سعر صرف الدولار والذهب مقابل الليرة السورية ليوم الثلاثاء 22 - 04-2014

[تيسير ابو محمد]

حالة تخبط في السوق فبعد ارتفاع قبل الظهيرة حيث وصل المبيع لل 170
وعاد السوق للاستقرار بحدود 165 لل 166 بيع و شراء
لكن استقرار لحظي والله اعلم
و اعلموا انه لولا فضل الله ثم التدخل كان شفنا الدولار ب 1000
الله يستر

[رشاد حج علي]

اقتباس: المشاركة الأصلية كتبت بواسطة تيسير ابو محمد    حالة تخبط في السوق فبعد ارتفاع قبل الظهيرة حيث وصل المبيع لل 170 وعاد السوق للاستقرار بحدود 165 لل 166 بيع و شراء لكن استقرار لحظي والله اعلم و اعلموا انه لولا فضل الله ثم التدخل كان شفنا الدولار ب 1000 الله يستر

مو كتيرة 1000 اخ ابو تيسير خليها 200
رجاءا من الاخوة والاخوات عدم خلط الامور الاقتصادية بامور تانية لح تخلونا نندم على طرح المواضيع والاستفسارات
شو بتخبرونا نزل البطيخ الاحمر بسوريا الالسا

[عابر مجيب]

اقتباس: المشاركة الأصلية كتبت بواسطة رشاد حج علي    ياريت يصير هيك رغم جهلنا بالارقام ولكن هاد بدو دورة اقتصادية كاملة وتنسيق بين الجهات والوزارات المعنية المالية الشؤون الاجتماعية التموين

هيك المفروض ، وحتى من واجب رئيس الدائرة عدم الالتزام الحرفي بالقوانين ، وإلا ما لزومه ؟ ممكن الدائرة يكون فيها موظف بسيط ، أو كاتب ديوان ، ويطبق القانون بحذافيره ، وبزيادة .
مرة رئيس دائرة ، قلي معك حق بس القانون ما بيسمح ، قلتلو لكان ليش حاطينك ؟ نفذ قناعتك واشتغل بروح القانون مو النص الجامد . وعملها والله !
وعلى ذكر محدودي الدخل ، اليوم كنت بدائرة رسمية ، صدقا الموظفين كانوا بائسين ، واشبه بالمتسولين ، حاولوا تعقيد الأمور ، ولم اتمكن من كراهيتهم ، بل أشفقت عليهم .
لا يوجد لديهم ورق للطباعة ، وإحدى الموظفات أنهت سندويش زعتر ، وأخرجت منديل ورق وحيد ، قديم ومستعمل ، مسحت به اصابعها وأعادته للدرج .

[رشاد حج علي]

اديش بيكلف هالحكي هاد حاليا وسابقا اديش

[انس الحموي]

اخي رشاد ...براي المركزي قايم بدوره على اكمل وجه خصوصا بالعام الحالي وانا عن نفسي برفع له قبعة الاحترام وبغض النظر اذا سياسية المركزي وافقت مشاعر وامنيات كتير ام خالفتهم... لا تنسوا نحن بحرب كبيرة كتير مازالت مستمرة الى الان ومضى عليها اربع سنوات ...بالنسبة الى لو كان المركزي عضو بالمنتدى لكنت شكرته وعطيته بوست ولايك ... اخيرا يلي بدي قوله لمجرد بعض الدول بتقول بدها تشن حرب على اراضي غيرها مو ينشن فيها حرب بيخرب اقتصادها وبتخسر بايام مليارات الدولارات ...واخيرا اتمنى المزيد من المركزي القيام بدوره على اكمل وجه ...وبرجع بقول والله اذا بصير الدولار بالف ولا عشر ليرات ما بتفرق معي لانو كله عنده بعضه بس بتفرق مع المعتر الفقير يلي ما عما يطالع الليرة الا بطلوع الروح ...تخيلوا راتب الموظف شو ممكن يساوي سواء قطاع خاص او عام راتبه كله على بعضه 15 الف ...يعني يوميته 500 ليرة يعني حق علبتين تون ...وتخيلوا اذا عندو عيله وتخيلوا اذا مستاجر وتخيلوا وتخيلوا ..واحد الاعضاء هون قال الراتب بكفي ل15 الشهر بقطع ايدي الاثنتين اذا راتب الموظف بكفيه 4 ايام خصوصا اذا عنده عيله ,,,لذلك ان توافق سعر الدولار مع مصالحنا ام لم يتوافق فالليرة هي الاهم بالنسبة لنا وضد اتخاذ اي اجراء من شانه ان يؤدي الى المزيد من التضخم ...الدور الذي يقوم به المركزي هو دور ريادي بكل معنى الكلمة ,,,اما الحل فيتمثل وبكل بساطه انتهاء الحرب وبدون انتهاء الحرب لايمكن ان يكون هناك اي حل اقتصادي جزري واي قوة لليرة السورية

[رشاد حج علي]

شكرا سيد انس على الانسانية
طب وسطيا عائلة7اشخاص ادي بدها مصروف شهريا لحتى نقول عنها الحالة مستورة مثلا 45000 ليرة سوري باعتبار فقط الاب فرد منتج

[انس الحموي]

اديش بيكلف هالحكي هاد حاليا وسابقا اديش

اقل اكلة مدسمة شوي لعائلة بتكلف 5 الاف ليرة يعني ثلث دخل العامل السوري الشهري ...سواء كانت الاكلة محاشي او كبسة او سودة او ملوخيه وفروج او مقلوبة ...واي اكله خالية الدسم (تمضايه) نواشف بتكلف 1500 الى 2000 ليرة سوري

[تيسير ابو محمد]

اخ رشاد العام الماضي بحزيران سكت المركزي 10 ايام طلع الدولار من 200 لل 375 وانا متاكد من هالكلام
وفي مين اشترا ب 400 بمناطق فالرقم مو غريب و انا بعرف ناس كتيير اشترت الدولار ب 375 فبهيك ازمة عادي وبالتاكيد لا نتمنى ذلك ونتمنا ان تستقر عملتنا الوطنية
فتحياتي الك ولجميع الاعضاء والزوار

[انس الحموي]

شكرا سيد انس على الانسانية
طب وسطيا عائلة7اشخاص ادي بدها مصروف شهريا لحتى نقول عنها الحالة مستورة مثلا 45000 ليرة سوري باعتبار فقط الاب فرد منتج

45 الف هدول ما بكفوهم زيت زيتون بالسنة وبدك قدهم مازوت للتدفأة وقدهم حق خبز ...اخي رشاد مصروف هيك عائلة واذا بيتها ملك واذا عندهم فرد او فردين بالجامعات بدهم شهريا وبادنى حدود المعيشة 100 الف شهريا

[تيسير ابو محمد]

عفكرة اخ رشاد انا ما قصدت التدخل الاخير انا قصدي سلسلة التدخلات من العام الماضي لليوم و عفكرة انا متخصص بالمصارف وعندي ماجستير مصارف وبذكرك
العملة اللبنانية 1500 بعد ما كانت كل 1 دولار ب 3
العملة العراقية 1225 بعد ما كانت كل 1 دولار ب 3
وهذول الجيران
لانو ما عجبتني قصة البطيخ كنت اتمنى بمشاركة لحال خلينا ناس علميين وعمليين