سعر صرف الدولار والذهب مقابل الليرة السورية ليوم الاربعاء 6/8/2014

[أبو تيم]

بيروت
169شراء ...........................170مبيع

[عابر مجيب]

اقتباس: المشاركة الأصلية كتبت بواسطة goldman$    عالبرنامج مافي غير عم يطلع السعر قبل السوق شو القصة ...؟؟؟ اللاذقية شراء 169 - 170 مبيع 171-172 ومتوفر لكلا الحالتين

يسعد مساءك
لوكان سعر الموقع بيغطي أكثر من دمشق ساعة بساعة تقريبا ، شو كان لزوم المشاركات من كل المحافظات ؟
السعر في الموقع حسب ما لاحظت دائما يتبع سعر السوق بدمشق وليس العكس .

هلأ صار دورك تفسرلي كيف عم تشتغل جمعية الصاغة على ضوء التالي :
سعر الجرام عيار 21 = 6300
الليرة عيار 21 = 50300 والسعر هالأيام متساوي لليرة السورية والليرة الغير سورية
الليرة عيار 22 = 52600
الأونصة عيار 24 مسعرة على 224000 وكانت قبل ساعات 225000
خلينا نحسبها :
الليرة عيار 21 وزنها 8 جرام فيكون سعرها = 6300 *8 = 50400 ليرة يعني بيعطوك الليرة الذهبية بدون مصنعية وفوقها 100 ليرة وخود الليرة اللي بدك سورية أو تقليد الانجليزية ، ولوووو تكرم .
الليرة عيار 22 وزنها أيضا 8 جرام قيمتها 6300*22/21 ( 8) = 52800 يعني بتاخدها وبلا مصنعية مو بيناتنا بنعطيك فوقها حسم 200 ليرة ولوو يازلمة مو مستاهلة ذهب هاد ارخص من الفجل .
يبقى الأونصة الله يسلمها
6300 *24 / 21 ( 31.1) = 223920 ليرة ، يعني أجرة مصنعيتها 80 ليرة فقط

لا تزعل بقا من الصرافين إذا مو مواكبين
يا ترى أديش بيحبني جزماتي ؟!

[عابر مجيب]

بس حتى ما حدى يظن بأن هنالك خطأ مطبعي وأن السعر 6200 مثلا بدلا من 6300
خلينا نتأكد من سعر عيار 18
عيار 18 = 5400
طيب بنضرب بـ 21 وبنقسم على 18 أي 5400*21/18 = 6300 ليرة
يعني مافي خطأ مطبعي
لو كان السعر 6200 كان عيار 18 = 5314.29
هيك سدينا الذرائع .

[AYMTAL]

ال 500 الجديدة في الاسواق

ال 1000 الجديدة بعد شهرين

دمتم بكل خير

[عابر مجيب]

بحبشت بالمواقع لشوف شو هالقفزة البهلوانية للذهب فتبينت السبب وبطل العجب
الشغلة بالمختصر سببها حشود روسية على الجبهة الأوكرانية :

In the same vein, gold prices shot up this morning on news that Russian soldiers were gathering at the eastern Ukraine border, following heavy fighting between Ukraine forces and pro-Russian separatists that erupted in the city of Donetsk. NATO reported that approximately 20,000 Russian troops have amassed so far, and expressed worries that Russia will mask entry into Ukraine under the guise of a "peace-keeping mission."

وجاء في مختصر الخبر
أن 20000 جندي روسي احتشدوا بنية (يتسلحبوا) تحت قناع مهمة حفظ السلام إثر الاشتباكات الضارية التي اندلعت في دونستك بين القوات الأوكرانية ومناهضي الانفصال . والخبر من النيتو .
ترجمة بتصرف

[abd73fr]

اقتباس: المشاركة الأصلية كتبت بواسطة عابر مجيب    ... الليرة عيار 21 وزنها 8 جرام فيكون سعرها = 6300 *8 = 50400 ليرة يعني بيعطوك الليرة الذهبية بدون مصنعية وفوقها 100 ليرة وخود الليرة اللي بدك سورية أو تقليد الانجليزية ، ولوووو تكرم . الليرة عيار 22 وزنها أيضا 8 جرام قيمتها 6300*22/21 ( 8) = 52800 يعني بتاخدها وبلا مصنعية مو بيناتنا بنعطيك فوقها حسم 200 ليرة ولوو يازلمة مو مستاهلة ذهب هاد ارخص من الفجل . يبقى الأونصة الله يسلمها 6300 *24 / 21 ( 31.1) = 223920 ليرة ، يعني أجرة مصنعيتها 80 ليرة فقط ...

سلامات أستاذ عابر... أعتقد أن أسعار الليرات التي ذكرتها أنت هي بدون مصنعية..

اسمك في الشام، نعطيك وظيفة.. .. جرب تمر على صائغ في سوق الصاغة وقل له بدي أشتري ليرة وشوف السعر اللي بيعطيك ياه وبعدين اطلع من عنده وادخل عند جاره وقل له عندي ليرة للبيع شقد بتاخدها وبعدين حطلنا السعرين هون... ههههههه
اللي بعرفه إنه الصائغ ما بينام برا...

[abd73fr]

وصل الدولار إلى 174 ولم يظهر البدر ميالة!!! طيب شو صار بالعشرين مليون دولار اللي ما حدا ع بيرضى يشتريهم من مائة جلسة تدخل سابقة!!!! أنا خايف هالدولارات يعفنوا في دروج المركزي ويروحوا فطيس!!!
كان فيه كتير شقيعة بالمرجة وهلأ هم عاطلين عن العمل.. لو يعطي السيد ميالة هالعشرين مليون دولار للشقيعة يبسطوا فيهم تحت الشمس وهيك بيساعد في حل أزمة البطالة والناس بتاخد دولارات على راحتها وبينشال همهم عن كتفه!!! الله يهديك يا ميالة ويجلس حالك... هههههه

[عابر مجيب]

اقتباس: المشاركة الأصلية كتبت بواسطة abd73fr    سلامات أستاذ عابر... أعتقد أن أسعار الليرات التي ذكرتها أنت هي بدون مصنعية.. اسمك في الشام، نعطيك وظيفة.. .. جرب تمر على صائغ في سوق الصاغة وقل له بدي أشتري ليرة وشوف السعر اللي بيعطيك ياه وبعدين اطلع من عنده وادخل عند جاره وقل له عندي ليرة للبيع شقد بتاخدها وبعدين حطلنا السعرين هون... ههههههه اللي بعرفه إنه الصائغ ما بينام برا...

مصدر السعر واحد ومافي خانة اسمها ليرة صافي وليرة قائم
الجمعية ما بتعطي سعر بتصنيع وسعر بلا تصنيع
بالنسبة للبيع والشراء في السوق
الصياغ ملتزمين وما ممكن يخالفوا التسعيرة ، ووقت بيكون التسعير غير مناسب ، بكل بساطة بيقول ما عندي ، بس بيشتري . ووقت بيكون السعر أعلى من الحقيقي بسبب فوضى في التسعير ، وقتها ببيعك وما بيشتري على أساس ما معو سوري يا حسرة .