اي المنزلين تختار

[abu mhd]

تحية لكم جميعا
اولا السؤال ليس لي وانما تم سؤالي عليه للنقاش و التداول بالاراء لانني لم اصبح بعد من اصحاب الملايين الفائضة اكرمني الله واياكم

- اذا عرض عليك منزلين بنفس السعر الأول بضاحية قدسيا و الآخر بمنطقة المهاجرين جادة 3.5 وانت تريد شراء احدهما لتأجيره و الاستفادة منه فأيهما تختار ولماذا

- وما هي فرص زيادة سعر البيت لكل منهما بغص النظر عن سعر الصرف يعني لو بقي الدولار ب 50 او 150 ايهما قابل للارتفاع اكثر

- ما هي اسعار البيوت بمنطقة المهاجرين جادة عاطف و كم ممكن ان يتم تاجير المنزل ؟؟

وشكرا لكم

[عابر مجيب]

يسعد مساك
سؤال محير ويحتاج إلى تفصيلات واسعة ، من حيث حداثة المنزل ، والاطلالة والجوار
منطقة المهاجرين قد يكون سكانها من بيئة متوسطة محافظة وحشرية ربما ، قد لا يرغب غير أهل المنطقة بالسكنى فيها ، وهؤلاء محدودي الدخل ولا تتوقع قيم تأجيرية مجدية
قدسيا أكثر حداثة ولا يتحفظ الساكن مهما كان أصله من البيئة المحيطة ولديك شريحة اوسع من الوافدين الراغبين بالاستئجار وقد يكون من فئة شابة ويمتلك سيارة يسهل وقوفها قرب البيت مقارنة بالمهاجرين المكتظة
للتجارة بقيمة المنزل أظن ان المهاجرين وصلت إلى حد سعري يصعب عنده القفزات وقدسيا مازال أمامها فرص أكبر .
وأعود وأظن ان هنالك أمر مهم بالنسبة للمالك وقربه وبعده عن مكان البيت المستثمر ، فكلما اقترب من أملاكه سهل عليه متابعتها . وقد يكون اشغال المهاجرين على قلة دخله أكثر استمرارية وأيسر .
ولو كنت من سكان دمشق أو المزة سأختار المهاجرين وسيكون المكتب العقاري في حارتي
أما لوكنت من سكان دمر فسأختار قدسيا حتما .

[mak]

طبعا حسب مواصفات كل منزل...بس في حال التساوي او التقارب ...بالنسبة لي اختار المهاجرين.....السبب الأساسي الحواجز و توقع انقطاع البنزين في اي وقت....يعني حتى لو في سيارة صار الطلعة و النزلة بدها نص نهار (غير اذا صاحبك معو ورقة مشان خط عسكري)...طبعا اي مستأجر رح يحسب هي الشغلة و تكاليف المواصلات (وقت + مصاري) و هيك رح يفضل بيت المهاجرين .....خاصة اذا كان من سيسكن البيت سيحتاج للنزلة ال عمل او جامعة او مدرسة.....اما اذا كان رح يسكن بالضاحية و ما لو نزلة عالشام فقصة تانية.....ايضا من فترة قريبة تم قطع كل شيء عن قدسيا حتى الطحين....ممكن تصير هالقصة بالضاحية او الأرياف بنسبة اعلى بكتير من المدن

[ابو الحسن عمر]

السلام عليكم ورحمة الله وبركاته
اخ مؤيد العقار كل ما اقترب من مراكز المدن تطوره افضل نسبة النمو بالريف اضعف منها بالمدينة برأيي عقار المهاجرين افضل لكونه بالمدينة (( انتبه لموضوع الماء )) الضاحية بعدها تخديمها مو كامل
وانا بخبرتي المتواضعة المدينة افضل قطعيا علما انني اشتغلت بالعقارات لفترة
والله اعلم

[wasim]

اخي مؤيد
بالنسبة لزيادة الاسعار فاكيد سيكون لصالح الضاحية لان الاسعار بالضاحية لسه ما وصلت لحدها اما المهاجرين فنسب تحسن السعر اقل و الفرق طبعا بالبيوت بالضاحية كله جديد و بالمهاجرين قديم
اما اذا كنت عم تدور عالاجار فحاليا اكيد المهاجرين افضل لانها بمركز المدينة و طالبين الايجار بالمهاجرين كتار و السعر افضل كمان طبعا بحسب المساحة .....اسعار البيوت بالمهاجرين في حدود 12 و انت طالع طبعا و على حسب الجادة و الكسوة و ممكن تلاقي اقل بالجادات لفوق
في الظروف الحالية برايي المهاجرين افضل .....اما في حال ان شاء الله حصل استقرار و منتمناه قريب انشالله فالضاحية افضل