[omar1964]

اقتباس: المشاركة الأصلية كتبت بواسطة mouayad    والله يا استاذ باسل مابعرف انت عن مين عم تدافع عن الدولة ولا المركزي ولا التجار ولا هلأ شوفير التكسي ؟؟؟؟؟ انا ما برضى يطلعله الف ليرة بس ما برضى يطلعله 10 الاف باليوم مو طمع برزقته وانما سرقة ليش ما عم يلتزم بتسعيرة الدولة الجديدة اللي هي ضعف العداد ؟؟؟؟؟ يعني عدادك 50 خود 100 وانا موافق ادفع 3 عدادت بس مو يسرقني حبيبي الف ليرة سائق التكسي يطالعهم بساعة لكان من يومين طلعت بتكسي لمسافة صدقا اقل من 700 متر بده 100 ليرة والله يا اخي باسل لما كانت تصحلي فرص عمل بالخارج كنت ارفضها وقول بلدي اولى بشغلي بس اكتشفت انوا ياريت لو ............ واخيرا اذا زعلان عالتكسي ازعل علينا فراتبي بالليرة السورية لم يزد بل نقص من وين بدنا نجيب لهلمعترين التجار و السائقين اي حرام التاجر ما يركبله مرسيدس او اودي والله بينزعل عليه

اذا بدنا نكون منطقين
الموظف الشريف و المزارع الصغير هنن يلي تأثروا اكتر شي
التجار و اصحاب الاعمال الحرة ( شوفيرية .. و غيرهم حتى مصلحين البوابير ) و حتى الصغار منهم
عدلوا اجورهم و نسب الربح تبعهم وحققو نوع من التوازن بين الدخل و المصروف
أما الموظف دخله ثابت .. ما رح يقدر يحقق هالمعادلة المستحيلة ..!!
و المزارع يلي بينتظر سنة كاملة أو اشهر حتى ياخد مردود عمله تكاليف الانتاج اكلت معظم الربح تبعو ..
و اذا كانت أسعار المنتجات الزراعية ازدادت فرضا 100 % ما وصل للمُنتِج الفعلي أكتر من 10% و الباقي راح زيادة عكلفة الانتاج بدءا من اجور الفلاحة و قيمة البذار و انتهاء بكلفة جني المحصول ..

[حمصي مع سبق الاصرار]

اقتباس: المشاركة الأصلية كتبت بواسطة باسل غ    يعني شو رايك شوفور التكسي يمشي بكل هل الحواجز كرمال يطلع اخر اليوم 1000 ليره شو بده يعمل فيها يشتري خبز او يصلح اهتراء سيارته في بعض تجار ( طماعين ) وفي ماشين بنور الله كرمال هيك كتبلك ما خصه الدولار لاا بطلوع ولاا بنزول فش قهرك بالحروف بس لا تفشه بشي تاجر او شوفور انت غالي عليي و صحتك بالدنيا وبعدين انت شو مقعدك بالبلد ( شو ما كان السبب ) انت اخترت تضلك بالبلد ووللاسف ما انت رح تدفع ثمن هل الخيار كل يلي بتحبهم رح يدفعوا ثمن هل القرار (( حسبها صح قصتنا طويله ))

اخي باسل انت بتعرف مقدار احترامي الك بس :
الوطن ليس فندقا .... نغادره عندما تسوء الخدمة

اقتباس: المشاركة الأصلية كتبت بواسطة باسل غ    هو معك حق تحتار بس انا ولاا مره شاركت بمضوع الاسعار لا عند بيرتفع الدولار ولاا عند بينزل بسبب اقامتي برا البلد وما بعرف تفاصيل الاسعار بس يلي بعرفه انو مافي مصادر للانتاج لا الزراعي ولاا الحيواني ولا في طرقات وهيدا السبب الحقيقي بارتفاع الاسعار واذا بدك خلينا نسأل اخوانا الاعضاء بالمناطق الساحليه عن الاسعار بشكل عام

انا بعرف انو لحم العجل صار ب 2200 ل س
حتى الدهنة ب 1500 و التعضيمة يلي كنا نا خدها ببلاش صارت 500 ل س بالساحل ( اللاذقية اكيد )

[omar1964]

اقتباس: المشاركة الأصلية كتبت بواسطة samsamo    الأسعار بالمناطق الساحلية مو أحسن ابدا" على فكرة أحد الأخوه ذكر انو سعر تنكة زيت الزيتون بالساحل اقل بس المشكلة بالنقل شو رأيك أنا بعرف و متأكد انو سعر تنكة الزيت بالساحل هلا من 18000 الى 20000

انا ذكرت سعر الجملة بالمنطقة الوسطى و في بضاعة موجودة و معروضة بهالسعر
و اذا في حدا من الشباب من ادلب او من عفرين او من الساحل بس يكون يعرف سعر الجملة
ياريت ينورنا فيه ..
تجار زيت الزيتون بسورية بالفترة الأخيرة مقياس السعر عندن حوالي 40 دولار للجملة و 45 - 50 للمفرق
و أسعار اللطش ما فينا ناخدها مقياس ..

[حمصي مع سبق الاصرار]

تلقيت العتب من الطرفين من بداية الاحداث في سورية بسبب تسميتي للاحداث باسم الازمة و ليس الثورة او المؤامرة
لكن كنت اشرح و ابرر دوما بغض النظر عن الاحداث هناك ازمة اخلاق تفشت في المجتمع ككل
و الناس للاسف صارت عايشة بقانون الغاب لهيك كله عم ينهش ببعض
حتى حمص ام الفقراء متل ما كانت تتسمى كل عمرها ... التهمت فقراءها و طحنتهم في رحى الازمة

[shereen]

أعلنت الولايات المتحدة أنها خصصت مبلغ 15 مليون دولار لصندوق دولي مخصص لمساعدة المعارضة السورية على حكم المناطق التي تسيطر عليها. وقالت إدارة باراك أوباما إن المبلغ مخصص لدعم الإنشاءات وأعمال قطاع البنى التحتية للمدنيين مثل مياه الشرب والطاقة والدعم الصحي والغذاء.

وكانت الإمارات العربية المتحدة وألمانيا قد أكدتا في وقت سابق أنهما ستدعمان جهود الولايات المتحدة في هذا الصدد، حيث يتوقع أن تصل قيمة الصندوق إلى 130 مليون دولار.

ويبقى الصندوق الأخير منفصلاً عن صندوق الدعم الطارىء الذي أقرته واشنطن مسبقًا لصالح السوريين، والذي تبلغ قيمته مليار دولار، والذي خُصص للدعم العاجل للشؤون الإغاثية. وقامت واشنطن باستقطاع المبلغ المخصص للصندوق الجديد من مخصصات صناديق تطبيق القانون والمخصصة بشكل أساسي لباكستان