رزان

مرحباً شباب وصبايا لوسمحتو عندي سؤال محيرني طول الأزمة الأخيرة
وعمبشوف النت مليان قصص وحكايا عن الودائع بالدولار وعدم السحب وعدم اعطاء البنوك ورد أموال لأصحابها رفقاتي اعتبروها نصبة نظامية أنا تريثت مادخلت بعقلي لسا هي وديعة يا ناس يعني أمانة طيب مخدومتكن صرلا طول هالفترة مطنشة وماهي سائلة لأن ماكانت بحاجة لكن حالياً صار ضروري وعندي دفعة بالدولار مطلوب تأمينا ووديعتي بالدولار ببنك سوريامن عدا الحساب السوري لسا ما نزلت من السعودية وبدا تلزمني جداً الوديعة ( بالدولار) كرمال المولى حدا يتكرم اذا بيعرف موظفين بالبنك يخبرني صحيح الحكي مارح ترجعلي متلما ( أودعتا ) جبت دولار من برا متل الخلق وقلت بالبنك أمين وأضمن وياترى ماأحلاني وانا قابضة وديعتي بالعملة السورية وبعد ساعتين نكون عمنبحت عدولار وبفرق ( منيح ) بدي بيعه وارجع اشتريه معقولة طيب فلوسي هي وماعمبسحبا إلا لأنها فلوسي !؟! حدا يرد علي ويحكيلي المفيد بس عن تجربة مو عن حكي رجاءً ملاحظة كل المبلغ تقريباً 4000 دولار ومضطرة عليه يعني خسارتي كبيرة كتير :s في حالة تبديله بالليرة واعادة شرائه !!؟!؟!؟ ياربي دخيلك تلطف فيني راح انجلط !

BROKER

__________________
--

لقماان

أختي الكريمة
اذا كان المبلغ ايداع بالدولار
فستسحبيه دولار
و ان تكلم أحد المزاودين ما عليك الا أن تطالبيه بهدوء أن يعطيك أموالك ....و سيعطيها لك
اما اذا كانت أصل المبلغ حوالة بالدولار فلا يمكنك الا سحب المبلغ بالعملة السورية و بالسعر الرسمي أو أن تتنازلي عن الحوالة لأحد التجار بسعر متفق بينكم
و هؤلاء المزاودين قلة في البنوك الخاصة تكادين لا تجديهم

__________________
أبو حكيم الدين

مجد

اذا كنت محولة المصاري من الخارج فيحق لك اعادة تحويله وهذا احسن حل .وبعدين ترسليهامن هناك دولار .هذا الكلام سمعته من احد موظفي بنك .

__________________

رزان

مشكورين على الردود الطيبه اخوتي المبلغ أصله نقدي تم فتح الحساب نقداً بالدولار كان زيادة عندي وقلت في ذلك الوقت بخليه دولار مع تجميده لأجل وديعة ست شهور تتجدد تلقائياً ، اليوم مضطره لكسر الوديعه وسحب المبلغ متلما هوه لحاجتي له كدولار ولا اني روح اسأل حدا يبيعني $ وفلوسي موجودة !!! ، الحكي الفاضي يلي عمبسمعه أن موظف أي بنك رح بيقلي ( تكرمي المبلغ موجود لكن دولار مافي عنا تعالي بعدين أو بإمكانك تقبضيه بالعملة المحلية " بسعر الصرف الرسمي " ).. كيف بتصرف بهيك حالة حتى لو قلتله للموظف بهدوء بدي فلوسي متلما أودعتها وماتغير الجواب ؟؟؟...وارد هيك شي يصير ببنك خاص حتى احسب حسابي وهيك بكون انضرّيت بالمبلغ والوقت ، مرتين أول مرة لما خسرت " مالي " يلي هوه حقّي شرعاً كأمانة متلما جبته للبنك استلمه !! وتاني مرة لما بدي ارجع اشتريه ودوّر عليه برا البنك ... وأنا مالي مضطرة ادخل بهالدوّامه..
اسم البنك سوريا الدولي الإسلامي - حلب

لقماان

أختي الكريمة لا تستبقي الحدث
اذهبي الى البنك و اكسري الوديعة و اسحبي نقودك بهدوء عندما لا يعطونك النقود عندها لكل حادث حديث
لا تستبقي الحدث الى تاريخ اليوم نقوم بالايداع و السحب بشكل اعتيادي اذا كان أصل المبلغ دولار
لا تسمعي لحكي العالم وأت بتجي تسحبي نقودك و ما بيعطوك ياهون خبرينا
هللأانا ماني شايف في أي مشكلة
و تل ما آل أبو حازم مبلغ
4000$ مبلغ قليل لا يقف عنده حتى بنوك الدولة

__________________
أبو حكيم الدين

مجد

جربي غيري الفرع

__________________

رزان

الأخ لقمان كلامك صحيح وهوه الي رح يصير إن شاء الله
لكن اتطمنت عموماُ وكلامك منطقي مقنع -

- الأخ مجد ، بفهم من كلامك الموضوع مزاجية موظف أو مدير فرع ؟؟ لو الأولانية مابتوقع لأنو في كذا موظف حوليه مابيسترجي ، أما لو عقلية مدير فرع ، فمابتوقع يكون ملكي أكتر من الملك نفسه (الإدارة العامة ) يعني إذا ما وصله تعميم أو بلاغ بهالموضوع مارح يصطدم مع الناس بهيك فلم إلا إذا صدر الأمر من الإدارة وتعمم بهيك حالة لا أعتقد أن تغيير الفرع يمكن أن يحل الأمر .. جزاكم الله الخير والله يحمي البلد ويزيل هالمحنة

BROKER

__________________
--

m@x

اخت رزان
اذا بتحبي تتواصلي معي وانا بساعدك بهالموضوع من بنك سورية الدولي الاسلامي ..


ممكن تتواصلي خاص ..

في الي علاقات طيبة مع عدد منيح من موظفين بنك سورية الدولي الاسلامي
واذا ما حبيتي تتواصلي فون .. ممكن نتواصل خاص ومنشوف كيف منقدر نساعدك

ان شاء الله خير