صالة أسعار صرف الدولار والذهب وباقي العملات مقابل الليرة السورية ليوم الخميس 29-8-2013

[memo86]

صباح الخير للجميع..
إذا بتريدوا ياريت تحطوا سعر الصرف باللاذقية أول بأول وبكير لأنه الواحد مرح يستفيد شي من رؤيته مكتوب بنص الليل!
وحاليا عند مين فينا نصرف ومشكورين سلفا

[cold0zero]

اقتباس: المشاركة الأصلية كتبت بواسطة عابر مجيب    ما بتتخيلي أديش مقهور من اللي عم تعاني منه الناس لما بتضرب المثل بالضياع والفقد الكامل ، بتقول راح فرق عملة بس كأني فهمت من صفحة مبارح بعد إغلاقها بحيث لم أتمكن من السؤال ، نعم فهمت ان الحوالة وصلت ، وانت عم تسألي إذا أفضل تأخري الاستلام أو لا . بظن وانشاء الله يكون غلط ، أن الحوالة بتنصرف بسعر يوم وصولها مو يوم الاستلام . وبيضلوا بالويسترن يونيون وما بيروحوا ، ممكن تروحي خلال 3 أشهر على ما أظن ويمكن أكتر

كلامك صحيح استاذ الحوالة بتضل موجودة بسعر اليوم اللي وصلت فيه و ما بتتغير لو ارتفع السعر او نزل لهيك الحوالة تبع اخت حلبية رح تنصرف ع سعر 182 شو ما صار يصير

انا اللي بعرفه من شب بيشتغل بمكتب حوالات تابع لويسترن وهوة خبرني ان الحوالة بتضل 40 يوم اذا ما استلمها بترجع ع الدولة اللي انبعتت منها

عوضك ع الله بالخسارة بفرق الحوالة و انا اكلها كتير من قبل

[أبوخالد]

اقتباس: المشاركة الأصلية كتبت بواسطة cold0zero    انا اللي بعرفه من شب بيشتغل بمكتب حوالات تابع لويسترن وهوة خبرني ان الحوالة بتضل 40 يوم اذا ما استلمها بترجع ع الدولة اللي انبعتت منها عوضك ع الله بالخسارة بفرق الحوالة و انا اكلها كتير من قبل

معناها على صاحب الحوالة أن يحسب الفرق

يعني لو لم يستلم الحوالة و عادت الى البلد المرسل سيكون عليه دفع كلفة التحويل من جديد لاستلامها من لبنان + كلفة السفر الى لبنان لاستلام الحوالة

و يقارن لو استلمها اليوم قديش الفرق لح يكون ؟

[HamzaNorAldeen]

صباح الخير
البارحة مساء تم الشراء بسعر 270 ل.س
وبعدها صحلي ب 255 ل.س بس مشي الحال
الأسعار من دمشق طبعاً

[moutaz]

اقتباس: المشاركة الأصلية كتبت بواسطة أبوخالد    معناها على صاحب الحوالة أن يحسب الفرق يعني لو لم يستلم الحوالة و عادت الى البلد المرسل سيكون عليه دفع كلفة التحويل من جديد لاستلامها من لبنان + كلفة السفر الى لبنان لاستلام الحوالة و يقارن لو استلمها اليوم قديش الفرق لح يكون ؟

إذا مبلغ الحوالة كبير يعني أكتر من 5000 دولار, بتنقبض بالدولار من فروع بنك البركة.

[le liooooon]

صباح الخير للجميع
شكرا لمساهماتكم

[عابر مجيب]

اقتباس: المشاركة الأصلية كتبت بواسطة ابن الجبل    شباب في حدا يدلني بلبنان وين الواحد بلاقي أفضل سعر تصريف طبعا من بيروت الى شتورة يعني خط بيروت الشام

على حد علمي مافي إلا بالمدينة أوشتورا ، على الطريق ممكن تلاقي مطعم أو سوبرماركت أو استراحة ، بس صراف إن وجد ما بيتأمن ، وبظن مافي . بشتورا في ساحة فيها سرافيس لزحلة وبيروت والشام ، وانت قادم من بيروت السيارات على اليسار ، وبتلاقي صف محلات أول واحد سوبرماركت وبياع جملة ، بعده في صراف كنت اتعامل معه من زمان ، أسعاره جيدة وكان اللي بالمحل لطيف وحباب .

[المضارب الحسكاوي]

يوم سعيد للجميع
من خلال السوال في القامشلي والحسكة والرقة تبين لنا ان جميع اصحاب المحلات والتجار واصحاب المعامل والمزارعيين وكل من لديه راس مال كاش تحول الى العمل في المضاربة بالليرة السورية
واتوقع اول مرة في التاريخ الاقتصادي دولة مهددة بالحرب يرتفع قيمة عملتها قبل اعلان الحرب
امبارح انخفض سعر دولار في القامشلي خمسين ليرة تأمل يرعاك الله

[dollar]

اقتباس: المشاركة الأصلية كتبت بواسطة عابر مجيب    مساء الخير تحليلات وتكهنات بنقول ما في تاجر ومنجم ، وبنرجع بننسى وبنّجم اشاعات مبنية على رغبات أصحابها ، ولا أساس لها من الصحة اشاعات مبنية على الخوف والهلع ، وأيضا لا أساس لها ممكن تساؤلات لوعرفنا أجوبتها ممكن نوصل للحقيقة وغير هيك مافي شي أكيد . الدولار ممكن يرتفع في البداية لرقم قياسي ثم يعود قليلا بعد أن يتحول القصف إلى روتين الأكيد الوحيد هو أن سعر الدولار غير حقيقي والدليل تدخل المركزي لضبط السعر ومن المؤكد أيضا ان هنالك من تخلى عنا ان موعد الضربة مجرد اشاعة ان تأخير الضربة يضر أكثر ، فوقوع البلاء أهون من انتظاره ما يتم تداوله من انباء عن موعد الضربة فجر الخميس ومن أرفع المستويات المحلية مخطئ حتما من سيطرح الدولار المزور سيستبدل به الاحتياطي بعد نهبه أخيرا اتمنى ان يكون رد سوريا حاسما ضد من تخلى عنها قبل غيرهم من المتفرجين .

استاذ عابر
الحمد لله على السلامة

[$ABOUD]

للتذكير والنشـــــر اخواني واخوتي ...

الله يحميكن جميعاً . :(

هــــــــام :

للاحتياط هذي نصيحة من اخونا عراقي عاش 3 حروب مع امريكا
ب1991 و1997 و2003
اذا في حدا بيته قريب على وزارة او منشأة عسكرية او دائرة امنية او محطة كهرباء ياريت يطلع بأسرع وقت الى مكان امن لحين هدوء الوضع للاحتياط فقط لان الصواريخ الامريكية مابترحم والغارة الامريكة مابترجع لتساوي الهدف بالارض ومابيهمها عدد المدنيين بمحيط الهدف ..
لصق الشبابيك والابواب الزجاج بالشريط اللاصق الكبير على شكل علامة x ودائما اتركو الشبابيك مفتوحة بسبب قوة عصف انفجارات الصواريخ قد تؤدي الى تكسيرها ..
اذا تركتو البيت حاولو تسكرو الباب بطريقة يصعب فتحها اذا صار في نهب وسرقة