سعر صرف الدولار والذهب مقابل الليرة السورية ليومي الخميس و الجمعه 19& 20 -06- 2014

[عابر مجيب]

مافي خوف على الدولار
امريكا مسكت الآلة الحاسبة ، جمعوا وطرحوا ، وحسبوا تكاليف التدخل (الانساني) في العراق
الموارد العراقية والاحتياط المالي الحمد لله بيغطي وبيزيد
هلأ صار بدنا ندور على اسهم شركات السلاح الأمريكية ، أحلى استثمار
اسمالله عليها أمريكا ما بتوقع إلا واقفة
اللي بيشتري اسهم بمعامل السلاح ، بيتعب ضميره بس بالبداية
بعد هيك بشوي ، بيصير عدد القتلى أرقام مفرحة ، وبتتحول الحروب لمصدر سعادة

تصبحو على خير

[عابر مجيب]

اقتباس: المشاركة الأصلية كتبت بواسطة مرهف83    ممكن تحليل الذهب يا سادة يا كرام .. حياكم الله

اسهل طريقة
تابع اخبار السودان
اليمن
ليبيا
سوريا
العراق
الصومال
افغانستان
رواندا
الفيلبين
اوكرانيا

كل سيارة مفخخة بتزيد على السعر 5 دولارات
وكل عشر قتلى بتزيد دولار
البركان أو التسونامي بتضيف 10

[مجد (مضارب سوري)]

استاذ مرهف انا مالي محلل فني ابدا ولا لي علاقة بالموضوع
بس كل مافي الأمر انوا مبارح صرح رئيس الفيدرالي الامريكي بانه لا رفع للفوائد قريبا حتى لو تحسن الاقتصاد الامريكي

بعدها جنت الاسواق وطلع اليورو والاسترليني والذهب وارتفعت عملات اخرى كالفرنك والين و و و و

وتاثير قصة العراق وما تنسى الدهب حبيب الحروب فالنفط والدهب اسرع شي بالارتفاع كملاذ امن كما يعتبر بالاسواق المالية

فتابع الاسواق عموما و التصريحات العسكرية وريح بالك كما قال استاذ عابر
وتابع مؤشر قوة الدولار واليورو صعودا وهبوطا لتعرف شو صار

هذه ليست دعوة للشراء او البيع وانما فيك تعتبرها وجهة نظر

[أبو تيم]

اقتباس: المشاركة الأصلية كتبت بواسطة أبو تيم    السلام عليكم سوق دمشق 166.5شراء......................................... ...168.5مبيع

أنا بعتزر من كل الأخوه الأعضاء سعر يلي كنت حاطو مودقيق 100% كان المفروض تأكد اكثر
السعر الأدق.......
167شراء...............168مبيع

[عابر مجيب]

صباح الخير

[مجد]

صباح الخير

[عابر مجيب]

فرحنا بالتقدم في ظل العولمة ، مبسوطين بالتواصل الاجتماعي
بس مع مين عم نتواصل ؟
مع دراويش متلنا
طيب وشو اللي عم ينحفر لنا ؟
ما بقى عندنا ستر مغطى ، صرنا معروفين بكل بقعة بالعالم .
بصمة الاصبع ممكن نشوهها ، طيب وبصمة العين ، شو بنعمل نقلعها ؟
كان بالزمان الفرد ما عنده غير اهله
شوي شوي تقلص الأهل
ما بقي غير الأم والأب
مع المشاكل الاقتصادية تفككت العائلة
ما بقي للفرد غير عافيتو ومصريتو
العافية صفيت بأيدي شركات الأدوية ، بيعملو المرض وبينشروه قبل ما يحضروا الدواء
المصاري صارت فضيحة وضرورات مكافحة تمويل الارهاب رفعت الغطاء عن السرية المصرفية
ممكن يستلط علينا خاطفين ليسحبوا اموالنا ، وممكن يسرقونا بوضح النهار لأن بالصدفة سبق ان اتصل بنا رقم ما أخدناه بعين الاعتبار ، مو تاري الرقم لأرهابي !
وفجأة بنلاقي حالنا مصادرة أموالنا ولابسين الأوفرول البرتقالي وقاعدين عم نحاكي حالنا بغوانتانمو .
ما بنعرف الهاتف الذكي عن شو ممكن يتفتق ذهنو ! خلينا على الهاتف الغبي شو بيشكي ؟!
أحلى شي الحويط اللي بيحط امواله بعدة بنوك ، وقدام المحقق بيقعد يستهبل ، وبيكون المحقق معو جدول بكافة الحسابات في البنوك حول الكرة الأرضية كلها .
ممكن الواحد يبتعد عن الحضارة ويطلع يعيش بصحراء قاحلة ، بعد كام يوم بيلاقي البلدوزر جايه يقشو ! قال شو طلع بالأقمار الصناعية أن في بترول بالمنطقة ، قوم انقلع .
أسعد الناس هو من يؤمن طعامه يوما بيوم ، وعند العجز يصبح عالة على الآخرين ، وبيصير متل القطة اللي بتضل تنوي حتى تحرق قلبك وتاخد اللقمة من تمك .
لا حدى يفهم من كلامي الاحباط ، بالعكس عم امزح
كل ما زاد الضغط وكل ما زادت الصعوبات ، كل ما بيتطور الانسان وبيلاقي مخارج ، إذا الفيروسات نجحت بتغيير غلافها ومواصفاتها ، نحنا رح نعجز ؟!

[رشاد حج علي]

جمعة مباركة عالجميع

بيروت

165______166

[hamod.kopani]

صباح الخير وجمعة مبارك

[المعلم عمر]

السلام عليكم ورحمة الله وبركاته