GoldMan$

هلئ بعض الشباب روجوا انو السعر نزل كتير والبيع 146 فجأة وانو وقف الشراء وشو عرفني ... وينهم ..

اللاذقية ..

144-148
وممكن يتوفر 147

انس الحموي

حماة الان شراء 146 ...مبيع 147 والسوق ماسك مسكة كبيرة سواء بالشراء او المبيع

__________________
ما فائدة القلم اذا لم يضمد جرحا او يطهر قلبا او يكشف زيفا او يبني صرحا

shereen

ياجماعة ليش ذاكرتنا قصيرة نحنا هادا نفس السيناريو وقت نزل من 100 الى 62 نفسو عم يتكرر وبتوقع يضل مستقر لاول السنة

__________________
يارب

انس الحموي

اخي غولدمان بالفعل صارت هل الحركة بحماة بين الساعة 5 و 7 المسا ومابعرف بالنسبة لباقي المحافظات.. وانعرضت مبالغ ومحد رضي يشيلها وفجأة رجع مسك السوق ورجع الطلب على سعر اعلى ...منشان هيك انا عن نفسي لما بكتب حماة الان فبكون حماة الان مو قبل ساعة او بعد ساعه ولما بكتب حماة الان بكون مواكب اسعار السوق بشكل ما ممكن تتصوره من خلال شبكة هوامير وحيتان ...والحمد لله دايما السعر يلي بكتبه بتصير المحافظات بتتداوله واالناس بتحطه بعد ساعات ومالي فضل على حدى الفضل لله انو عطاني هل القدرة الاجتماعية والتواصل مع التجار والاطلاع على السوق باي لحظة .. وبتمنى الناس تستفيد من الاسعار يلي عما حطها اول باول ولو بتواكب الاسعار يلي عما حطها بتسفيد كتير سواء يلي ناوي يبيع او يلي ناوي يشتري وولله ما هدفي الا الاجر والثواب ونقل الحقيقة كما هي سواء كان الدولار بليرة او الف ....حماة الان شراء 146 ....مبيع 147 لا جديد يذكر

__________________
ما فائدة القلم اذا لم يضمد جرحا او يطهر قلبا او يكشف زيفا او يبني صرحا

Royal

شو يعني ما عندك دقن ممشطة؟؟؟
مع كل الاحترام لتقديراتك "الاقتصادية" بس شو منفهم يعني ممكن نسمع شي او ننهان لمجرد مشاركة او رأي يتعلق بالدولار؟؟!!!

__________________
Whether you think you can or you can't either way you are right

عابر مجيب

هيك مو ذاكرة قصيرة ، كتير صعبتيها ، بدك ترجعينا لهديك الأيام !
هون هون وبنفس الصفحة ، بعد مشاركتين عم يروح تأثير اللي قبلهم
يعني الكتابة أحيانا أشبه بنقش الماء بالإبر ، لأن مافي شي واثقين منو وبيغلب التشكيك .
العالم صايرين متل الأيتام ، وأهلنا دايرين على حل شعرهم ، وفقدنا المرجعية .
ياليت ايتام ، عاملين متل الولد اللي بيشتغل وبيوفر مصاري، بيجي ابوه بيسرقهم وبيروح يسكر فيون .
الحكومة لازم تاخد دور الأم ، واللي مالو أم حالو مغم .

arnouri

اقتباس:

المشاركة الأصلية كتبت بواسطة royal شو يعني ما عندك دقن ممشطة؟؟؟ مع كل الاحترام لتقديراتك "الاقتصادية" بس شو منفهم يعني ممكن نسمع شي او ننهان لمجرد مشاركة او رأي يتعلق بالدولار؟؟!!!

هههههه

لا ابدا ابدا
مو هيك قصد اخونا عابر ابدا ابدا

وهي ليست من شيمه ان يهين احد
بل هو قصدوه انه لا يسكت عن الغلط ابدا دون النظر لاسم العضو

حقق علينا صديقي واخي ردينا عنك

شكرا لك

Royal

اخ انس كل الشكر لك حقيقة.... كونه بكل 10 مشاركات لك هناك 10 مفيدين للقارئ الذي وجوده بالاساس بالمنتدى لهذا الهدف.

__________________
Whether you think you can or you can't either way you are right

dollar

مساء الخير
سيد "royal" مشاركاتك مفيدة و محترمة بس مابعرف ليش تضايقت من كلمة استاذ عابر " دقن ممشطة " بالعكس هاد الكلام بريح لانه مافي تمييز و اكيد حضرتك متابع لمشاركات استاذ عابر و انتبهت انو حتى ولو بدو يرد على مشاركة برد بكل احترام و بشكل فكاهي .

شكرا سيد رويال و استاذ عابر و منعتذر من التدخل .

__________________
Never Say Never

عابر مجيب

لكل حادث حديث ولكل مقام مقال
امشي عدل يحتار عدوك فيك
بس شو اللي خلى فكرك يروح للإهانة
عندك نية سوء لا سمح الله
على كل حال جرب وبتعرفني إذا كنت بفتري على الناس .
ما عندي رغبة ولا متفرغ للرد، بس اتذكرت المثل :
قال الله يلعن اللي بيسب الناس ، قالولو الله يلعن اللي بيخلي الناس تسبو .