صالة أسعار الدولار والذهب مقابل الليرة السورية ليوم الاثنين 4-11-2013

[lovelyma]

مساء الخير جميعا

دمشق الفردوس الساعة 5:20

129متوفر بيع فقط

[expert]

بما انو بكرا عطلة رسمية
معناها بكرا يوم سياسة القطيع بجدارة
وحتى لو مافي ضخ دولار بالسوق
الدولار البيتوتي كفيل باستمرار ارتفاع الليرة
فيه خوف كبير من الناس والاشاعات مافي اكتر منها
يللي شاري للادخار متلي ماله مصلحة يبيع
اذا باع معناها تحول من مدخر الى مضارب والمضارب معرض للخسارة
اما المدخر فلا يبيع الا عند استقرار الاوضاع السياسية والاقتصادية ووضوح الرؤيا

[Dynamic Pulse]

دمشق الآن
الصراف ماعم يرد عالهاتف
بس حسب ماسمعت أنو السوق مسك شوي
إذا حدا بيعرف السعر المزبوط يخبرنا

[Amjad_S]

اقتباس: المشاركة الأصلية كتبت بواسطة RAFEK    ومنصير 2 انت وانا فعلا شر البلية ما يضحك

منصير 3

[dollar]

اقتباس: المشاركة الأصلية كتبت بواسطة محمد البيك    الرئيسية / الأخبار / خاص: الليرة السورية تنتعش بقوة.. ما هي الاسباب وما هو الدور القطري ؟ خاص: الليرة السورية تنتعش بقوة.. ما هي الاسباب وما هو الدور القطري ؟؟ خاص – أوقات الشام: يشهد سوق الصرف في سوريا حركة قوية هذه الأيام حيث تشهد الليرة السورية ارتفاعات يومية أمام الدولار الأمريكي حيث سجلت اليوم سعر 141 ليرة سورية للدولار الواحد بانخفاض أكثر من 15 ليرة في يوم واحد وبانخفاض حوالي 35 ليرة خلال الاسبوع الماضي من 175 ليرة الى 141 ليرة للدولار الواحد حسب اقفال سوق الصرف اليوم. و يتسائل السوريون عن أسباب هذه الانطلاقة القوية لليرة السورية وفيما إذا كانت ستستمر. وفي معلومات خاصة حصلت عليها وكالة أوقات الشام الاخبارية فان سبب ارتفاع سعر صرف الليرة السورية تحكمه عوامل عدة: 1- الحملة التي شنتها الحكومة السورية على المتلاعبين بسعر الصرف و إغلاق العديد من محلات الصرافة في دمشق. 2- وضوح المشهد السياسي بعد انتصار النظام السوري بشكل واضح بما يشكله من دعامة لوحدة الدولة السورية و استقرارها. 3 – و هو العامل المستجد كما أكد لموقع أوقات الشام مصدر مطلع و هو الانسحاب القطري من محاربة الليرة السورية في أسواق الصرف و ربما البدء في دعمها أيضا من تحت الطاولة في إطار سلة كاملة تحاول قطر اعادة العلاقات المقطوعةمع دمشق حيث تائي الافراج على المخطوين اللبنانين في اعزازودعم الليرةالسورية في اطار مبادرةحسن النوايا القطرية وقداكد المصدرللموقعنا انة من المتوقع استمرار سعر صرف لليرةبالتحسن كما انة من المتوقع ان تشهد قفزات نوعية في حال قررت السعوديةاللحاق بالركب القطري والتوقف عن الحرب التي تشنها على سورية عسكريا وسياسياواقتصاديا وقدانهى المصدر كلامة بان المفاجات السارة ستتوالى ان كان على صعيد العسكري او على صعيد الاقتصادي خلال ايام الاسا بيع القادمة

مقال جيد بس في بعض التساؤلات
1- ليش من تحت الطاولة
2- مازال قطر بدها تدعم الحكومة ليش المركزي عم يشتري باغلى من السوق , معقول الحكومة معتبرة المركزي مو من مؤسساتها او المركزي عم يوهمنا انو مو دريان بشي .
3- يعني اذا حبت السعودية تتبادل الدور مع قطر رح نرجع نتبهدل .
شكرا

[mak]

اقتباس: المشاركة الأصلية كتبت بواسطة sam sam    مساء الخير شباب شو تفسير انو التجاري السوري اشترا اليوم على 148 ل س لكل دولار وليش شترا بخساره الرجاء تفسير

الله العليم انو المركزي كان مبلش اللعبة و مفكر ما حدا صفي غيرو بالسوق.....و الظاهر طلع في لعيبة غيرو......هلأ هو مضطر يكمل باللعبة للأخر ....و انشالله ما يطلع خسران.......المشكلة انو بكرة عطلة و ما راح يحسن يلم الدولار يللي بيجوز ينكب ببلاش......بس اذا استمر الوضع هيك و سعر المركزي ثابت او على الأقل اعلى بشوي من السوق بيكون عم يلعبها صح .....لأنو بالعادة رد المركزي على هيك حركة بيكون ينزل السعر بيقومو الشباب ببلشو يلمو و بيشترو منو عالرخيص...بس هيك بيحسن يعوض ....و لهلأ هو ربحان لأنو باع باسعار تدخل اعلى من فوق و من تحت الطاولة......الظاهر لعبة كسر العظم بلشت ...و الله يجيرنا

[dollar]

اقتباس: المشاركة الأصلية كتبت بواسطة osama289    كم يوم ويمكن كم ساعة وبعلن افلاسي رسميا الله لا يوفق اللي كان السبب

- بعيد الشر عنك و عن الجميع و الله يعوضنا باحسن - المهم الصحة -

[Razan Salkini]

150 مليون دولار ضختها قطر في صفقة الافراج عن المخطوفين اللبنانيين لاحد كتائب الجيش الحر تساوي ما تدخل به المركزي خلال سنة

[حكيم الزمان]

• عاجل: وزير المالية خلفا لقدري جميل في رئاسة اللجنة الاقتصادية
  
  سيريانديز
  
  
  
  
  

[أحمد الأحمد]

اقتباس: المشاركة الأصلية كتبت بواسطة sam sam    مساء الخير شباب شو تفسير انو التجاري السوري اشترا اليوم على 148 ل س لكل دولار وليش شترا بخساره الرجاء تفسير

برأي تمويه وذر الرماد في العيون
ال يعني مالو علاقة باللي عم بيصير بالسوق السوداء