صالون سيرياستوكس للعطلات(21-22-23-24 ) تشرين الثاني-2013

[لقماان]

دج ..دج ...دج ........
تلت قذايف عنا بالحارة (كرم الشامي )
و الحصيلة الأولية
عشرين شهيد فقط حتى الآن و عشرات الجرحى.........

[غالب]

اقتباس: المشاركة الأصلية كتبت بواسطة omar1964    اخي العزيز ابو النور انا بانتظار اللقاء معكم العزيمة قائمة و مكان الاقامة جاهز .. معرفة الطيبين امثالكم اغلى من كل الهدايا

سيتم التحضير قريبا

شكرا لك بس قلي مين حابب اجيبلك معي

[غالب]

اقتباس: المشاركة الأصلية كتبت بواسطة omar1964    الله يديمك يا ابو يزن من فترة كتب الاخ مرهف بصالة الدولار بما معناه ان نحنا اشخاص افتراضين باسماء وهمية انا ما شعرت ابدا الا اني عم اكتب و احكي مع اصدقاء حقيقين من عادتي لما كنت اقرأ اي رواية اني اتخيل الابطال بصور حقيقية من المجمتع من الناس يلي بعرفهم و هون بالمنتدى كل شخص الو بخيالي صورة و شكل واقعي و شغلة حلوة اني بشوفهم بمناماتي ...ههههه و بتحاور معهم .. آخر شي زاروني الاستاذ عابر و الاستاذ نجم و تحدثنا كتير و عملنا جولة بالبلد و بعدين ........... صحيت من النوم

شو بتعطي للي بيحقق لك حلمك .؟

[omar1964]

اقتباس: المشاركة الأصلية كتبت بواسطة غالب    سيتم التحضير قريبا شكرا لك بس قلي ما حابب اجيبلك معي

اكيد قصدك من ..!!
كل الشباب الطيبة
ابو هائل و ابو حكيم الدين و ابو عمر و ابو معاذ و ابو يزن و ابوحازم و ابو ايهم ... و القائمة طويلة ... كل مين بيحب يشرف ...
....

[omar1964]

اقتباس: المشاركة الأصلية كتبت بواسطة غالب    شو بتعطي للي بيحقق لك حلمك .؟

قصيدة صغيرة بالانكليزي
منشان ينبسط متل ما صار فيني ...ههههههه
المضحك انو اثناء دراستي بالمدرسة و الجامعة كانت اللغة التانية افرنسي
و مع ذلك ما نفعني هالشي و ادعاء الجهل باللغة اصطدم بجدار الشك و الريبة ..من مراهقة الخمسين ..!!
احلى ابو غسان
انا بالانتظار ..

[أبوسلطآن]

السلام عليكم ورحمة الله

هلا والله بالاخ عمر والاخ غالب ومؤيد والاخت رندة والاخ عابر والاخ لقمان والعطار وجميع الاخوة والاخوات واسأل لنا ولكم العفو والعافية والصحة والسلامة

[أبوسلطآن]

عندي قصة بطرحها وياليت تشاركون برأيكم لاني والله مو مصدق هالقصة
الحين فيه عائلة انهدم بيتهم وتهجروا من الغوطة على دمشق وأستأجروا بيت عربي صغير ب12الف ليرة
وظلوا سنه بالايجار هذا قام زوج اختهم عرض عليهم بيت له فاضي وطلب منهم ايجار 15الف شهري وافقوا وخذوه لان البيت اوسع شوي وانظف وظلوا على هالحال 6 شهور الان اشترط عليهم رفع الايجار 20الف ليرة والدفع يكون كل 3شهور يعني 60الف ليرة كل 3 شهور!!

هالحكي لو بوقت الرخاء لاباس الان الناس بازمات معقول فيه قريب يعامل اقاربه هيك.؟ بدل مايقول تعالوا البيت بيتكم
واسكنوا فيه لين تتيسر او على الاقل يطلب ايجار منخفض او يطلب ايجار مثل الناس معقول يرفع لايجار عليهم وكمان يشترط الدفع كل 3 شهور من وين اذا كان دخلهم 22 الف ليره شهريا.؟

[Sana]

مساء الخير و الأمان ع الجميع ^_^

[حكيم الزمان]

الصراحة اخي ابو سلطان
قرايبهم اللي اجرهم البيت ابن حلال ولو انه مو ابن حلال كان طلعهم من البيت و اجره باكتر من هاد المبلغ بكتير ومافي داعي اشرحلك التفاصيل لأن المفروض تكون ظاهره بس الأزمه اللي مرت علينا كشفت معادن الناس الا من رحم ربي - هاد من جانب ومن جانب تاني يمكن يكون الشخص كان عم يشتغل وغير محتاج للمصاري ومع الزمن يمكن راح محل عمله وصار محتاج وصدق انه ال20 الف بالشهر مبلغ لا يسمن ولا يغني من جوع لشخص واحد كيف لعائله يعني كله على بعضه بيطلع 130$ واقل ماده صارت مسعره بالبلد على دولار ال250 وعلى هذا قيس

[هزار]

مسا الخييييير أيامكن مباركة انشالله

(((-:-(((