عابر مجيب

سمعت أخبار عن اجراءات جديدة في فنزويلا للتعامل مع صرف البوليفار الفنزويلي بسبب انهيار سعر العملة الحاد المفاجئ ، فقلت بنقل شو صاير ، متل بقية العملات ، يعني اليورو واللأسترالي ......ألخ
بحثت عن البوليفار
أول باشتان قال في سعرين للأفندي واحد مدري لأيش والتاني لأسعار استيراد المواد الغذائية
وبآخر المقال قال من الجدير بالذكر ان هنالك سعر ثالث للسوق السوداء ولاحظت سعرها ثلاث أضعاف السعر النظامي .

فتحت الرسم البياني ، يا ساتر ! صدقا كأنه رسم كاريكاتوري لمدينة نيو يورك ، تقول ناطحات سحاب ! باليوم الواحد ناطط السعر وراجع نازل للقاع وراجع طالع مرة تانية .
فتت بميت حيط وما عرفت اطلع بعقال نافع .

المسار

اقتباس:

المشاركة الأصلية كتبت بواسطة عابر مجيب اللي بيننا أكتر بكتير من مجرد اسعار عملات ، وكلها كام يوم وبيثبت ان الموقع بريء من اي اتهام ، ممكن نحكي بمواضيع كتيرة لبين ما تمر هالمرحلة .

استاذي اللي فهمتو انو نفتح صاله الغد

وللتعقيب البريئ لا يحتاج الى براءه
والبينه على من إدعه

وأغلب المدعين اليوم هنن زاتهم اللي كانو ينصحو
الناس لينتسبو لهذا المنتدى ذو المصداقيه

أش معنى هلق صار ما عاجبن

عابر مجيب

طبعا بنفتح
والفكرة في ترك الأسعار هو لاثبات أصعب شيء
وأصعب اثبات هو أن يطلب منك اثبات البديهي
أرجو أن تمر هالأيام وتأتينا ببرهان لا يحتاج إلى جدل .

سافر رجلان من منطقة نائية إلى بلد متطور ، وشاهدا السيارات والطيارات والهاتف والتلفزيون .
وعندما رجعا ، جلس أحدهما يشرح للناس مشاهداته
كان الناس مشدوهون وفاغرو الأفواه ، ويستمعون باستغراب يساوره الريبة
لاحظ الآخر ذلك عليهم
فلما سألوه : صحيح ما يقول صديقك ؟
فقال هو فقط من رأى ذلك أنا لم أرى ، فارتاحوا وفرحوا
وعندما غادروا عاتب الرجل صديقه ، وقال ألم تكن معي ورأيت
فرد عليه ، يا رجل هم يسمعوك ولا يصدقون ويظنوك مجنونا ، وما كان عليك اخبارهم بما لا يعقلون ، وأنا بصراحة لا أريد وضع نفسي بموقف الكاذب أو الأخرق . من سيسافر منهم سيعرف وكفى .

المسار

اقتباس:

المشاركة الأصلية كتبت بواسطة جوليت تراجع سعر الصرف عشرة ليرات كاملة اليوم وهذا يخلق نقاط استفهام كبيرة عن دور الموقع وتطبيقاته في تاجيج السعر ... قد نكون مخطئين وقد نكون لا مخطئين ... طبعا انا لا اهاجم الموقع (ولكن يبدوالسيد رامي العطار يلي ماشاء الله صار عندو مندوبين يحكو باسمو وماعادا يتنازل يفوت عالصالة يحط مشاركة ) ولكن بما انو المشاركات تنطوي على رأي صاحبها ولاتعبر عن رأي الموقع وادارته فهذا رأي المتواضع الكريم

مشاركه سابقه إذا بتذكريها
في ناس من كتر الندالة لازم اذا راحو عالحج يغطو وجهون لما بيرمو الجمرات على الشيطان ,لأنو مو بعيدة ابدا انو الشيطان يقلو وبحرقة قلب وقهر :
له ياغالي توقعتها من كل الناس الا منك انت...

عابر مجيب

حاولت ايجاد مثال عن الأمر البديهي الذي لا يمكن اثباته ما لقيت ، الحكاية بدها مراجعة ارسطو وأفلاطون .....الخ

بس من خلال تجربتي لقيت أنك بشوية شطارة ممكن تخدع أناس كثيرون
ولكن قد تبذل جهدا جهيدا لإقناع شخص واحد أنه كان مخدوعا ، وتخرجه من الخدعة ، وقد لا تفلح .

في الحالة الأولى انت تواجه شخصا جاهلا فتخدعه
في الحالة الثانية أنت تواجه فكرة شخص محتال زرعها في عقل جاهل ، لن يسهل دحض حجة المحتال ، وإن أفلحت فلن تستطيع اقناع الجاهل بأنه كان مخدوعا ، فالجاهل متعصب لرأيه ولن يعترف بخطأه لما فيه استنقاص لعقله ، وممكن أن يسيء لك . فينتهي بك الحال بأن تقول له الحق عليي اني كنت عم ساعدك

عابر مجيب

أحلى شي انك تخدع انسان من باب المزاح فيقتنع بالفكرة
ثم تعود لإقناعه بأنك كنت تمزح ، فيصر على قناعته السابقة ، ولا يصدق أنك كنت تمزح .

جوليت

سيد المسار تحية معطرة بالزنجبيل : أولا وين الندالة بالموضوع ؟ مو انا يلي اتهمت السيد رامي العطار وموقعه وأدواته وتطبيقاته بالتلاعب بسعر الصرف ,اصلا انا بخجل نزل تفكيري لمستوى انو يصدق بأنو شخص قادر يتلاعب باقتصاد بلد مدار من رأس السلطة بالبلد (الله يحميه وياخد بيدو )بأدق تفاصيله ( طبعا لا يكلف الله نفسا الا وسعها ) .... انا الت رأي ومعليش حضرتك مابيجوز تأخيني مع الشيطان , ولك الشيطان رايح عالنار هو واتباعو , مو حرام عليك وانت حاجج ترميني مع الشيطان بخندق واحد؟؟؟ عاكل شوف حبيبنا انا اول وحدة كنت اكتب السعر لما بينزل (لأنو خير ) واخر وحدة كنت اكتب السعر لما بيطلع ( لأنو شر لابد منو ) فياريت بلا زت حكي هون وهون لو سمحت طبعا .... السيد رامي عاطي حرية وديمقارطية بالموقع وانا الت رأي ورأي مالك علاقة فيه لا انت ولاغيرك

المسار

اقتباس:

المشاركة الأصلية كتبت بواسطة جوليت سيد المسار تحية معطرة بالزنجبيل : أولا وين الندالة بالموضوع ؟ مو انا يلي اتهمت السيد رامي العطار وموقعه وأدواته وتطبيقاته بالتلاعب بسعر الصرف ,اصلا انا بخجل نزل تفكيري لمستوى انو يصدق بأنو شخص قادر يتلاعب باقتصاد بلد مدار من رأس السلطة بالبلد (الله يحميه وياخد بيدو )بأدق تفاصيله ( طبعا لا يكلف الله نفسا الا وسعها ) .... انا الت رأي ومعليش حضرتك مابيجوز تأخيني مع الشيطان , ولك الشيطان رايح عالنار هو واتباعو , مو حرام عليك وانت حاجج ترميني مع الشيطان بخندق واحد؟؟؟ عاكل شوف حبيبنا انا اول وحدة كنت اكتب السعر لما بينزل (لأنو خير ) واخر وحدة كنت اكتب السعر لما بيطلع ( لأنو شر لابد منو ) فياريت بلا زت حكي هون وهون لو سمحت طبعا .... السيد رامي عاطي حرية وديمقارطية بالموقع وانا الت رأي ورأي مالك علاقة فيه لا انت ولاغيرك

ههههههههه هههههههه هههههههه
عن جد مهضومه

بس أنا ما آخيتك لا مع الشيطان ولا السعدان

هاد رأيك اللي أرتأتيه اللي انت حره فيه

هيك خلاك تظني

cold0zero

لا تطولوا علينا