سعر صرف الدولار والذهب مقابل الليرة السورية ليوم الثلاثاء 06- 05-2014

[ahmad z]

مساء الخير للجميع

[جوليت]

اقتباس: المشاركة الأصلية كتبت بواسطة shereen    حالة الرعب بالشام اللي صارت اليوم والمضي نحو المجهول ومشاركة شخص معروف بكل مشاركة اي عضو بيحطها كانو مراقب عام هوة اللي ملل العالم من الدخول

عجبك التفنيد يلي حطيتلك ياه عا خبرك يلي جبتي مبارح ؟؟؟ كيف طاوعك البك تجيبي خبر من عندك وتغشي الاعضاء ؟؟ اناملك ماكانو عم يرجفو هني وميكتبو هيك خبر ؟؟ انت قاسية كتير لأنك ماحسيتي بشعورنا لما بدنا نكتشف انك عم تضحكي علينا , انا كتير زعلانة ....عفكرة هادا مو تفنيدي لأنو انا ما الي خلق عالتدوير ,بس التلا لأختي تساعدني

[najm]

مسالخير كيف الشباب الطيبة وكيفو الاستاذ عابر مجيب مبارح خطر على بالي
وتذكرت قصة الخنفشاري يلي رواها بأحد الصالونات لما فتحت على الراديو من قرفي بسبب القطع الشبه متواصل للكهرباء واذ بسمع ندوة ولقاء مع احد الاطباء والخبراء النفسيين عميحكي عن فوائد قطع الكهرباء واثارها الايجابية على الصحة والحالة النفسية للبني ادم وذكر عدة أمثلة ووقائع ومن الفوائد بالدرجة الاولى هو التواصل الاسري وصفاء الذهن والجلوس مع الذات ومن الامثلة حكى عن رجل كان مصاب بألتهاب المفاصل ولم يكتشف مرضه الا بهذه الفترة عندما اضطر للصعود للطابق الخامس مدري السادس كل يوم بغياب المصعد وبعد زيارة الطبيب عرف مرضه وباشر بالعلاج وبصراحة غيرت المحطة بس رجعت بعد شي نص ساعة وما كان خالص حكي ..
ياريت ذكر الاضرار من النواحي التانية على الصحة والنفس من اكتئأب وانفصال عن العالم الخارجي خصوصا بهالفترة العصيبة والتفشيش بالاولاد خصوصا انهم طايش حجرهم وجانين اكتر من الكبار عدا عن انقطاع المياه احينا بنفس فترة قدوم الكهربا وتكاثر الاوبئة والامراض البيئية
وقشرة الشعر ويمكن بعدين قمل وصيبان وجرب من قلة الحمام
هاد اذا ماحكينا عن الاضرار الاقتصادية وسلبيات قطع الكهرباء على الحركة التجارية والصناعية وجمود الالسواق ... ومو بعيدة بالحلقات القادمة يصورولنا العودة الى العصر الحجري ظاهرة حضارية هههه

يعني لو ما حكوا ماكان أحسن ؟!

[عابر مجيب]

اقتباس: المشاركة الأصلية كتبت بواسطة omar1233    اليوم عطلة اخ عابر هاد التفسير

إذا عطلة وهيك ، كيف لو كان دوام ؟

[عابر مجيب]

اقتباس: المشاركة الأصلية كتبت بواسطة najm    مسالخير كيف الشباب الطيبة وكيفو الاستاذ عابر مجيب مبارح خطر على بالي وتذكرت قصة الخنفشاري يلي رواها بأحد الصالونات لما فتحت على الراديو من قرفي بسبب القطع الشبه متواصل للكهرباء واذ بسمع ندوة ولقاء مع احد الاطباء والخبراء النفسيين عميحكي عن فوائد قطع الكهرباء واثارها الايجابية على الصحة والحالة النفسية للبني ادم وذكر عدة أمثلة ووقائع ومن الفوائد بالدرجة الاولى هو التواصل الاسري وصفاء الذهن والجلوس مع الذات ومن الامثلة حكى عن رجل كان مصاب بألتهاب المفاصل ولم يكتشف مرضه الا بهذه الفترة عندما اضطر للصعود للطابق الخامس مدري السادس كل يوم بغياب المصعد وبعد زيارة الطبيب عرف مرضه وباشر بالعلاج وبصراحة غيرت المحطة بس رجعت بعد شي نص ساعة وما كان خالص حكي .. ياريت ذكر الاضرار من النواحي التانية على الصحة والنفس من اكتئأب وانفصال عن العالم الخارجي خصوصا بهالفترة العصيبة والتفشيش بالاولاد خصوصا انهم طايش حجرهم وجانين اكتر من الكبار عدا عن انقطاع المياه احينا بنفس فترة قدوم الكهربا وتكاثر الاوبئة والامراض البيئية وقشرة الشعر ويمكن بعدين قمل وصيبان وجرب من قلة الحمام هاد اذا ماحكينا عن الاضرار الاقتصادية وسلبيات قطع الكهرباء على الحركة التجارية والصناعية وجمود الالسواق ... ومو بعيدة بالحلقات القادمة يصورولنا العودة الى العصر الحجري ظاهرة حضارية هههه يعني لو ما حكوا ماكان أحسن ؟!

يسعد مساك
ذكرتني بواحد كبير ، كان عم يتابع برنامج على التلفزيون الأردني ، أيام ما كنا نمط الهوائي ونحط مقوي اشارة ، لنشوف محطات مختلفة عن محطتنا الوحيدة ، ويا بخت اللي بيجيب لبنان .
نعم ، يومها كان سعر الدينار متعثر ، ما بتذكر تماما بس كان الانهيار كبير ، وطلعلنا واحد يستهبلنا ، ويشرحلنا عن مزايا الانهيار ، ومدى الاستفادة بما يخص الصادرات .
التفت عليي الرجل مستنكرا ، وقال شو هالحكي ؟!
كأنو عم يقول ، انا بنتي صحيح فلتانة ، بس شوفوا اديش بيحبوها الرجال !

[M3Maher]

اقتباس: المشاركة الأصلية كتبت بواسطة جوليت    عجبك التفنيد يلي حطيتلك ياه عا خبرك يلي جبتي مبارح ؟؟؟ كيف طاوعك البك تجيبي خبر من عندك وتغشي الاعضاء ؟؟ اناملك ماكانو عم يرجفو هني وميكتبو هيك خبر ؟؟ انت قاسية كتير لأنك ماحسيتي بشعورنا لما بدنا نكتشف انك عم تضحكي علينا , انا كتير زعلانة ....عفكرة هادا مو تفنيدي لأنو انا ما الي خلق عالتدوير ,بس التلا لأختي تساعدني

صباح الخير والبركة للجميع
سيدة جوليت ممكن ترجعي تعيدي التفنيد الخاص على رد الانسة شيرين بموضوع السيارات لأن مشاركتك ما عم تظهر كونها موجودة بالصفحة تبع الثقب الأسود ومشكورة سلفاً، ودمتي مفندة لكل الأخبار المفبركة.