بنك بيمو

[sommmmy]

ياسيدي في الحقيقه ان سعر سهم بنك بيمو هو ثالث بنك بالرخص بعد المصرف الدولي للتجاره وبنك المهجر
وبرأي ايضا انو لي بياخدو الجلسه الجايه على ادنى سعر كمان بكون حظو سعيد

والسهم عندو مشوارمن التنازلات سواء على خطوط الفيبوناتشي او خطوط الدعم حتى يصل للسعر الذي طرحه اخونا Iass الكريم
انا لست من المدافعين عن هذا السهم ولكن هذه رؤيتي وعلى فكره خسارتي فيه حتى الآن ليست بقليله

[iass]

أستاذ سومي، أنا اشتريت ب2300 ، واشتريت ب2150 واشتريت ب1950 طبعا صار التعادل عندي 2150 بس المشكلة بهي الفترة أنا ما قدرت أشتري أي شي تاني، لأني كنت بعرف تمام أنو رح يرد يطلع مرة تانية، وطلع والحمدالله طلعت منو ربحان، بس للأسف كنت مروح علي أرباح كتيرة بغير أسهم، كنت متوقع خبر الزيادة خلال 30 يوم من الإجتماع، بعدين صار أنو يبدو حرك البنك الزيادة أو حصل على موافقة ما، قام ارتفع السعر مرة تانية، وقدرت بيع وأخلص منو
أنا تقريبا كانت 60% من محفظتي منو، هلق محتفظ ب50 سهم منو، لأنو في فرص تانية خرج الواحد يفوت فيها حاليا، أما من ناحية قوة البنك وقوة السهم، لهلق هو السهم الأقوى بين كل الأسهم، وهو الوحيد يلي تداولاتو فيها كتير قليلة، طلعا مع بنك عودة، يعني لو حطيت مثلا بدك 10000 سهم متل باقي البنوك، ما رح تلاقي حدا يبيعك، معظم ملاك السهم محتفظين فيه، وأنا برأي أنو رح يتعافى البنك بنهاية الربع الرابع متل ما وضحت من فترة بإحدى المشاركات،
أنا هاد البنك علمني كتير الحقيقة، وهو بنك خطر ليلي بدو يضارب بسرعة، هاد بنك بدو واحد مستثمر قوي، معو مصاري كتير، وبيقدر أنو ينتظر عليهن 3 سنين، وشوف النتايج.

[sommmmy]

معك حق 100% بان هذا السهم سهم استثمار وليس مضاربه

انا على العكس اشتريته من فتره وربحت فيه رباحه حلوه

ثم اشتريته ثانيه وخسران فيه خساره مرتبه

واذا بدي عدل بسعره سيروح مني فرص بسبب تجميد المصاري فيه

عمقلك شغلي عويصه

[omar]

السلام عليكم

أخوتي الكرام لا تحزنوا على ارباح فاتت ولا تحزنوا على بعض الخسائر واعتبروها مكسب لكم بالخبرة والقراءة الصحيحة للأمور والابتعاد عن الاعتقادات والتوقعات التي لا تبنى من تحليل وحقائق.

تقبلوا خالص التحية والتقدير

[sommmmy]

مشكور أخ عمر والله يعطيك الف عافيه

[aysar]

كثر الله خيركم شباب وكلامكم ثقة جلسة الخميس بعت نصف الاسهم العندي من بيمو واشتريت قطر عم فكر الاحد بيع الباقي واشتري الدولي الاسلامي شو رأيكم اخوتي

[BROKER]

اقتباس: المشاركة الأصلية كتبت بواسطة aysar    كثر الله خيركم شباب وكلامكم ثقة جلسة الخميس بعت نصف الاسهم العندي من بيمو واشتريت قطر عم فكر الاحد بيع الباقي واشتري الدولي الاسلامي شو رأيكم اخوتي

فكّر أيضا بالاسلامي والزيوت ... واحسب أي الاسهم أجدى وأربح

تحياتي

[aysar]

اقتباس: المشاركة الأصلية كتبت بواسطة broker    فكّر أيضا بالاسلامي والزيوت ... واحسب أي الاسهم أجدى وأربح تحياتي

كل الشكر لك بروكرنا الغالي الدولي الاسلامي هو اول شيء عم فكر فيه بعد ما اشتريت قطر جلسة الخميس