سعر صرف الدولار والذهب مقابل الليرة السورية ليوم الثلاثاء 15 - 04 - 2014

[hasobman]

سؤال وبتمنى جوابو من خبراء المنتدى
حاكم المصرف المركزي يقول انه مستعد لاعادة سعر الصرف لل 150
طيب على عيني وراسي
لماذا تركت السوق يصل لل 185 من الاساس
لماذا تركت السوق يصعد من ال 155 اصلا
وهي مو اول مرة بيعملو هيك
يعني اسعار المواد غالبيتها تسعرت على معدل وسطي 180
يعني حتى لو نزل لل 155 بتضل اسعار السوق اغلى ب 25
ليش طيب ليش

[مرهف83]

الدعاء هو العبادة

دعواتكم ل حمص

[جوليت]

الاشاعات التي تحدثت عن حملة أمنية ضد الصرافيين هي اشاعات مغرضة فالمعلومات المتواترة انه لم يحدث ذلك ابدا خلال الايام الماضية (دمشق )... على العكس تماما فلأول مرة يقف الصرافيين في دمشق بشكل سد منيع امام المؤامرة التي استهدفت عملتهم الوطنية والتي كان ابطالها تجار ورجال من داخل (؟؟؟؟؟؟) والتي سينفرد سيرياستوكس بنشر المعلومات التفصيلية لاحقا عن الموضوع بعد انتهاء الاقنية 32 ( يعني 32 قناة ) العاملة على الارض بشكل متعاكس بعد ان كانت أكثر من ذلك .... يرجى توخي الحذر عند نقل الاشاعات وشكرا

[hasobman]

هلا بتبلش الاتتقادات
احترنا يا اقرع ومن هالحكي
هي نزل السعر وما رضيتو
وشو يساوي لحتى ترضو
الخ
اقول لهم
الي بينعش الاقتصاد ويساعد على الهدوء باسعار السوق
هي الثبات الطويل الامد وان حصل متغيرات باتجاه واحد ولو للاعلى وعلى مدى طويل
لكن المشكلة وخراب البيوت تكمن بالارتفاع والنزول الدائمين
مما يؤدي الى رفع السعر من التجار بحجة عدم الثبات واعطاء هامش امان لعدم الخسارة
وانا لا الوم المركزي على رفع سعر الصرف الرسمي
ولكن الومه لعدم التصرف عند بداية الرفع
والومه بالانتظار الى سقف محدد لينزل السعر
لا حول ولا قوة الا بالله
"درهم وقاية خير من قنطار علاج"

[عابر مجيب]

يسعد صباحك أستاذ عابر

اذا كان 2.5 * 20 = 80 ؟؟؟!!!!!
و اذا كان 20 % من أصل 6 - 7 مليون = 2.5 - 3 مليون ؟؟؟!!!
و اذا كان حاكم مصرف سورية المركزي الدكتور اديب ميالة استاذ الاقتصاد في الجامعة .
تحول الى رئيس هيئة مكافحة غسيل الاموال وتمويل الارهاب .
و تغلبت لدى المركزي أهم مؤسسة اقتصادية طريقة و منهج التفكير الأمني على حساب المنهج الاقتصادي .
عنها تصبح كل الروايات مقبولة حتى لو قيل ,
ان مناجم الفوسفات في تدمر تحولت الى انتاج الذهب و الالماس ..!!

يسعد صباحك ومساءك وظهرك وعصرك وليلك وكل الفراغات اللي بقيت بنهارك

حطيت ايدك على الوجع . لا أنا ولا انت ولا حدى من المتابعين الواعين عندو مشكلة ، ولا هو بحاجة نصيحة ، ولا بينخاف عليه من كل التضليل ، اللهم غير الضرر اللي بيلحقو من سياسة القطيع أحيانا ، مهما احتاط .
صدقا ، مشكلتي مع الفقراء المعثرين ، اللي كلمة بتاخدهم وكلمة بتجيبهم ، وأول مرة حملت فيها بقسوة على الاشاعات ، كانت على اثر مراجعة شبه يومية ، من سيده بسيطة ، كان معها قرشين ، وكانت بدها تشتري شقة صغيرة ( تنستر فيها ) ، ومحتارة تحول ولا تستنى .
كانت كل يوم تاخد مني شرح طويل ، لتفهم انو كل هالحكي ما لو أصل . وترجع تاني يوم مقلوبة !
صرت حط حالي مكانها واشعر بالغبن اللي عم يوقع عليها ، وكتبت يومها ، وهاجمت ، وقاطعت .
حاليا ، بكتب بقلب بارد ، بس بحب يعرف اللي عم يخطط وين الثغرات ، أملا أن يصحح ، ولكن يبدو أن المصالح الضيقة أهم من الصالح العام .
المشكلة مو كل الشهادات بتفيد حاملها في توظيف معلوماته ، واللي مقدراته عالية ما بيتركولنا ياه ، بذكر كان عنا بالتجاري السوري فرع المزة ، مدير ، ما بعرف اسمو ، بس كان في عام 2000 تقريبا ، أكيد سرقوه لشي منظمة عالمية وحرمونا منه ، يا أما طقت مرارتو وقاعد ببيتو . الله يوجهلو الخير وين ما كان .
بيضل عندي أمل أن اللي عندو طرح جيد ما حدى بيوقف بوشو ، وخصوصا لما بيكون عارف كل الملابسات ، نحنا بنحط تصورات بس ناقصنا شغلات معتم عليها .
بيضل وقوع البلاء أهون من انتظارو . وممكن الحل هلأ أقل تكلفة .

[mite mite]

اقتباس: المشاركة الأصلية كتبت بواسطة مرهف83    الدعاء هو العبادة دعواتكم ل حمص

----------------------------------------------------------------------------------
الله يفرجها عكل سوريا حاجة بقا شوية عقل من الكل الحل دايما موجود بدها تضحية من اصحاب الامتيازات الرباوية والله ولاد سوريا بيستاهلو مستقبل احسن لازم نعتذر منهم عالامانة اللي حنسلمها لولادنا وبتمنى يحبو سوريا اكتر منا

[GoldMan$]

كلام بكلام .. وما شاطرين الا بالكلام .. لما صرح السيد ميالة انو سعر ال 200 جيد .. وانا من اللي اشترى ب 200 ... طيب حضرة السيد ميالة بيعوضني بالفرق .. واللي بيغير تصريحاتو كل فترة هل هو اهل ثقة للمتابعة ... واخيرا ...
لو فعلا في مؤامرة لضرب الليرة برأي الشخصي كان وصل السعر لفوق ال 300 ..لكن عشرين مليون دولار بيصدو هجمة تترية على الليرة .. هاد كلام اعلامي فارغ ..

[جوليت]

طرطوس باتصال بصرافيين ذو موثوقية ممتازة
الان :. 173.5 ----- 171.5
دمتم بخير
-------------------------------

[ابن الجبل]

صباح الخير للجميع
صباح الوطن الجميل
صحيح الصورة ملتقطة بسلطنة عمان لكن النبات موجود في سوريا أيضاً بس شو بنا نساويلكم بقلة المروة

[hamod.kopani]

عين العرب(كوباني)
شراء168_______________مبيع170