صالة أسعار الدولار والذهب مقابل الليرة السورية ليوم السبت 2-11-2013

[hasobman]

اعلن انا شخصيا عن تدخل بكرة ببيع 100 دولار عدا ونقدا
وغالبا يا شباب بس ادخل انا بالسوق وابيع بيرتفع السعر بعد ما ابيع واتخوزق
هيك العادة طبعا

[عابر مجيب]

اقتباس: المشاركة الأصلية كتبت بواسطة eng.mdkh    المقصود من كلامي أنو مثلاً : الكويت تصديرها للنفط أقل بكتير من تصدير السعودية و مع هيك عملتها أقوى بكتير من السعودية مثال بالطرف الآخر: الإمارات فيها مشاريع و نفط و استثمارات أكتر من قطر و مع هيك عملتهما متقاربة ... قصدي وصل لفكرة أنو المجتمع الدولي له من القصيدة بيتاً بالموضوع .

اليوم كنت عم اكتبلك مشاركة ، انقطعت الكهرباء وراحت ، بصراحة ما زعلت عليها لأني ما كنت كتير موفق بالصياغة ، حاولت وصل الفكرة بس ما كانت واضحة ، هلأ خطر ببالي شرح ممكن يوفي بالغرض .

لو جبنا قطعة ألف ليرة سورية ، ومسحنا الكتابة ، بشرط الابقاء على قيمة الورقة الشرائية ، وكتبنا على الورقة رقم 5ليرات بدل الألف ، هل هاد بيساوي عملتنا واقتصادنا أقوى ؟
هلأ لو عدنا نفس العملية وبدل الخمسة كتبنا 200000 وضلت الورقة بقيمة الألف القديمة ، بيكون انهار اقتصادنا ؟
قوة العملة وقوة الاقتصاد مو عدد ليرات كتيرة أو قليلة مقابل عملة تانية ، القوة بالميزان التجاري والاحتياطي .
زيادة أو نقص الأصفار بالعملة ما بيعني شي ، بس بيصعب الحساب على الناس ، يعني بالحالتين الأولى بيصير ثمن ربطة الخبز تبع 15 ليرة سبع قروش ونص ، وبالحالة التانية بتصير سعرها 3000 ليرة ، وبالحالتين هنن نفسهم الـ 15 ليرة لا زادو ولا نقصو. وطبعا بيكون كل شي بنفس النسبة يعني اللي راتيو 15000 بيصير راتبو 75 ليرة . ووقتها بيصير الدولار بـ 80 غرشا سوريا . شو تغيير ؟ بنكون سبقنا الكويت ؟
بتمنى كون وصلت اللي بدي اشرحو .

[eng.mdkh]

اقتباس: المشاركة الأصلية كتبت بواسطة عابر مجيب    اليوم كنت عم اكتبلك مشاركة ، انقطعت الكهرباء وراحت ، بصراحة ما زعلت عليها لأني ما كنت كتير موفق بالصياغة ، حاولت وصل الفكرة بس ما كانت واضحة ، هلأ خطر ببالي شرح ممكن يوفي بالغرض . لو جبنا قطعة ألف ليرة سورية ، ومسحنا الكتابة ، بشرط الابقاء على قيمة الورقة الشرائية ، وكتبنا على الورقة رقم 5ليرات بدل الألف ، هل هاد بيساوي عملتنا واقتصادنا أقوى ؟ هلأ لو عدنا نفس العملية وبدل الخمسة كتبنا 200000 وضلت الورقة بقيمة الألف القديمة ، بيكون انهار اقتصادنا ؟ قوة العملة وقوة الاقتصاد مو عدد ليرات كتيرة أو قليلة مقابل عملة تانية ، القوة بالميزان التجاري والاحتياطي . زيادة أو نقص الأصفار بالعملة ما بيعني شي ، بس بيصعب الحساب على الناس ، يعني بالحالتين الأولى بيصير ثمن ربطة الخبز تبع 15 ليرة سبع قروش ونص ، وبالحالة التانية بتصير سعرها 3000 ليرة ، وبالحالتين هنن نفسهم الـ 15 ليرة لا زادو ولا نقصو. وطبعا بيكون كل شي بنفس النسبة يعني اللي راتيو 15000 بيصير راتبو 75 ليرة . ووقتها بيصير الدولار بـ 80 غرشا سوريا . شو تغيير ؟ بنكون سبقنا الكويت ؟ بتمنى كون وصلت اللي بدي اشرحو .

ما اختلفنا ...
بس قصدي موضوع سعر كل عملة بالنسبة للدولار ليس فقط اقتصاد و نفط و استثمارات ...
قصدي أن هناك مجتمع دولي و بنك دولي و سياسة أيضاً .. تساهم في وضع قيمة و وزن كل عملة و قيمتها الشرائية بالنسبة للعملات الأخرى ...
قصدي كمان : أنو حتى لو خربانة البلد و فايت الاقتصاد بستمائة حيط ... ممكن يكون الدولار بـ مائة ليرة .، و بالطرف الآخر : ممكن يكون اقتصاد قوي و متين و استثمارات و بالنهاية ليرة تركية ضعيفة بالنسبة للعملات الأخرى ..... هناك بنك دولي و سياسة

[مجد]

اقتباس: المشاركة الأصلية كتبت بواسطة جوليت    خاص سيرياستوكس .................. اجراء سيدخل البورصة السورية سيقلب الموازين (ايجابا للبعض وسلبا للبعض ) وعاسيرة الحوالات تبع ويسترن ... لاتأكد من شغلة هناك سيربرايس

اذا القصد تطبيق الضريبة 2 بالمئة على البورصة هاد سيدمر البورصة