صالة أسعار الدولار والذهب مقابل الليرة السورية ليوم الخميس 7 -11-2013

[mak]

اقتباس: المشاركة الأصلية كتبت بواسطة حمادة 82    مشكور اخي الكريم لاء اكيد مو مشكلة خاصة ويمكن كتير من الناس عندهم نفس المشكلة حاليا باختصار مشكلتي شاري 10000 $ على 235 وكمان دهب على 10000 ل.س شو الحل افيدونا

هلأ هاد الحكي مو مشكلة غير اذا مضطر تبيع....و اذا مضطر فما عندك كتير خيارات!! بيع على قد الحاجة
هلأ اذا مو مضطر فيك تنام عليهم ليصير الدولار ب 250 او 300 بس ساعتها يمكن ما يجيك قلب تبيعهم و ترجع تندم اذ رخص
الحالة التالتة لسا معك سوري و مستعد تخاطر بجزء من رأس مالك ....فيك تبيع و تشتري من عدة نقاط حتى يصير سعر الدولار يللي معك ارخص شوي شوي.......بالنسبة للذهب هيك حركة صعبة شوي اذا ناوي تشتغل هيك استغل اعلى سعر عالمي للذهب او حتى محلي و بدلو دولار او سوري و صير اشتغل بالبيع و الشراء (مو نصيحة بهيك اوضاع بس ممكن تنقش معك و تربح اضعاف)

بالنسبة الي ابسط حل انو نام عليهم و صرف على قد الحاجة ..بتطلع خسران 100 او 200 دولار بكل وقت النزلة....و بعد شهرين بيجوز تطلع ربحان بلاوي على حسابات السوري!!

[أبو حسن]

اقتباس: المشاركة الأصلية كتبت بواسطة عابر مجيب    طول بالك ، ممكن تضارب فيون وتخسر أكتر . وخلي الصرف على قدر الحاجة اعتبر رأسمالك على سعر اليوم ، وشو ما زاد نعمة كريم . يعني شي صار وخلص .

من وقت ما كان الدولار ب 190 عبتقولو طولو بالكن طيب لايمت انطول بالنا لبين ما انبيع تحت ال 100 ل س

[أحمد الأحمد]

اقتباس:
المشاركة الأصلية كتبت بواسطة خليل حسو

مابعرف إذا هالخبر صحيح بيس حابب أنقلو عن صفحة دمشق الآن:
مصرف سورية المركزي يعقد جلسة تدخل نوعية مع شركات ومكاتب الصرافة بايعا وشاريا للقطع الأجنبي ويعرض مبلغ 20 مليون دولار للبيع وتبين أن السوق متوازن ولم يتم طلب أي مبلغ . " الاخبارية السورية"


شو منفهم من التوازن انو 150 سعر مناسب في السوق او بدو يرفعو اكتر

[osamakhaled]

وصلتني رسالة عالموبايل حاليا انا بالكويت تحويل من الكويت لدمشق 1000 سوري بيعادل 1.94 دينار

[حمادة 82]

اقتباس: المشاركة الأصلية كتبت بواسطة mak    هلأ هاد الحكي مو مشكلة غير اذا مضطر تبيع....و اذا مضطر فما عندك كتير خيارات!! بيع على قد الحاجة هلأ اذا مو مضطر فيك تنام عليهم ليصير الدولار ب 250 او 300 بس ساعتها يمكن ما يجيك قلب تبيعهم و ترجع تندم اذ رخص الحالة التالتة لسا معك سوري و مستعد تخاطر بجزء من رأس مالك ....فيك تبيع و تشتري من عدة نقاط حتى يصير سعر الدولار يللي معك ارخص شوي شوي.......بالنسبة للذهب هيك حركة صعبة شوي اذا ناوي تشتغل هيك استغل اعلى سعر عالمي للذهب او حتى محلي و بدلو دولار او سوري و صير اشتغل بالبيع و الشراء (مو نصيحة بهيك اوضاع بس ممكن تنقش معك و تربح اضعاف) بالنسبة الي ابسط حل انو نام عليهم و صرف على قد الحاجة ..بتطلع خسران 100 او 200 دولار بكل وقت النزلة....و بعد شهرين بيجوز تطلع ربحان بلاوي على حسابات السوري!!

انا مو مضطر حاليا للبيع

وفي سيولة شي 400.000 ليرة

بس لما نزل شوي عن 235 كنت بعت وبخسارة مئة الف مثلا وما وصلت لهون على كلمة نام عليهم

ولله وجعني راسي من كتر النوم من همي

[mak]

اقتباس: المشاركة الأصلية كتبت بواسطة أبو حسن    من وقت ما كان الدولار ب 190 عبتقولو طولو بالكن طيب لايمت انطول بالنا لبين ما انبيع تحت ال 100 ل س

لأ لحتى تخلص الأزمة (فعليا) و ترجع تتعمر البلد ...شو رأيك...لسا بدنا نطول بالنا كتير و لا قربت؟


تذكرت شغلة تانية......الناس يللي اشترت ب 250 و 300 ليش طولت بالها كتير و ما اشترت ب 60 و 70 و 80 ؟.......كمان كان في مين عم ينصحها انو تطول بالها ليرجع لل 50 ....فالشغلة بدها طولة بال

[نورالهدى]

اقتباس: المشاركة الأصلية كتبت بواسطة حمادة 82    مشكور اخي الكريم لاء اكيد مو مشكلة خاصة ويمكن كتير من الناس عندهم نفس المشكلة حاليا باختصار مشكلتي شاري 10000 $ على 235 وكمان دهب على 10000 ل.س شو الحل افيدونا

اقتباس: المشاركة الأصلية كتبت بواسطة عابر مجيب    طول بالك ، ممكن تضارب فيون وتخسر أكتر . وخلي الصرف على قدر الحاجة اعتبر رأسمالك على سعر اليوم ، وشو ما زاد نعمة كريم . يعني شي صار وخلص .

السيد الفاضل :
مساء الخير :
لا يفتى ومالك في المدينة وقد أجابك .
خلي الصرف على قدر الحاجة .
ولن تتعدى خسارتكم بإذن الله تعالى إلا شوية قلق .

ألله يأجرك وإن شاء الله تعالى بيعوض عليك في القريب العاجل .

أنور

[حمادة 82]

اقتباس: المشاركة الأصلية كتبت بواسطة نورالهدى    السيد الفاضل : مساء الخير : لا يفتى ومالك في المدينة وقد أجابك . خلي الصرف على قدر الحاجة . ولن تتعدى خسارتكم بإذن الله تعالى إلا شوية قلق . ألله يأجرك وإن شاء الله تعالى بيعوض عليك في القريب العاجل . أنور

مشكور أخي الكريم

أنا قرأت عن قاعدة 3-3-3

شو النصيحة حاليا كمان استنى أو أبدأ مثلا ببيع الثلث أو اشتري بالمبلغ يلي لسى معي 400.000 ليرة

[أبو حسن]

اقتباس: المشاركة الأصلية كتبت بواسطة mak    لأ لحتى تخلص الأزمة (فعليا) و ترجع تتعمر البلد ...شو رأيك...لسا بدنا نطول بالنا كتير و لا قربت؟

والله انشالله قربت
انشالله انشوف هديك اللحظة اللي منشوف فيها امان واستقرار وما انموت بشي قذيفة طيارة او هاون او شي صاروخ مطفي الضو ساحب 1000

[fda-group]

مرحبا للجميع

برأيكم الأسعار إلى أين؟