omar1964

يسعد مساكم
عيد فصح مجيد اعاده الله عليكم و على وطننا الغالي بكل خير و بركة .
.....
نزلت من شوي على سوق الدولار و كان الصرافين عم يشتغلو بنشاط و حيوية
و كل محل فيه شاشة تظهر عليها الاسعار بشكل واضح ..!!
و حاطين كراسي مريحة منشان الزبائن كبار السن .
ومن أول محل دخلت عليه بأول السوق اشتريت 1000 بسعر 164 ...
لأنو السعر موحد بكل السوق الطويل العريض .. ما في داعي للعذاب ...

__________________

shereen

هي من الفيس بوك :

قائمة جديدة بأسماء مواطنين اشتوا قطع اجنبي للسفر ولم يسافروا فيي إطار متابعته لكشف التجاوزات من بعض المواطنين لأنظمة شراء القطع الأجنبي لتمويل الحاجات الشخصية وغايات السفر، أعلن مصرف سورية المركزي أنه لدى مراجعة وتدقيق قواعد بيانات الهجرة والجوازات تبين مخالفة بعض المواطنين لأحكام قرار هيئة مكافحة غسل الأموال وتمويل الإرهاب رقم /450/ الصادر بتاريخ 26/4/2012 وتعديلاته لجهة شراء القطع الأجنبي لغايات السفر دون الإقدام على السفر أو الذين اشتروا مبلغاً يتجاوز الحد المسموح بشرائه لهذه الغاية، ويبلغ عدد المواطنين المشار إليهم في القوائم التي أصدرها المركزي 206 أشخاص.
كما أصدر مصرف سورية المركزي أيضاً قوائم جديدة تضم أسماء عشرات المواطنين الذين خالفوا قرار رئاسة مجلس الوزراء بخصوص تجاوز الحد المسموح به لشراء القطع الأجنبي شهرياً والمحدد بموجب القرار رقم 84، وتضم القائمة أسماء لـ337 مواطناً .
وأكد مصرف سورية المركزي أن على المخالفين الواردة أسماؤهم في القوائم مراجعة مصرف سورية المركزي أو أحد فروعه خلال مدة لا تتجاوز 30 يوماً لتسوية أوضاعهم عبر إعادة ما قاموا بشرائه من القطع مقابل حصولهم على قيمته بالليرات السورية، وللتحقق أيضاً من بعض الوثائق التي قاموا بشراء القطع على أساسها، محذراً المخالفين من أن عدم مراجعتهم المصرف أو أحد فروعه خلال المدة المحددة سيعرض المخالفين للملاحقة بجرم غسل الأموال وتمويل الإرهاب مع فرض غرامة مالية بنسبة 100% من حجم المبلغ المشترى من القطع الأجنبي.

__________________
يارب

omar1964

المزاح المعتدل المؤدب يقوي الألفة ويدعم أواصر المحبة والصداقة و الإخاء .
وهو الذي لا يكون فيه سخرية من الناس أو أذية لهم أو استهزاء بالأديان .
والغرض من المزاح هو إدخال السرور على نفوس الأصحاب ، و الترويح عنهم .
أو تمرير معلومة أو حكمة بطريقة ذكية و لطيفة .و فيه تزول الوحشة من القلوب .
بعد هالمقدمة بطلب من الأخ العزيز عبد القادر العودة و الكتابة ..
( مع انو فك طلاسم مشاركاتك أحيانا أصعب من حل الكلمات المتقاطعة )
أعتقد الموقف توضح للجميع ..
ما زالت نقطة 162 يلي حكيت عنها عصية على ما يبدو .

__________________

ahmad z

اقتباس:

المشاركة الأصلية كتبت بواسطة omar1964 المزاح المعتدل المؤدب يقوي الألفة ويدعم أواصر المحبة والصداقة و الإخاء . وهو الذي لا يكون فيه سخرية من الناس أو أذية لهم أو استهزاء بالأديان . والغرض من المزاح هو إدخال السرور على نفوس الأصحاب ، و الترويح عنهم . أو تمرير معلومة أو حكمة بطريقة ذكية و لطيفة .و فيه تزول الوحشة من القلوب . بعد هالمقدمة بطلب من الأخ العزيز عبد القادر العودة و الكتابة .. ( مع انو فك طلاسم مشاركاتك أحيانا أصعب من حل الكلمات المتقاطعة ) أعتقد الموقف توضح للجميع .. ما زالت نقطة 162 يلي حكيت عنها عصية على ما يبدو .

انا بضم صوتي لصوتك
و كمان الاخ المسار مو مبين
اشتقنالكن يا جماعة

عراب الموت

منبج الان 162.5 ..................................... 163 متوفر من الطرفين

عابر مجيب

في سنة التسعين كان في المركزي مشكلة ميزانيات قديمة وآخر معلومة كانت بالـ 95 ، انو لسا ماظبطت ، وكل مرة كان بيجي واحد ويقول خلوها عليي ، ويفشل .
ليش؟ لأن ما كان في كومبيوترات ؟ يعني كان في نقص بالكادر ؟ لأ أكيد نفس الزبيبة
طيب هلأ متفرغين لشي ميتين مواطن من أصل 22 مليون ، وكل همهم هالميت دولار زياده اللي أخدوها ؟ ما كان حياخدوها من السوق السوداء ويخالفوا ، غير من قلة حيلتهم ، يا حسرة ! ( يا حسرة = شحاري )
بالله مشكلة المواطن والدولار كانت بعدد المنافذ ؟ أو كان اللي بدو عاجز عن تأمين الأوراق المطلوبة ؟
زيادة عدد المنافذ ما استفدنا
البيع على الهوية ، أخف ازعاج

أما كمية محددة ، ولسا السعر مفاجأة
فهذا يعني : كأنك يا أبو زيد ما غزيت .

عابر مجيب

عفوا عن غير قصد
أغفلت ذكر أنه تم تمديد فترة دوام مكاتب الصرافة والبنوك
حرصا على تلبية طلبات المواطنين
هالخطوة هاي بالذات ، ممكن تفيد في قلب الطاولة على السوق السوداء .
لم يبين القرار التعويضات للموظفين نتيجة تسجيلهم مناوبين عند خروجهم اليومي للمبيت .
ولا التعويض الالزامي على القطاع الخاص تجاه موظفيه ، لما سيعود عليهم من ارباح بهالمصلحة .

-mouhamad

بتتذكروا لما المركزي صار يبيع العالم عن طريق الصرافين عال240 والعالم تشتري وهي فرحانة عالهوية وبعد كم يوم نزل لل195 انا بقول لاتستبعدوا شي طالما قوة وحيدة هي قوة واموال المركزي والقوانين يلي بيطلعها والاشاعات الصادرة عنه والتكتيكات يلي ماحدا بيحزرلها ويلي بتتغير كل مرة وكل تدخل لذلك الواحد لازم يحتاط نص بنص لانو يلي اشترى من زمان عال240 هلق بيتمنا يشوف 200 ليبيع

فهد

البحر الهائج

اقتباس:

المشاركة الأصلية كتبت بواسطة -mouhamad بتتذكروا لما المركزي صار يبيع العالم عن طريق الصرافين عال240 والعالم تشتري وهي فرحانة عالهوية وبعد كم يوم نزل لل195 انا بقول لاتستبعدوا شي طالما قوة وحيدة هي قوة واموال المركزي والقوانين يلي بيطلعها والاشاعات الصادرة عنه والتكتيكات يلي ماحدا بيحزرلها ويلي بتتغير كل مرة وكل تدخل لذلك الواحد لازم يحتاط نص بنص لانو يلي اشترى من زمان عال240 هلق بيتمنا يشوف 200 ليبيع

أنا معك بهالنقطة أخي بس بفرق بسيط
انو هلا السوق السودا قريبة من سعر المركزي اي حوالي 15ليرة فالخوف مو كبير لأن بالتأكيد مارح (يثبت) تحت سعر المركزي اذا نزل فجأة
بينما لماكان 240كان في فرق أكتر من 100ليرة بين السوق السودا والمركزي
وبهالحالة بتكون النزلة قاسية متل ماشفنا