صالة أسعار صرف الدولار والذهب و العملات مقابل الليرة السورية ليوم الاحد 10 - 11- 2013

[هزار]

اقتباس: المشاركة الأصلية كتبت بواسطة جوليت    مسا الخير انسة هزار مبروك الوظيفة الجديدة , منها للأحسن ان شاء الله

مسا النور آنسة جوليت
شكرااا الله يبارك فيكي يا رب
بس و الله زعلانة لأن ما عدت حسنت فوت عالمنتدى دوامي طويل و اذا حسنت فوت ما عم احسن اقرا كل شي

:-(((

[GoldMan$]

اقتباس: المشاركة الأصلية كتبت بواسطة M-PMP    مسالخير اصدقائي،، كيفكم،، شراء 142 مبيع 146 بالنسبة لدولار سوق اللاذقية: ارتفع الطلب قليلا بالفترة المسائية عند جميع التجار يللي منعرفن وتمت عمليات بيع عل 146 الى ان تلاشى العرض تدريجيا او البيع ب 147 الامر الاخر: معلومة لا حدا ياخد فيا وانما نقلا عن تاجر "حوت" بانو المركزي غدا حيرفع سعر الدولار فوق 141 وانا سالتو مين خبرك.. قال انو من خلال اتصال مع مصدر ضمن المركزي بالشام .. برجع بقول نقلا عن لسانه فقط!!

ياريتك سبقت بمشاركتك شوي ... كنت اخدت اكتر .. بصراحة خفت .. اشتريت بنص المبلغ اللي معي اخدت حوالي 3الاف بس ... يالله ما حدا بياخد غير نصيبو ...

[M-PMP]

اقتباس: المشاركة الأصلية كتبت بواسطة goldman$    ياريتك سبقت بمشاركتك شوي ... كنت اخدت اكتر .. بصراحة خفت .. اشتريت بنص المبلغ اللي معي اخدت حوالي 3الاف بس ... يالله ما حدا بياخد غير نصيبو ...

حقك ع راسي جولد العزيز
ال 3 حلوين الله يرزقك ويبارك فين ومتل ما قلت ما حدا بياخد الا نصيبه


شو السعر يللي اخدت عليه؟

[جوليت]

اقتباس: المشاركة الأصلية كتبت بواسطة goldman$    ياريتك سبقت بمشاركتك شوي ... كنت اخدت اكتر .. بصراحة خفت .. اشتريت بنص المبلغ اللي معي اخدت حوالي 3الاف بس ... يالله ما حدا بياخد غير نصيبو ...

مابعتقد في حرف حسب رأي المتواضع ويمكن كون غلطانة بضل الحوت ادرى

[Amjad_S]

اقتباس: المشاركة الأصلية كتبت بواسطة هزار    من بعد إذنك عندك معلومات عن الأعمار الي لازم تاخد اللقاح؟؟ و شكرا :-)))

كل الأطفال تحت 5 سنوات عبارة عن عدة نقاط بل فم

[انس الحموي]

اقتباس: المشاركة الأصلية كتبت بواسطة goldman$    أخي الكريم انا باللاذقية اشتريت ب 145 وللكميات فوق ال 10الآف في ب 144 ... هاد من صراف .. وهنن عم يشتروا ب 140 ...

اخي صح كلامك البيع تقريبا كان واحد بكل المحافظات بمعدل وسطي 145 ...بس يلي لاحظته انو باغلب المحافظات كان فارق ليرة وليرة نص بين الشراء والمبيع وهادا الشي طبيعي لما بكون في استقرار ولما بكون سعر الصرف متدني ...يعني بتذكر لما كنا بمنطقة 90 ليرة كان الفارق بين الشراء والمبيع ربع ليرة وبالكتير تلت او نص ...
الفكرة يلي بدي وصلها يعني اذا الصراف باعك على 145 هادا مو بيعني انو ما بيشتري منك اكتر من 140 يمكن عما ياخد بفرق نص ليرة عن سعر المبيع احيانا ...اليوم مع بداية افتتاح السوق بحماة اتصلت على واحد بلهموطي كتير بحط فارق كبير بين الشراء والمبيع قلت بتصل فيه ومنه بستنتج فورا السعر احسن ما اتصل على خمسه سته ...اتصلت عليه قلي 141 صفنت فورا قلي وزيادة ليرة هيك بكون حسبتلك متل ما اخدت من جاري رجعت صفنت وقلتله ان شاء الله خير بدي شاور قلي بس بجميع الاحوال ارجع خبرني شو بصير معك وانا متاكد لانو راجع متصل فيه كان رح يقول لي وزيادة ليرة ...المهم انا عرفت هون انو السوق فوق 143 ...اتصل وتاكدت انو السوق ب 144 شراء وبالفعل بعت اليوم على سعر 144 بكل سهولة لانو لزمني حق بضاعه عالشام ..وطبعا كان اليوم التاجر الشامي حسابلي بضاعته على 147 ...

[GoldMan$]

اقتباس: المشاركة الأصلية كتبت بواسطة m-pmp    حقك ع راسي جولد العزيز ال 3 حلوين الله يرزقك ويبارك فين ومتل ما قلت ما حدا بياخد الا نصيبه شو السعر يللي اخدت عليه؟

145 .. هاد من صراف ..اما من رفقاتي طبعا اخدتهم باقل أكيد ...

[mak]

اقتباس: المشاركة الأصلية كتبت بواسطة انس الحموي    مشكورين المشرفين سلفا على جهدهم الجبار والمتواصل على مدار الساعه ....سبق هل المرة ابديت ملاحظة بخصوص السعر بالاعلى ...السعر بالاعلى يجب ان يضع على الاقل متوسط اسعار المحافظات ...ومافي اي محافظة تم الشراء عليها فيها اقل من 140 ...141 ...142 فالمفروض كان ينحط سعر الشراء 141 كسعر وسطي ...علما مثلا بحماة لما يحصل اي حوت او هامور على سعر 143 شراء وكانت جميع تداولات اليوم تتراوح بين 144 شراء ....146 مبيع ....الرجاء دوما احتساب السعر الوسطي خصوصا في اشخاص من خارج الشام بتقيس على السعر يلي باعلى الصفحة وبتاخده مقياس ....واخيرا حتى لو تم تداول الشراء في بعض الاحيان على سعر 139 هل من المعقول كل صرافين دمشق ما عما يرضوا ياخدوا اكتر من 139 ؟؟؟ وما عما ياخدوا ببعض الاحيان على سعر 140 و141 وحتى على سعر 142 ...واسف عالاطالة ومشكورين سلفا مرة تانية ....

اليوم كان في محاولات مستميتة من البعض لتنزيل السعر (في المنتدى طبعا) عسى ان ينعكس ذلك على الواقع و كان الهدف ان يكون هناك اغلاق على سعر تحت ال 140 (139-138-137) و التعليقات كانت متتالية و بتخفيض ليرة كل مرة لأنو شي ممكن يكون منطقي للبعض ...للأسف السوق اغلق على ارتفاع 144-148 ....يعني على حساباتهم ارتفاع بمقدار 7 ليرات عن اخفض سعر شراء (الساعة 8) و هذا مؤشر خطير لتداولات الغد ....على كلن هاد بيثبت انو المنتدى هون ما بيتحكم بسعر السوق بس بينقله ......و تاني شغلة لاحظتها انو التخفيض الممنهج بيعتمد على واحد يصف و التاني يشوط ...بس كمان بظن هي الحركات صارت مكشوفة......و متل كما ذكرت اخ انس ممكن بعض الصرافة يحاولو يشترو بسعر رخيص و هيك بيكون يللي نقل السعر ما لو ذنب ...بس دائما المقياس بالنسبة الي هو قديش الكمية و السعر يللي ممكن يبيعك ياها هاد الصراف و الفرق بين سعر البيع و الشراء

الله يجيرنا من بكرة و خاصة هاد القرار الجديد يللي ذكرو احد العضاء مشان تخباية القرارات ابصر شو عم يطبخو

و لو انو من جهتي اتوقع استقرار بين 145-155 لفترة متوسطة و الله اعلم

[جوليت]

اذا حدا من الاعضاء بيتكرم وينورنا سعر بيروت اليوم كيف كان الافتتاح والظهر وخاصة المسا

[جوليت]

اقتباس: المشاركة الأصلية كتبت بواسطة mak    اليوم كان في محاولات مستميتة من البعض لتنزيل السعر (في المنتدى طبعا) عسى ان ينعكس ذلك على الواقع و كان الهدف ان يكون هناك اغلاق على سعر تحت ال 140 (139-138-137) و التعليقات كانت متتالية و بتخفيض ليرة كل مرة لأنو شي ممكن يكون منطقي للبعض ...للأسف السوق اغلق على ارتفاع 144-148 ....يعني على حساباتهم ارتفاع بمقدار 7 ليرات عن اخفض سعر شراء (الساعة 8) و هذا مؤشر خطير لتداولات الغد ....على كلن هاد بيثبت انو المنتدى هون ما بيتحكم بسعر السوق بس بينقله ......و تاني شغلة لاحظتها انو التخفيض الممنهج بيعتمد على واحد يصف و التاني يشوط ...بس كمان بظن هي الحركات صارت مكشوفة......و متل كما ذكرت اخ انس ممكن بعض الصرافة يحاولو يشترو بسعر رخيص و هيك بيكون يللي نقل السعر ما لو ذنب ...بس دائما المقياس بالنسبة الي هو قديش الكمية و السعر يللي ممكن يبيعك ياها هاد الصراف و الفرق بين سعر البيع و الشراء الله يجيرنا من بكرة و خاصة هاد القرار الجديد يللي ذكرو احد العضاء مشان تخباية القرارات ابصر شو عم يطبخو و لو انو من جهتي اتوقع استقرار بين 145-155 لفترة متوسطة و الله اعلم

انت صادق ونحنا كذابين وبيروت كذابة واغلبية الصرافيين بالشام كذابين بس حضرتك صادق
تأكد اذا بكون سعر الدولار بألف ليرة بحطو للسعر ومابيدايقني بذرة بس اني كذب شي انا بعرفو لاتحلم حكيك يأثر بمقدار اقل من الذرة