صالون سيرياستوكس للعطلات ( 15&16&17&18 ) - 8 - 2013

[omar1964]

[غالب]

اقتباس: المشاركة الأصلية كتبت بواسطة omar1964    الف شكر اخي ابو النور أنا مشتاق كتير اتعرف عليكم شخصيا و ان شاء الله اول زيارة للشام بتشّرف بزيارتكم .. .. لما بشوف صوركم ايام الرحلات و اللقاءات الماضية كتير بنبسط و بتمنى ترجع تجدد اللقاءات و اللمة الحلوة ..

الرحلة الجماعية الجاية الى السلمية حضر حالك وشوفلنا فندق وادعي تكون قريبة

[omar1964]

اقتباس: المشاركة الأصلية كتبت بواسطة mouayad    هلأ عرفنا مصدر الدولارات المزورة بدقة هههه بس بشكل اخوي دير بالك لأنوا هي تعتبر تهمة وفيها حبس كان اخي عنده دعوى لشخص صور بالة التصوير 500 مدري 1000 وخاصة اذا الصورة ملونة

و الله صحيح
رح نخليه يتسلى بشي لعبة جديدة يطبع صور عصافير أو ياسمين ..
أحسن ما يطالعونا عم نخرّب الاقتصاد الوطني ..

معزومين كلكم عنا على أكلة شعبية " سيالات بسمن عربي و لوز بلدي "

[omar1964]

اقتباس: المشاركة الأصلية كتبت بواسطة غالب    الرحلة الجماعية الجاية الى السلمية حضر حالك وشوفلنا فندق وادعي تكون قريبة

أنا جاهز شرفوا انت و الشباب
و ما عليك واجبكم بيحضر مباشرة
و الامور عنا لحد الآن مقبولة
هي دعوة رسمية بتمنى تقبلوها و تشرفوني بزيارة

[abu mhd]

اقتباس: المشاركة الأصلية كتبت بواسطة omar1964    و الله صحيح رح نخليه يتسلى بشي لعبة جديدة يطبع صور عصافير أو ياسمين .. أحسن ما يطالعونا عم نخرّب الاقتصاد الوطني .. معزومين كلكم عنا على أكلة شعبية " سيالات بسمن عربي و لوز بلدي "

ذكرتني فيها هالأكلة كانت جارتنا ببيت اهلي من السلمية وكانت تعزمنا عليها احيانا
اكلة مميزة بس لا ينصح بها ابدا لجماعة الدايت السكر و خلافه
كانت تساويها بالجوز وقتها ايام ما كان الجوز رخيص وكويس

[غالب]

اقتباس: المشاركة الأصلية كتبت بواسطة omar1964    أنا جاهز شرفوا انت و الشباب و ما عليك واجبكم بيحضر مباشرة و الامور عنا لحد الآن مقبولة هي دعوة رسمية بتمنى تقبلوها و تشرفرني بزيارة

كيف بدنا نشرفرنك صعبة لا تشرفرنا ولا نشرفرنك . كثير هاي خليها تشرفوني احسن هههههههه

[omar1964]

اقتباس: المشاركة الأصلية كتبت بواسطة mouayad    ذكرتني فيها هالأكلة كانت جارتنا ببيت اهلي من السلمية وكانت تعزمنا عليها احيانا اكلة مميزة بس لا ينصح بها ابدا لجماعة الدايت السكر و خلافه كانت تساويها بالجوز وقتها ايام ما كان الجوز رخيص وكويس

بتعرف أخ مؤيد
كتير من الأكلات الشعبية القديمة مظلومة بدعايات الحمية و انو بتضر
بالنسبة للسكر الأبيض أكيد في منو ضرر لأصحاب الأمراض
بس قصدي عن الأكلات يلي فيها سكر طبيعي " سكر العنب أو سكر الفواكه "
و خاصة الفواكه المجففة متل الزبيب و المشمش المجفف مرة جبت منو من تركيا كتير رائع
و سمن الغنم العربي كتير بيظلموه لما بيقولو انو بيرفع الكوليسترول ..بدون ما يدرسوا تركيبه
أنا بأكد أنو من أقل المواد الدسمة الي بترفع الكوليستول و الشحوم ..
بالنسبة للمواد الدسمة الموجودة الطبيعية أو الصناعية ما في مادة أنفع و أقل ضرر من سمن الغنم غير زيت الزيتون و الباقي كله بيجي رقم 2 بس مع الآسف ما عنا مراكز تبين هالمعلومات..
متل أمريكا عملو لزيت الدرة دعاية على مدى سنين صارت الناس تفكر انو المازولا دوا .. و صار أغلى من زيت الزيتون
و لو يعرفوا بس الفرق بين طريقة الحصول على زيت الدرة و زيت الزيتون ما كان حدا بياخد زيت درة ..
و لو يعرفوا كمان انو سمن الغنم أفضل من سمن البقر الهولندي او الافرنسي بكتير من ناحية التركيب و خاصة للمكونات و الفيتامينات يلي بتعطي النكهة المميزة . كانوا اكيد رح يفضلوه عالمستورد ..

[omar1964]

اقتباس: المشاركة الأصلية كتبت بواسطة غالب    كيف بدنا نشرفرنك صعبة لا تشرفرنا ولا نشرفرنك . كثير هاي خليها تشرفوني احسن هههههههه

هههههه
مع انو الراء بعيدة عن الواو عالكيبورد
بينهم جبل و وادي

[omar1964]

[omar1964]