سعر صرف الدولار والذهب مقابل الليرة السورية اليوم السبت 01 -03- 2014

[abu mhd]

دولار مرقد حكومي ولا سياحي ؟؟؟؟؟؟؟

والله البامية طيبة وخاصة بلحم الغنم الله يرحم ايااامه
وبهديه غنيه يا واحشني رد علي ازيك سلاماااااااااااااااااااااات

[abu mhd]

شو اخر اخبار خطة التقشف الخاصة بك استاذ عابر ؟؟؟؟؟

انا صرت مغير عشر خطط تقشف وما عم تزبط اخر شي اكتشفت انوا اساسا انا متقشف
بس حتى التقشف عم يكلف هالأيام ههههههههههههههههه


بزماني وعلى اعتبارك بتحب قصص المشايخ
كنت عم اشتغل بزماني بمحل قبل ما ادخل للجامعة وكانت اموري المالية سيئة وكذلك حال البنطال الوحيد اللي كان عندي كانت يصرخ ويستعيث فالله كرمني ونزلت بدي جيب بنطلون اخر
فشفت احد المشايخ قالي شو وين قلتله عالسوق جيب بنطلون
قالي يا بني اخشوشنوا فان النعم لا تدوم
قلتله والله يا شيخي انا نازل جيب البنطلون تبع الاخشوشنة لانوا ماعندي غيره ههههههههههه

طبعا نقول دائما الحمد لله فنحن ملوك امام غيرنا

[عابر مجيب]

اقتباس: المشاركة الأصلية كتبت بواسطة mouayad    دولار مرقد حكومي ولا سياحي ؟؟؟؟؟؟؟ والله البامية طيبة وخاصة بلحم الغنم الله يرحم ايااامه وبهديه غنيه يا واحشني رد علي ازيك سلاماااااااااااااااااااااات

لا السياحي ولا الخبز اللبناني شعرت فيه طعم
أطيب خبز المرقد العادي ، أو خبز التنور وخصوصي إذا ملحو ظاهر ولو حاف وبلا فول .
وحتى ما نبخس الناس أشياءها ، الباغيت الفرنسي لغير أغراض التغميس ، لا يعلى عليه .

[عابر مجيب]

اقتباس: المشاركة الأصلية كتبت بواسطة mouayad    شو اخر اخبار خطة التقشف الخاصة بك استاذ عابر ؟؟؟؟؟ انا صرت مغير عشر خطط تقشف وما عم تزبط اخر شي اكتشفت انوا اساسا انا متقشف بس حتى التقشف عم يكلف هالأيام ههههههههههههههههه بزماني وعلى اعتبارك بتحب قصص المشايخ كنت عم اشتغل بزماني بمحل قبل ما ادخل للجامعة وكانت اموري المالية سيئة وكذلك حال البنطال الوحيد اللي كان عندي كانت يصرخ ويستعيث فالله كرمني ونزلت بدي جيب بنطلون اخر فشفت احد المشايخ قالي شو وين قلتله عالسوق جيب بنطلون قالي يا بني اخشوشنوا فان النعم لا تدوم قلتله والله يا شيخي انا نازل جيب البنطلون تبع الاخشوشنة لانوا ماعندي غيره ههههههههههه طبعا نقول دائما الحمد لله فنحن ملوك امام غيرنا

أنو تقشف ؟ اندبحنا ، وشعرنا بالفاقة وانكسر خاطرنا ، وصرت فوت على البيت وحامل كيس تقيل ، وشوف خيبة الأمل على الوجوه بس يلاقوا انو خبز وبس ، حتى خبز سندويش ما عاد في .
وكل هاد وكانت نسبة الوفر بعد الشرشحة ، حقيقي كانت نسبة الوفر شي 10% وبس ، يعني مو مستاهلة ، رجعت فتحتها على الواسع ، ووقت بيخلص خط الدفاع السادس ، بدي ضحي بالسابع ، وبعدين ببلش بيع بالمالكانات .
المتل الجديد بيقول :
لا تصرف كل ما بالجيب ، ما في تعويض لا بالحاضر ولا بالغيب .

[المبتدئ]

حلب ساعة 11 ليلآ
155 شراء ' 155.5 بيع
5850 شراء ' 5870 بيع
مع الامتناع عن الشراء
العرض أقوى

[shereen]

اقتباس: المشاركة الأصلية كتبت بواسطة عابر مجيب    أنو تقشف ؟ اندبحنا ، وشعرنا بالفاقة وانكسر خاطرنا ، وصرت فوت على البيت وحامل كيس تقيل ، وشوف خيبة الأمل على الوجوه بس يلاقوا انو خبز وبس ، حتى خبز سندويش ما عاد في . وكل هاد وكانت نسبة الوفر بعد الشرشحة ، حقيقي كانت نسبة الوفر شي 10% وبس ، يعني مو مستاهلة ، رجعت فتحتها على الواسع ، ووقت بيخلص خط الدفاع السادس ، بدي ضحي بالسابع ، وبعدين ببلش بيع بالمالكانات . المتل الجديد بيقول : لا تصرف كل ما بالجيب ، ما في تعويض لا بالحاضر ولا بالغيب .

استاذ عابر (الغيب علمه عند الله)تاني شي في شغلة صارت معي اليوم بدي اشتري بنطلون جينز رحت لعند محل التيناوي سئلتو قديش البنطلون قللي ب 3000 ليرة سئلتو قديش حقو كان قبل الازمة قللي ب 500 ليرة تقريبا قلتلو طيب ليش ارتفع سعرو قللي لانو القماش مستورد وطلع الدولار قلتلو بس الدولار اليوم ب150 تقريبا يعني لازم يكون ب 1500 قللي لاتتدققي مالها علاقة كتير بالدولار هي من ناحية ومن ناحية تانية اسعار المواد الغذائية اوك نزلت السمنة والزيت بشكل طفيف بس عندكم مثلا البطاطا المستوردة كانت وقت دولار 290 حق الكيلو 55 هللق 155 عندكم مثلا كيلو شاورما كان ب 1200 اليوم 2000 البيض كان ب 300 ليرة اليوم 750 طبعا السيارات والبيوت وقت كان الدولار بين 250 وال 300 كانت قد نصف سعرها هللق فمن خلال الكلام السابق نستنتج انو الشعب عم يرفض الدولار الرخيص رفضا قاطعا وجازما والدولار الغالي على 300 وفوق ارحم من 150 واذا كلامي غلط صلحولي وشكرا

[abu mhd]

انسة شيرين الشعب لم يرفض الدولار الرخيص ولكن اللي صار انوا وقت طلع الدولار لل 300 ارتفعت اسعار المواد المستوردة بشكل متناسب مع سعر الدولار بينما البيوت كان وضع البلد خلينا نقول امنيا اسوأ ضمن دمشق ومحيطها او متوقع له الأسوأ واللي بيحب النبي يخلي
فالناس صارت تبيع بقرد ودب واللي بده يهرب او اللي قال اليوم البيت بيسوى 100 الف دولار والبيوت عم تنزل والدولار عم يطلع
اما الان صار شبه استقرار اللي بده يسافر سافر واللي قاعد قاعد الى ان يقضي الله امرا كان مفعولا

اما ارتفاع باقي المواد فصار عندك
دولار + ارتفاع سعر مازوت + ارتفاع معيشة فانعكست زيادة سعر النقل + مصاريف طرق + ربح تجار +
فالسعر لم يعد مرتبط بالدولار وحده
يعني نحن نستورد مواد من السعودية وكان السعر بالدولار وقتها بحدود \ 7 $ \ اليوم كلفتنا صارت \ 7.10 $ \

[عابر مجيب]

لا حول ولا قوة إلا بالله ، بتنسد من طرف بتنفتق من طرف
الدولار على طلوع . من فين بدنا نرقعها ؟
غواصتين دخلوا المياه الأقليمية
والجيش تحرك
وهدوليك تحضروا بتعبئة عامة وجهوزية مفشكلة
وفي اتصال هاتفي :
- صاحيلك
- لاطيلك
آخر شغلنا بالمكتب كان بالسفر لروسيا ، هلأ حتى هالخط انقفل !

[عابر مجيب]

عوفت
بوشكم على الصفحة الجديدة