سعر صرف الدولار والذهب مقابل الليرة السورية ليوم الأحد 20- 04-2014

[عابر مجيب]

كل ما زاد عن الحد انقلب إلى الضد
طالما المركزي رح يعمل تدخل تاني بعد الـ 20 مليون
معناها متأكدين سلفا أن السعر ما رح ينزل
وهيك عرفنا النتيجة من اليوم
شفتو كترة الغلبة ؟!

[ايهم حجو]

بلودان
160-162

[ايهم حجو]

بلودان
160-162

[tareq773]

اقتباس: المشاركة الأصلية كتبت بواسطة مجد (مضارب سوري)    اخي طارق اعتذر عن حذف مشاركتك من الادارة ولكن ممنوع عرض او طلب شراء عملة فالمنتدى لعرض السعر وليس للتداول شكرا لتفهمكم جميعا

مافي اي مشكلة اخي ولايهمك بس فقط انا بحاجة للمساعدة لااكتر ولااقل

[ahmad z]

اقتباس: المشاركة الأصلية كتبت بواسطة عابر مجيب    أخي فريد 55 تحية طيبة ما حدى بيعرف الجواب الأكيد 100% لسؤالك إلا شخص في يده القرار . أو واحد بيجي بعد بكرا بيقول ، له كان غلط تعمل هيك الله يصلحك ، كنت اسألني . بس في مدلولات ، أقرب للمكن يعني لو التدخل رح ينزل السعر للـ 150 ، هدول الماسكين اليوم على 165 ، عم يمزحوا ؟ ولا حابين الخسارة ؟ ولا قولك بيكونوا عاملين ، متل اللي قاعد بالميكرو ، نسيان الهوية ، ومضيع دفتر الجيش ، وعم ينتظر تلت ارباع الساعة ، ليوصل للحاجز ، ولساتو لا حس على دمو، ولا نزل وراح بين الحارات ! بعدين ثمن بيت يا جماعة ، بيلاقيهم عند صراف على الماشي بالمرجه مثلا ؟ الناس عم تدور على 100 و200 بسراج وفتيلة ، وبعدين هاي تبع قسم وقسمين وتلات اقسام ، كتير السوق مرتاح ، لتشتري ايمتى ما بدك ، وما تنمسك وتروح المصاري وصاحبها ؟ بلبنان قسم على كيفك ان شاء الله دولار واحد لكل مرة . وإذا حرصا على الأمان تعاملت مع نفس الصراف ( الثقة )، مارح يفرحك وما رح يغير السعر إلا طلوع ، يعني بدو يشوفك عم تلعب عليه ويسايرك ، ويخبيلك الدولارات ليرخصوا ويبيعك ياهم تاني يوم بأرخص ؟! ولووووووووو أول فرصة يحول المصاري وكل زودها وفرقها 3 - 6 % وبيشتري راحة بالو . هاد على اساس صار الانخفاض يعني ! نحن في أسوأ اللحظات ، وهي إنتظار التدخل الغامض . بس يصير التدخل ، بنعيش المتل القائل : وقوع البلاء أهون من انتظارو .

والله يا استاذ عابر انو انت مثقف و اجوبتك حلوة و دمك خفيف

و عندي فضول أعرف انو الصورة اللي حاططها , صورتك , أو حدا بيشبهك , أو صورة رمزية

مجرد فضول ..... سامحني

[جوليت]

هناك اشاعات بالسوق ونؤكد اشاعات : ان مصاصين الدماء مجهزين حالون لتنزيل سعر الصرف الى مستويات خرافية ربما اقل من المركزي بمقدار لا أستطيع تحديده للاستفادة قدر المستطاع من اجراءات تتدخل المركزي غدا ,الهدف منها هو اللم بأسعار متتدنية وتحقيق مكاسب , يرجى اخذ الحذر ,فهدفنا أولا واخيرا كشف مؤامرات مصاصيين الدماء سواء صعودا او هبوطا واخذنا حذرنا منهم ,فان حدث ذلك نستطيع ان نعرف كيف نتصرف واذا لم يحدث فنكون اخذنا الامور احتياطا
----------------------------

[عابر مجيب]

استاذ عابر نحن كادارة نضع الخطوط العريضة للعمل عند اي استشارة ولا يمكننا معرفة ظروف كل شخص
بركي طيب كان معه شي مهمة بتسهله التنقل ايمتى ما بده ووين ما بده ؟؟؟؟
ليش عم تفرض انه مواطن بسيط
طبعا الاحتمالات لا تنتهي فلذلك نضع الخطوط العامة وكل شخص بعدين ادرى بظروفه ومصلحته
شكرا لك

الله يعطيك العافية ، انا متفضي أكتر للتفصيلات ، القاعدة معروفة ، ولو عنده استثناءات ، أو بيعرف أكثر من صراف ، ممكن ياخد برأي مختلف ، انا لما بقدم رأي بيكون على حسب ما بفكر شخصيا وبحط حالي مكان السائل ، وانا أبسط مما يظن البعض ، وأحب الحيطة والحذر
ويا بنصح بشكل شمولي ، وبعبي كل الثغرات ، يا بترك السائل لحاله
ما قصدت الاستخفاف بفكرة اقتصادية سليمة ، بس للظروف الحالية أحكام

[المضارب الحسكاوي]

عيد مبارك على جميع الاخوة المسيحين في العالم وخصوصا الاخوة المسيحية في الجزيرة وبشكل خاص جدا جميع افراد عائلة (ايليا) المحترمين في القامشلي والمالكية
ويوم سعيد للجميع

[GoldMan$]

اقتباس: المشاركة الأصلية كتبت بواسطة جوليت    هناك اشاعات بالسوق ونؤكد اشاعات : ان مصاصين الدماء مجهزين حالون لتنزيل سعر الصرف الى مستويات خرافية ربما اقل من المركزي بمقدار لا أستطيع تحديده للاستفادة قدر المستطاع من اجراءات تتدخل المركزي غدا ,الهدف منها هو اللم بأسعار متتدنية وتحقيق مكاسب , يرجى اخذ الحذر ,فهدفنا أولا واخيرا كشف مؤامرات مصاصيين الدماء سواء صعودا او هبوطا واخذنا حذرنا منهم ,فان حدث ذلك نستطيع ان نعرف كيف نتصرف واذا لم يحدث فنكون اخذنا الامور احتياطا ----------------------------

انا فيني احكي على اللي شفتو بسوق اللاذقية .. صارت حالات تخويف من الهبوط وتنزيل الاسعار من قبل الصرافيين والشقيعة من شان يلمو باقل الاسعار بس هالمرة كانت غير لانو الطب كان بالمرصاد وكل ما حدا سأل صراف او شقيع بدو كمية بيقلك والله ما بقيان او كمية صغيرة بس .. هاد خلى الناس تشتري وطبعا ممكن تكون لعبة .. بس الواضح بالسوق واللي منستنتجه من السعر الحالي انو العرض والطلب اتوازن عند نقطة 165 تحت هاد المستوى كان الطلب اقوى من العرض ...بانتظار اخبار جديدة او تدخل ملموس لتغيير المستوى الحالي ...

[hasobman]

الكوسا اليوم ديحت على قولة البائع بالمكرفون
كيلو الكوسا بالقبان اليوم 35 ليرة