سعر صرف الدولار والذهب مقابل الليرة السورية اليوم السبت 22 -02- 2014

[جوليت]

اقتباس: المشاركة الأصلية كتبت بواسطة m-pmp    الأمر الآخر من قال لك بانو روح القرار هو من تنسيق الحكومة. ... هل هو تخمين منك ام اعتقاد ام تحليل للشاشة... اعتقد بانك بعيدة عن مهارات التحليل كل البعد بالشكل والمنظور ومن حيث العمق يخلو من اي معلومات ومايجول في طياتها. ... فتح ممرات = دولار متل الرز! !!!!

بعد اذنك شوف شو حكي مندوب سوريا بمجلس الامن وبعدين فيك تألي اذا عم خمن ولا لا , اخي من الاخر بس تشوف الحكومة وافقت عاشي وبدون شوشرة وبدون تهرب وبدون ..... عرف انو هالشي منسق , والا بتلاقي الف طريقة للتهرب وماحدا بيقدر يعمل معها شي وماحدا بيقدر يجبرها عاشي مابدا ياه , حتى الكيميايئ لصالحنا ( هي اذا تمت الصفقة اصلا للاخير )

[رشاد حج علي]

هلق انتو ليش مختلفين وعلى شو اللي بيعيش بشوف
نحنا بمصطلح الشطرنج بيادق استاذ عابر وينك مددد اشرحلووون قصدي اخي المسار ترجملن

[alternative]

سؤال
اذا المركزي كمل خطتو باغلاق شركات ومكاتب الصرافة
واعلن عن تدخل
منين يلي بدو يستفيد لح ياخد دوﻻر المركزي ان وجد

[المسار]

اقتباس: المشاركة الأصلية كتبت بواسطة رشاد حج علي    هلق انتو ليش مختلفين وعلى شو اللي بيعيش بشوف نحنا بمصطلح الشطرنج بيادق استاذ عابر وينك مددد اشرحلووون قصدي اخي المسار ترجملن

والله يا ابو الرش ما عبيترجم ولا عبيدبلج معي هالحكي

(بس منيح هيك حكيات بتحرك المنتدى شوي)

[المسار]

اقتباس: المشاركة الأصلية كتبت بواسطة alternative    سؤال اذا المركزي كمل خطتو باغلاق شركات ومكاتب الصرافة واعلن عن تدخل منين يلي بدو يستفيد لح ياخد دوﻻر المركزي ان وجد

هوي بالاصل لو بدو يخلي حدا يستفيد

ما كان اغلقون

كل هالفلم منشان اذا فكر يعلن عن تدخل ما يلاقي ولا شركة يدعيها لاجتماع التدخل

ويقول ارتاينا ان السوق ليس بحاجة لتدخل مباشر

لوجود تدخل غير مباشر اللي ما عرفت لهلق انا شلون

مركزي وغير مباشر

[alternative]

هل تعتقد ان المستويات الحالية لسعر الدوﻻر بحدودها الدنيا ام العليا
وما هي توقعاتك لسعر الدوﻻر في اﻻيام القادمة
يلي بيحب يدلي برايه يتفضل

[المسار]

اقتباس: المشاركة الأصلية كتبت بواسطة alternative    هل تعتقد ان المستويات الحالية لسعر الدوﻻر بحدودها الدنيا ام العليا وما هي توقعاتك لسعر الدوﻻر في اﻻيام القادمة يلي بيحب يدلي برايه يتفضل

بحسب مركز بحوث جوليت بالحدود العليا

بحسب مركز شيرين الاستراتيجي بالحدود الدنيا

بحسب مركز الغالي رشاد للتقييم بالحدود المتوسطه

(والله ضيعونا ما بقى يطلع معنا شي)

[عابر مجيب]

اقتباس: المشاركة الأصلية كتبت بواسطة aymtal    تدبر،، في الآية : { وأفوض أمري إلى الله } بعدها قال تعالى : { فوقاه الله } فما خاب من علق حاجاته بالله ، وأحسن الظن بمولاه.. إن كل ما يجري في هذا الكون فهو بمشيئة الله – سبحانه وتعالى – فما شاء الله كان ، وما لم يشأ لم يكن ، فلا يخرج عن إرادته الكونية شيء قد تشعر بالحزن على أمر ما وقد تبكي بكاء الطفل وتنام [ واللّه لا ينام عن تدبير أمورك ] تمهل: إنه يدبّر لك في الغيب أمور إن علمتها لبكيت فرحا

تعبيرك شفاف ، يمس شغاف القلب ، ويهز المشاعر بعنف .
بهنيك .

[shereen]

اقتباس: المشاركة الأصلية كتبت بواسطة alternative    هل تعتقد ان المستويات الحالية لسعر الدوﻻر بحدودها الدنيا ام العليا وما هي توقعاتك لسعر الدوﻻر في اﻻيام القادمة يلي بيحب يدلي برايه يتفضل

انا بظن الدولار هللق بالنسبة للسوري باخفض مستوى ممكن يحافظ عليه وممكن نعتبر السعر منخفض جدا جدا وشبه مجاني مقارنة مع الدمار الاقتصادي الكبير اللي صار بالبلد

[البحر الهائج]

اقتباس: المشاركة الأصلية كتبت بواسطة alternative    هل تعتقد ان المستويات الحالية لسعر الدوﻻر بحدودها الدنيا ام العليا وما هي توقعاتك لسعر الدوﻻر في اﻻيام القادمة يلي بيحب يدلي برايه يتفضل

توقعي بحدودها الدنيا
تصدير مافي-مصانع مافي-استيراد سيارات مافي-سياحة مافي....
وخاصة لسه مابلشنا بالاعمار اللي بيحتاج استيراد كبير بالعملة الصعبة
(والدليل الأكبر ليش المركزي سكر شركات الصرافة ويستمر بمسلسل التسكير مادام قادر يخليه يستقر أو ينزلو وليش مابلش يعطي دولار متل ايام زمان)