صالة أسعار الدولار والذهب مقابل الليرة السورية ليوم الثلاثاء 15-10-2013

[ameer syria]

اقتباس: المشاركة الأصلية كتبت بواسطة انس الحموي    اخي طارق ابو الذهب بالنسبة لسؤالك قبل ان اجيب عليه يجب معرفة السعر المتوفر حاليا بمحافظتك وبناء عليه يمكن رسم مسار معين ...رح اتكلم عن محافظة حماة ,,, حماة طيلة فترة النهار والى الان....شراء 175 ....مبيع 178 متوفر بالاتجاهين مع تخوف من البيع بسبب عدم توفر البديل خصوصا التجار والصرافين وحتى الهوامير خارج التغطيه .... من خلال دراسة السوق بحماة لم يكسر سعر الصرف نقطة 170 الا بصعوبة وبفارق ليرة ولمدة قصيرة جدا وما لبث بالارتداد على الرغم من كثرة المعروض وعلى الرغم من جميع العوامل التي ذكرناها والتي كانت لصالح نزول سعر الصرف قبل فترة العيد بثلاثة ايام ومع ذلك تم امتصاص جميع المبالغ المعروضة ...المسار المرسوم عند معظم الهوامير والحيتان والمضاربين كما يلي صعود تدريجي للدولار حتى وصوله لنقطة 200 والتي اصبحت نقطة مقاومة مؤقته مرهونه بفترة زمنيه معينه ... وعندها سوف يبدأ الجميع بعمليات بيع وجني ارباح بعضهم بنصف راس مال وبعضه بثلثه والبعض منهم بجميع راس ماله بترجع هل الامور لكل مضارب وحسب مدى حبه للمخاطرة ..خصوصا المعظم دخل بنقطة 172 وبالتالي عندما يبدأ المعروض بكثرة سوف نشهد عمليات ارتداد كم يمكن ان يكون مقدارها ربما للمنطقة 180 او 175 والتي اصبحت نقطة دعم لا يحبذ الكثير المخاطرة للنزول لاسفل منها والدخول ... رح يشهد السوق استقرار لبعد العيد ومن ثم معاودة الصعود لنقطة 200 ...السيناريو المتبع في هذه الحاله بالنسبة لتحليلي الشخصي الخروج بنص راس المال وتقسيم نصف راس المال الخارج به الى قسمين القسم الاول تعويض سريع عند نقطة 190 وبالتالي جني ربح 10 ليرات وفي حال متابعة الهبوط الدخول بنقطة 180 بالقسم الثاني وبالتالي جني ارباح 20 ليرة ...وفي حال نزوله لنقطة 190 وثباته فترة بسيطه وعدم نزوله تحت 190 يفضل الاسراع والدخول بالقسم الثاني ...باعتقادي رح نشهد نقاط 180 190 200 على الاقل بالفترة الزمنية الممتدة قبل نهاية العام واكيد قبل نهاية العام باسبوعين في تحليل رح يتم وضعه ان شاء الله ...هادا تحليلي المتواضع وليست دعوة للشراء او البيع

تحياتي أخي أنس تحليلك منطقي وقريب لحالة السوق

[خيرو الشامي]

كل عام وانتم............................................. ...................بخير
وطن بلا عيد ....اجمل من عيد بلا وطن

لا تعتاد الصراخ ابدا...فمن يفهمك يسمع صوتك جيدا.............جبران خليل جبران
الاشياء في السوق رائعة وجميلة...لكن قبل ان نقرأسعرها.........طفران خليل طفران

[علاء 2]

كل عام وانتوا بخير للجميع اديش الدولار في حماه وشو توقعات

[غالب]

اقتباس: المشاركة الأصلية كتبت بواسطة ghasangsb    أين مشاركتي بالتهنئة بالعيد علماً أنه تم رفعها بحدود السابعة والنصف مساءً أريد جواباً مقنعاً ............ وإلا فعتبي شديد

هذه هي

كلو معيد ومعطل و لا تعتب علينا

[جوليت]

مسا الخير
عم شوف تحاليل اليوم لمسار الصرف , جد شي بحزن .... وكأنو يلي عم يكتب هالتحليل مو عايش بالبلد ولا بيعرف السوق ولا المركزي .... كلو خير ولبعد العيد وعليكن خير

[انس الحموي]

اقتباس: المشاركة الأصلية كتبت بواسطة جوليت    مسا الخير عم شوف تحاليل اليوم لمسار الصرف , جد شي بحزن .... وكأنو يلي عم يكتب هالتحليل مو عايش بالبلد ولا بيعرف السوق ولا المركزي .... كلو خير ولبعد العيد وعليكن خير

بالفعل شي بحزن وببتسم لما بشوف كلامك بما انك عايشة بالبلد وبتعرفي حركة السوق والمركزي تفضلي اكتبيلنا تحليلك والنقاط الدنيا والعليا يلي رح نشهدها بالاسبوع والشهر القادم

[جوليت]

اقتباس: المشاركة الأصلية كتبت بواسطة انس الحموي    بالفعل شي بحزن وببتسم لما بشوف كلامك بما انك عايشة بالبلد وبتعرفي حركة السوق والمركزي تفضلي اكتبيلنا تحليلك والنقاط الدنيا والعليا يلي رح نشهدها بالاسبوع والشهر القادم

يا اخ انس مو هون القصة , صار الموضوع صعب , وصارت خسائر العالم يلي عم تشتغل بالهلموضوع كبيرة وانا عندي بيانات لو بيسمح الامر لانشرها لحتى عقلك يطير من حجمها, انا لما بنقد مشاركة مو معناتا عم انقد شخص , يعني انا مو خسرانة شي , لاشهرة بدي ولا زيادة ارباح ناقصتني ولا شي من هادا ولا هدفي وجه حدا باتجاه معين , انا وصلت مع الامر صرت حط توقعات بالضبط لسعر الصرف غدا وزبطت بكتير من الاحيان , انت بالسوق وبتعرف انو المتغيرات ممكن تتغير باللحظة ., وعفكرة تحليلك ممتاز , ولكن اذا ماانعرف ايمتا كل مرحلة من النقاط يلي تفضلت فيها حضرتك تبدأ وايمتا بتنتهي , بضع اشخاص رح يستفادو من الموضوع يلي ذكرتو لانو مارح يلحق يتصرف , والباقي رح يتكبد خسائر

[خليل حسو]

مساء الخير
في ظل الوضع الموجود حاليا بسورية مارح يكون استقرار بسعر الصرف يعني مارح نشوف الدولار بسعر معين مستقر بفترة معينة.

الدولار أو (أي عملة أجنبية أخرى) طالع وطالع بس المركزي بكل فترة عم يعلن عن تدخله وبيوقفلو فريم أو بيعلن عن إلقاء القبض عالصرافين غير النظاميين وحتى النظاميين, أو بيصرح بوجود دولارات مزورة في السوق..........

الاستقرار رح يتواجد لما البلد رح يستقر (إن شاء الله) وحاليا مافي أي بوادر للاستقرار عالمدى القريب.
ولنفرض أنو السعر 150 مقبول عند كل الناس كبارا وصغارا
كيف التجار الكبار (ولا ننسى الحكومة) رح يقتنعو أنو الدولار ب 150 حتى يسعرو بضائعهم عاهدا الأساس بالوقت اللي عم نشوفهم عم يسعرو بضائعهم وخدماتهم عا 200 وحتى 250 إلاّ اللّهم إذا تم فرض رقابة شديدة عليهم وقتها رح يكون لكل مقام مقال.
هذا رأيي فما رأيكم؟

[حمصي مع سبق الاصرار]

كلنا كالقمر ....
له جانب مظلم

مساء الخير
احد الزملاء عنده فريق تدقيق لغوي ... معظم مشاركاته معدلة ؟؟؟

[حمصي مع سبق الاصرار]

اقتباس: المشاركة الأصلية كتبت بواسطة خليل حسو    مساء الخير في ظل الوضع الموجود حاليا بسورية مارح يكون استقرار بسعر الصرف يعني مارح نشوف الدولار بسعر معين مستقر بفترة معينة. الدولار أو (أي عملة أجنبية أخرى) طالع وطالع بس المركزي بكل فترة عم يعلن عن تدخله وبيوقفلو فريم أو بيعلن عن إلقاء القبض عالصرافين غير النظاميين وحتى النظاميين, أو بيصرح بوجود دولارات مزورة في السوق.......... الاستقرار رح يتواجد لما البلد رح يستقر (إن شاء الله) وحاليا مافي أي بوادر للاستقرار عالمدى القريب. ولنفرض أنو السعر 150 مقبول عند كل الناس كبارا وصغارا كيف التجار الكبار (ولا ننسى الحكومة) رح يقتنعو أنو الدولار ب 150 حتى يسعرو بضائعهم عاهدا الأساس بالوقت اللي عم نشوفهم عم يسعرو بضائعهم وخدماتهم عا 200 وحتى 250 إلاّ اللّهم إذا تم فرض رقابة شديدة عليهم وقتها رح يكون لكل مقام مقال. هذا رأيي فما رأيكم؟

مساء الخير اخي خليل
كلامك جميل لغاية موضوع الرقابة
بالحالة العامة لما بتشتري غرض و بقلك غالي !!
بتقلي جبلي بالسعر الارخص .. صح ؟
لما يلي عم يقولوا انو التجار حاططين اسعار عالية و غير حقيقية يجيبولنا هنن بالاسعار المعقولة
خلي صالات التجزئة تبيع المواطن بالاسعار المعقولة
انا ما عم دافع عن التجار لان مرت فترات رفعوا اسعار فيها خلال تخبط السوق و مو الكل طبعا
بس القصة و ما فيها اننا ملينا من تراشق الاتهامات