سعر صرف الدولار والذهب مقابل الليرة السورية اليوم الثلاثاء 20 -05- 2014

[عابر مجيب]

اقتباس: المشاركة الأصلية كتبت بواسطة dollar    السلام عليكم " منقول عن الاستاذ عابر مجيب " من البارحة وأنا أفكر بالسبب الذي يدفع المركزي للإعلان عن جلسة تدخل ، كما في المرة الأخيرة مثلا . طيب السوق مستقر والأمور عال العال ، وبدأ الاستقرار يعود للتجار والمتعاملين ، ما الذي يدفع المركزي لرمي حجر في مياه البحيرة الهادئة ؟! هواية مثلا ؟ تبين لي أن كل مرة يعلن المركزي فيها عن تدخل ، يتحرك السوق هبوطا ثم لا يلبث أن يرتفع ، ومؤخرا بات يرتفع ودونما انخفاض ، شيء محير وعكس المتوقع . ما التفسير إذن ؟ ربما من خلال المثال التالي يمكن معرفة ما يحصل : تسير حركة المرور بشكل سلس في معظم شوارع المدينة ، ولكن لسبب ما تزداد الحركة وتتكاثر السيارات في عقدة ما ، مما يربك الحركة . تصل الأخبار إلى ادارة المرور ، فتتخذ بدورها الاجراءات اللازمة وترسل شرطيا لتسهيل الحركة وتوزيع السير في اتجاهين أو أكثر ، تبعا للعقدة المرورية . يستنتج المارة والسائقين خطأ أن الأمور كانت أفضل كل يوم ، ويظنون أن سبب الارباك هو حضور الشرطي ، فيكيلون له السباب ، ويقسمون ان الأمور كانت تسير على افضل ما يرام قبل أن يتدخل هذا الشرطي ! هل يجوز تشبيه دور المركزي بدور هذا الشرطي المظلوم ؟ أظن انني قد اتيت بثالثة الأثافي ( هاي لحالها بدها مشاركة مستقلة لشرحها ) يعني شي متل ماتقولو جبت الديب من ديلو . نحن لنا الظاهر ، ولكن المركزي غالبا يستشف الأحداث ويسبقها ويحاول التخفيف من الأثر ، أما نحن فنلومه ونسمعه ما يسيء . من المخطئ ياترى ؟ وهل كان عليه مصارحتنا أم يتركنا نتلمس طريقنا ، كمن يسير في الظلام ويتعثر بين قطع الأثاث ويتلفظ بعبارات متضاربة ، تارة يلوم الظلام وتارة يلوم الكراسي والطاولات . و انا عم يخطر ببالي انه معقول يكون المركزي بدو يرفع السعر بس السوق السوداء ما عم تتجاوب يعني كل يومين او تلاتة بيرفع سعر الشراء 2 ل.س " السوق السوداء ما عم تتغير لهل الدرجة " شكرا

شكرا على النقل أولا
أنا كنت بدي انقل المشاركة بس خجلت ، وشعرت اني مع تعبي بالاستنتاج ، وكأني عم ارغم الناس على قراءتها .
أما بالنسبة لإضافتك حول رفع المركزي وعدم تجاوب السوق ، فهو من أربك السوق وأخر الرفع ، وكل خوفي من قفزة مفاجئة ، هو كل أمله ان لا يرفع شيء ولكنه مرغم .
والخلاصة نحنا قاعدين على عماها ، وصار المركزي مصدر معلوماتنا اللي ما ممكن نعرفها ، يعني بس يعلن عن جلسة تدخل ، بنعرف انو هنالك عجز وسيتبعه ارتفاع للدولار .
ممكن يستحق المركزي بجدارة تسميته بزرقاء اليمامة التي كانت ترى المصائب القادمة من مسيرة بعيدة .

[ahmad z]

مساء الخيرللجميع
نورت استاذ عابر

[ahmad z]

اخ عابر
بدك تلاقيلي حل مع الشباب
المشاركات قليلة و الشباب عم نسجلهن غياب
فيا بيشاركو بالتي هي احسن
او بدك تفرض عليهن عقوبات .. غرامات
شو رايك

[تيسير ابو محمد]

مساء الخير

[عابر مجيب]

اقتباس: المشاركة الأصلية كتبت بواسطة ahmad z    اخ عابر بدك تلاقيلي حل مع الشباب المشاركات قليلة و الشباب عم نسجلهن غياب فيا بيشاركو بالتي هي احسن او بدك تفرض عليهن عقوبات .. غرامات شو رايك

الله يكون بعوننا جميعا ، فوق قطع النت والكهرباء لسا كمان عقوبات ؟!
العين بصيرة واليد قصيرة
انا وجاري متضامنين بخطي نت ، وكل واحد صار عندو مصدرين ، ومع هيك ما فتت الصبح إلا بشق الأنفس ، وبس كتبت مشاركة انقطعت الكهرباء .

[تيسير ابو محمد]

ريف حلب الشرقي
167.75/////168.25

[عابر مجيب]

دقائق وبيتفضل علينا شي ابن حلال وبيفتح صفحة الأربعاء
تصبحو على خير

[تيسير ابو محمد]

الرقة
168////168.5

[najm]

صباح الخير
على سيرة المقارنة بتكاليف المعيشة بين عنا وبرا أفضل مقارن هو من أقام بالخارج
من ناحيتي اقمت بامريكا لسنوات بالتسعينات عندما كان شيك تعويض البطالة 600 $ كحد ادنى أي ثلثي أدنى دخل أي حين كان متوسط دخل الفرد 1000 $ أو أقل بشوي
من ناحية المواد الغذائية في البداية لاحظت فرق كبير بالاسعار بين عنا وعندون ! ولم أكن صاحب عيلة بوقتها
لكن مع الأيام تعرفت على مجمعات أرخص بكتير الفرق بينها وبين المجمع الغالي مسافة أمتار احيانا بس الأسعار تفرق منيح وكل مركز له زبائنه برغم أني لم ألاحظ الفرق بالبداية بين البضاعتين لأن متوعدين نقول كلو نعمة الله الحمد لله
الا ان الفرق كبير من حبة البطاطا الى الخوخة والعنب وغيرو وغيرو .. قي بطاطا بيضل لونها ابيض ونكهتها مميزة وبتنفوش بعد القلي وبطاطا بيغمق لونها أو بتلدع وبتبقع قبل ماتستوي و بتغب زيت ومالها طعمة
الظريفة بتكون من مزارع خاصة واراضي خاصة وعناية خاصة واسعار خاصة لمطاعم ومتاجر وزبائن خاصة ..
ولكي لا أطيل لن أذكر باقي الأمثلة عن باقي المواد والخضراوات والفواكه والحبوب واللحوم وكلها على نفس المنوال تبع البطاطا ... وبلا طول سيرة بعدين عرفت عن قسائم التوفير يلي بتوزعها الشركات الاقل بيع او حديثة الاسم والشهرة على الزبائن المتوسطي الدخل أو الحرابيق لشدهم واقبالهم على شراء بضائعهم بنسب توفير تصل لحد 40 و 50 % وبعد كمان فترة دلني واحد عربي اندبوري على سوق الأحد بقسم الخضروات والفواكه البيع بالصناديق بأسعار أرخص من الفجل مع انو الفجل صار غالي من كم يوم اشترية جرزة فيها 3 فجلات صغار ب 25 ليرة المهم ..
وللتنويه كنت عايش بواحدة من أغلى الولايات بأمريكا
ليش بسوق الاحد المواد رخيصة؟؟
قال لان هي المواد يااما محفوظة لفترة طويلة ياما نخب تاني او تالت وعلى وشك ان تكون غير صالحة للبيع او الالكل أو فائض انتاج والبضاعة ما فيها البلا وبتشهي الاكل ... مبارح سألت عن كيلو الموز ما فيون وحدة صاغ والقرود ما بتاكلون قال ب 125 ليرة !
انا ضربت مثال عن الاكل بس مع العلم
يلي عندو اطفال بياخود حصة شهرية بتكفي سنة مجانا بفترة التسعينات حاليا ما بعرف بس حتى ما أظلم حدا امريكا اغنى بلد بالعالم وفيها من الثروات والدخل القومي ما يكفي ويزيد على حاجة افقر مواطن يعيش على ارضها وليس فقط من يحمل جنسيتها ويلي بدو يقول فيها هوملس وما هوملس يعني ( بلا بيوت ) مشردين يروح يشوف كيف بيبيعوا قسائم الاكل المجاني تبعون ليشتروا بثمنها مخدرات وبيهربوا من الملاجئ حتى يفلتو على كيفون ...

[najm]

تلاقي الخير استاذ عابر احلى حكواتي
ودمتم جميها بخير