سعر صرف الدولار والذهب مقابل الليرة السورية اليوم الخميس والجمعة6و7 -03- 2014

[عابر مجيب]

اقتباس: المشاركة الأصلية كتبت بواسطة عبدالقادر    احلا مشاركات استاذ عابر .انا عقلي سكر باب تفكيرو .ومفتاحو معاكون .بمعنى ادق .اصبت بالغباء وصار لازمني اعادة تأهيل .

يسعد مساك ، انت شيخ شباب
الحق معك والله شي بيخيل
بس نحنا كمان عم نتخيل غلط
المركزي أعلن عن التدخل
نحنا فسرناه لرفع الليرة
طلع مو هيك قصدو

[Ryad]

مساء الخير جميعا
صرلي يومين مزعوج زيادة
انا 75% من مصاريي $ و دهب
بس بصراحة يلعن ابو هالحالة يلي خلتنا كل يوم عيونا معلقين عسعر الليرة و الدولار
جد
يعني كنت بقبض قبل الأحداث 48 الف روقة.
يعني 48.000 / 46.5 = 1.032$
اليوم ازا بدي اشتغل و طالع نفس القيمة الشرائية لازم يكون مدخولي 1.032 * 1.25= 1.290$
سبب زيادة ال25% هو ارتفاع اسعار غير مرتبطة بالدولار.
بفهم من هلحديث انو لازم يكون مدخولين أقل ما يمكن: 1290 * 157= 202.500 ليرة سورية فقط لاغير.
ههههههههه لا حولا ولا قوة الا بالله
انا قالب كل مصاريي عال 90 ليرة
يعني كأني قالبون عالـ: 90*1.25= 112 ليرة

جد شي متعب و حاسس رح ضيع بين الأرقام
و بيجيك واحد من الأخوة بيقلك نص سوري و نص دولار
اي رب العالمين بيعرف انو ما لازم تترك معك سوري لأنو بيطلع السوري شهر و بيهلكك نزول كل كم يوم.

انا مزعوج اني مضطر احسبا هيك
أنا صدقاً ما كنت اعرف انو الليرة كانت تتحرك بين الـ46 و 48 قبل ال2011 و اقصى شي كنت بعرفو انو يااااااااااا لطييييييييييف نزلت الليرة للـ60 وقت تقرير ميليس المشؤوم بالـ 2006.

[عبدالقادر]

عطونا شو تحرك الذهب بعد اختبار 1310 مشكورين

[عابر مجيب]

اقتباس: المشاركة الأصلية كتبت بواسطة ryad    مساء الخير جميعا صرلي يومين مزعوج زيادة انا 75% من مصاريي $ و دهب بس بصراحة يلعن ابو هالحالة يلي خلتنا كل يوم عيونا معلقين عسعر الليرة و الدولار جد يعني كنت بقبض قبل الأحداث 48 الف روقة. يعني 48.000 / 46.5 = 1.032$ اليوم ازا بدي اشتغل و طالع نفس القيمة الشرائية لازم يكون مدخولي 1.032 * 1.25= 1.290$ سبب زيادة ال25% هو ارتفاع اسعار غير مرتبطة بالدولار. بفهم من هلحديث انو لازم يكون مدخولين أقل ما يمكن: 1290 * 157= 202.500 ليرة سورية فقط لاغير. ههههههههه لا حولا ولا قوة الا بالله انا قالب كل مصاريي عال 90 ليرة يعني كأني قالبون عالـ: 90*1.25= 112 ليرة جد شي متعب و حاسس رح ضيع بين الأرقام و بيجيك واحد من الأخوة بيقلك نص سوري و نص دولار اي رب العالمين بيعرف انو ما لازم تترك معك سوري لأنو بيطلع السوري شهر و بيهلكك نزول كل كم يوم. انا مزعوج اني مضطر احسبا هيك أنا صدقاً ما كنت اعرف انو الليرة كانت تتحرك بين الـ46 و 48 قبل ال2011 و اقصى شي كنت بعرفو انو يااااااااااا لطييييييييييف نزلت الليرة للـ60 وقت تقرير ميليس المشؤوم بالـ 2006.

بظن النص اللي بتحولو لدولار بيكون لمصلحتك
والنص التاني اللي بتخليه بيكون للمصلحة العامة
انت شوف شو بيطلع من خاطرك هههههههههههه

[Ryad]

اقتباس: المشاركة الأصلية كتبت بواسطة عابر مجيب    بظن النص اللي بتحولو لدولار بيكون لمصلحتك والنص التاني اللي بتخليه بيكون للمصلحة العامة انت شوف شو بيطلع من خاطرك هههههههههههه

خاطري قلتلي ...
اي ما المركزي و ميالة الله يوجهلون الخير تاجروا فينا و بمصرينا و بحياتنا كمان
يا عيب الشوم بس
قال خاطري قال

[Ryad]

اقتباس: المشاركة الأصلية كتبت بواسطة عبدالقادر    عطونا شو تحرك الذهب بعد اختبار 1310 مشكورين

بس ما اختبر الـ 1310$
و أقل سعر وصلو 1325.90$
يا ريت حدا يصلحلي

[عبدالقادر]

اقتباس: المشاركة الأصلية كتبت بواسطة ryad    بس ما اختبر الـ 1310$ و أقل سعر وصلو 1325.90$ يا ريت حدا يصلحلي

انا كأن قريتا بمشاركة سابقة لان ماعم تابعوا .هلق لوين اتجاهو

[hash]

اقتباس: المشاركة الأصلية كتبت بواسطة عابر مجيب    بظن النص اللي بتحولو لدولار بيكون لمصلحتك والنص التاني اللي بتخليه بيكون للمصلحة العامة انت شوف شو بيطلع من خاطرك هههههههههههه

اناربقترح يحول الكل لسوري ولو خسرراسمالو وتعب عمرو لانو المصلحة العامة اهم بكتير من المصلحة الخاصة وهيك بكون مواطن صالح

[Ryad]

اقتباس: المشاركة الأصلية كتبت بواسطة عبدالقادر    انا كأن قريتا بمشاركة سابقة لان ماعم تابعوا .هلق لوين اتجاهو

أخي عبد
عادة الوضع العسكري الو تأثير عالسعر أقوى من التأثير الاقتصادي اللحظي
السعر وصا للـ 1354$ هبط للـ 1324$ بعد بيانات سوق العمل بأميركا
هلأ السعر 1338$

بس الوضع الجيوسياسي العسكري بتصاعد فالسعر إلى الأعلى (هاد رأس مو أكتر)

[Ryad]

اقتباس: المشاركة الأصلية كتبت بواسطة hash    اناربقترح يحول الكل لسوري ولو خسرراسمالو وتعب عمرو لانو المصلحة العامة اهم بكتير من المصلحة الخاصة وهيك بكون مواطن صالح

يا سيدي جارتنا سيدة صالحة و مواطنة صالحة خير الله
بتعرف ليش؟؟؟
صرلا عم تصمد من ال1998 التقعاديات تبعات جوزا و عم تعيش على ولادا شو بيعطوها
بتعرف قديش صمدت بمصرف التوفير؟؟؟
صمدت 400.000 ليرة
فالحمدلله قررت تكون مواطنة صالحة و تدعم الليرة السورية و هلأ قيمتون 100.000 ليرة
اقسم بالله ما قلا انك مواطنة صالحة لتدعي عليي

بالمناسبة أهالينا كانوا مواطنين صالحين و ما قلبوا السوري تبعون لدولار وقت كان الدولار بـ7 ليرة سورية....

فالحمدلله كونون كانوا مواطنين صالحين وقتا ما خلا الليرة تنزل غير لل50 يعني بنسبة 615 %

يعني على هالحالة لازم تصير الليرة و هي مو كلنا مواطنين صالحين 310 على أقل أقل تقدير