سعر صرف الدولار والذهب مقابل الليرة السورية ليوم الثلاثاء 25 -03- 2014

[hasobman]

اقتباس: المشاركة الأصلية كتبت بواسطة المسار    افتكرتك دكتور طلعت مالك علاقه بالطب أول شي ببلشو بالتحاليل والفحوصات وبس يشكو بشي بيطلبو الصور طبعا من كتر التحاليل وفحوصات الدم بفلس المريض قبل ما يوصل للصور والاشعه .................................................. ............... بالنسبه للغرامه لازم ينفرض غرامه عالمشاركات الغير مفيده متل مشاركتي هاي مثلا هههههههههه

صحيح ماني طبيب
بس عندي خبرة بالمصاري واشعة اكس
بالزمانات ابن قرايبنا عمرو كان شي 7 سنين
مرض هالولد وحالتو تسوء كل يوم وما يقدر يتنفس ولون وجهو ازرق
اخدو على اكتر من اربع اطباء اطفال
شي قاللهم التهاب بلعوم وشي قاللهم ما بعرف شو
وعلى اخد ابر وحبوب التهاب
بعد 3 ايام اخدو ابوه عالشام وعلى طبيب معروف انو كويس
اول ما فات لعندو قالو بوجهك عملو صورة اشعة وتعال بسرعة
المهم طلع الولد بالع 5 ليرات معدنية وواقفة بحلقو
من هالحادثة هي اول شي انا بعملو صورة اشعة تا نشوف في مصاري بالصورة ولا لا
لان ابر البنج وتحاميل الحرارة ما رح ينفعو بنوب
فنصيحتي الك اول شي اعمل اشعة وشوف بلكي بتطلعلك 25 ليرة مو 5
بس احلى نهفة الطبيب اخد 5000 ليرة لطالع ال5
بقا انت بدك تحط 25000 اذا طلعت الصورة 25

[عبدالقادر]

اقتباس: المشاركة الأصلية كتبت بواسطة hasobman    صحيح ماني طبيب بس عندي خبرة بالمصاري واشعة اكس بالزمانات ابن قرايبنا عمرو كان شي 7 سنين مرض هالولد وحالتو تسوء كل يوم وما يقدر يتنفس ولون وجهو ازرق اخدو على اكتر من اربع اطباء اطفال شي قاللهم التهاب بلعوم وشي قاللهم ما بعرف شو وعلى اخد ابر وحبوب التهاب بعد 3 ايام اخدو ابوه عالشام وعلى طبيب معروف انو كويس اول ما فات لعندو قالو بوجهك عملو صورة اشعة وتعال بسرعة المهم طلع الولد بالع 5 ليرات معدنية وواقفة بحلقو من هالحادثة هي اول شي انا بعملو صورة اشعة تا نشوف في مصاري بالصورة ولا لا لان ابر البنج وتحاميل الحرارة ما رح ينفعو بنوب فنصيحتي الك اول شي اعمل اشعة وشوف بلكي بتطلعلك 25 ليرة مو 5 بس احلى نهفة الطبيب اخد 5000 ليرة لطالع ال5 بقا انت بدك تحط 25000 اذا طلعت الصورة 25

كل خمس ليرات بدو يحط 5000لا يبلعا احسن والله صديق ولا يمل منك

[نورالهدى]

صباح الخير
تمنياتنا بيوم هادئٍ مثمرٍ للجميع

[ابن الجبل]

اقتباس: المشاركة الأصلية كتبت بواسطة عابر مجيب    تحذير لجمعية الصاغة

اقتباس: المشاركة الأصلية كتبت بواسطة عابر مجيب    إذا لم يتم تغيير سعر الأونصة من 217500 يكون معنى ذلك ان الدولار محسوب على 166.22 لام سين . وقد أعذر من أنذر

يا صباح يا فتاح يا عليم يا رزاق
قال صبحك بالخير يا اقرع قله هذا باب النقار!
إي مو مشكلة أستاذ عابر رح نغير لك سعر الأونصة و نخليها بالبيت و نحافظ على سعر الذهب كما هو هيك منيح الحل؟؟؟؟
بعدين شو فارقة معك استاذ عابر ما أنت ما كنت ناوي تشتري أونصات ذهب ؟؟؟

[ابن الجبل]

صباح الخير للجميع
صباح الوطن الجميل

[aassi]

السلام عليكم
سألت مبارح عن سعر اليورو
و عن شروط الشراء من البنك التجاري لمبلغ 1000 يورو
الاساتذة كتبوا سعر اليورو بالسوق .. لهم كل الشكر و التقدير
بس يا ريت اذا حدا بيعرف انو لسى فينا نشتري من البنك التجاري 1000 يورو فقط . للإدخار
و شو الشروط .
و شكراً

[عابر مجيب]

اقتباس: المشاركة الأصلية كتبت بواسطة hasobman    استاذ عابر بيطلع عليك غرامة مضاعفة لانو تسعيرة الغرامات لازم تكون بالليرةالسورية حصرا ولانك رح تحط مشاركة لليوم اكيد رح يطلع عليك غرامة انت حطيتها لحالك المهم اني قبلان الدفع بالسوري او الدولار علما ان تدفع الغرامات للعضو حاسوب مان حصرا وليس لنا اي فرع اخر هههه

سلام قولا من رب رحيم
قل أعوذ برب الفلق
لسا عم نقول ياهادي
حبيبي الغرامة بالليرة على عيني ، بس متل تذاكر الطيران ، محسوية بالدولار ، بس التسديد أكيد سوري
معقول تسدد 162 ويكون السعر بعد التدخل 170 وتخورفنا
السعر لحظة تطبيق الغرامة .
الغرامة على اللي بيحط بصفحة سابقة بعد فتح صفحة جديدة
بكل الأحوال صباح الخير جميعا

[عابر مجيب]

اقتباس: المشاركة الأصلية كتبت بواسطة ابن الجبل    يا صباح يا فتاح يا عليم يا رزاق قال صبحك بالخير يا اقرع قله هذا باب النقار! إي مو مشكلة أستاذ عابر رح نغير لك سعر الأونصة و نخليها بالبيت و نحافظ على سعر الذهب كما هو هيك منيح الحل؟؟؟؟ بعدين شو فارقة معك استاذ عابر ما أنت ما كنت ناوي تشتري أونصات ذهب ؟؟؟

هلا والله
لا تخاف هاد الحكي بيضل بيناتنا ، لو جمعية الصاغة بتقرأ هون ، كانت بطلت من زمان تقول أونصة 50 ، وأونصة 100 ، وكانت عرفت ان الاونصة 31.1 فقط ، وغير هيك ما أسمو أونصة .
على ذكر الأوزان بحلب الرطل بيختلف عن حمص وعن دمشق ، ناس عندهم الرطل = 2.5 كغ ، وناس 3.5 كغ ، ما متأكد انو واحد لأنو مدينة ، بس بالشام أكيد 2.5 ، أغلب الظن ان حلب المخالفة هالمرة .

[hash]

كشتف معلومات مصرفية من سوق الصرافة، أن "مصرف سورية المركزي" أغلق أربع شركات من الشركات المرخصة لخدمات الصرافة في سورية وذلك لمخالفات تتعلق بشروط ترخيصها، لتنضم بذلك إلى جملة الشركات المخالفة التي تكاد تكون شاملة لكل الشركات والمكاتب إلا ما ندر.

ووفقاً للمعلومات، فإن المخالفات التي ارتكبتها الشركات الأربع تتعلق ببيع وهمي للقطع الأجنبي الذي اشترته من مصرف سورية المركزي لأغراض التدخل والحفاظ على استقرار سعر الصرف، حيث اشترت هذه الشركات القطع الأجنبي وتحديداً الدولار منه على أساس قيامها ببيعه إلى المواطنين لتمويل الأغراض غير التجارية، مع تنظيم قوائم خاصة بالمواطنين الذين اشتروا هذا القطع، مع الأخذ بالحسبان أن سقف البيع لكل مواطن قد ارتفع من 200 إلى 500 دولار، ونظمت القوائم بشكل فعلي، ولكن ما تضمنته لم يكن حقيقياً، لجهة أن الشركات نفسها هي التي اشترت القطع من نفسها بأسماء وبطاقات شخصية، تعود لأشخاص يعملون لحسابها عن طريق وسطاء يمتهنون جمع البطاقات الشخصية للشراء بأسماء أصحابها، ثم ينالون مكافأة على جهدهم هذا، وهي تفاصيل نجح مصرف سورية المركزي بكشفها مرة أخرى كما المرات السابقة. نقلا عن b2b

[محمد سامر]

صباح الخير للجميع
إن شاءالله يوم مبارك