صالة أسعار صرف الدولار وباقي العملات مقابل الليرة السورية ليوم الاثنين 12-8-2013

[eng.mdkh]

خارج سياق الدولار:
اليوم شرطي مرور كان عم يتعالج مع شفير سوزوكي ، بعد الأخد و العطا ...ما رضي الشرطي إلا يكتبو مخالفة ..
قام الشفير سب الشرطي على الملأ مسبة ماكنة ... الشرطي هون قال له رح تعرف كيف ولدنة الحرام ، و قال لرفيقه يركب بالسوزوكي مشان هوي يحاكي الملازم ..
و الله أنا زعلت على الشفير و رحت عند الشرطي و قلت له : العالم لبعضها ، و انت ممكن تكون بمشكلة و الله يفك لك ياها ... بقى مشي الأمور و طول بالك
المهم ما رضي و مارضي ، و أنا لما قول له : الناس لبعضها ، هوي يقول : أنا مو لحدى.
المهم صار شوية عجقة ، و ما كان يرد عليي ..
بعدين قلت له : هلأ بيجي الأمن و شوفة عينك صار عجقة ، منكون بشي منصير بشي .
و الله أول ما قلت هيك راح قال لرفيقه الشرطي : طلاع من السيارة ، خلص كرمال هالعالم رح نمشي الأمور .
هههههههههههه ... حسبي الله و نعم الوكيل
المهم في القصة : أنو عم تحكش ببالي من زمان شلون هيك الحكومة تسعيرة الباص بعشرين ليرة ، و عم ياخد 25 ليرة و ما حدى عم يخالفه و لا عم يحكي معو .... و الله عيب ... يعني لازم إما يصدروا تسعيرة تمشي عليها الباصات أو بلا التسعيرة كلها ... مشان هيبة الحكومة !!!

[حمصي مع سبق الاصرار]

اقتباس: المشاركة الأصلية كتبت بواسطة osama289    السلام عليكم جميعا لو ندرجها بدل صباح الخير ومسا الخير منكسب عشر حسنات للقايل وللمجيب وكل واحد حر طبعا انما هاد مقترح ثانيا كم عدد المشاركات اللي لازم نوصلو لتفعيل استخدام الرسائل الخاصة وازالة الرقابة عن المشاركات للعضو و متم بخير وسلام الله عليكم وهي عشر حسنات مرة تانية هي التجارة مع رب العالمين

و عليكم السلام و مسا الخير و هاي و رفعة حواجب و رفع ايد بما انو القصد هو المطلوب و يسروا و لا تعسروا
بس لا تدعي علينا شيخنا ؟؟؟؟؟؟؟؟؟؟؟
ما حدا بيموت و بيبقى بخير ههههههههههه

[عابر مجيب]

اقتباس: المشاركة الأصلية كتبت بواسطة osama289    السلام عليكم جميعا لو ندرجها بدل صباح الخير ومسا الخير منكسب عشر حسنات للقايل وللمجيب وكل واحد حر طبعا انما هاد مقترح ثانيا كم عدد المشاركات اللي لازم نوصلو لتفعيل استخدام الرسائل الخاصة وازالة الرقابة عن المشاركات للعضو و متم بخير وسلام الله عليكم وهي عشر حسنات مرة تانية هي التجارة مع رب العالمين

الموضوع خارج عن الدولار بس نحنا باسبوع عيد ، بيمشولنا ياها .
الأصل في التحية هو افشاء السلام والمحبة بين الناس
فلو كنا في بلد اسلامي صرف ، كان الأفضل قول السلام عليكم ، ويقابلها عند اخواننا المسيحيين السلام لكم ، ولكنهم لا يستعملونها ( خصوصا في مصر ) تحاشيا للمشاكل والتمييز.
لو كان سلامي يثير حفيظة البعض من الطوائف الأخرى ، فلن يكون افشاءا للسلام ، بل نشرا للنعرات والضغينة ، وبذلك يفقد السلام الهدف منه .
صباح الخير ترضي الجميع ، وتنشر المحبة والسلام معا . ويكون ثوابها أعظم .

[eng.mdkh]

اقتباس: المشاركة الأصلية كتبت بواسطة pop75    اتوقع انه يصير العالم كلها بدها تشتري و اللي كان عنده وديعه بالليرة السوري راح يسحبها لانه راح تكون هي افضل فرصة لتعويض الخسارة و ممكن ما تتكرر

لا تخاف عليه :
1- بقول إنو رح ينزل الدولار أكتر من هيك و بفترة قريبة للـ 120 - طبعاً مو شرط الصدق –
2- ببيع كميات بسيطة و خلي الناس تشتري من السوق السوداء " المهم في شريحة كبيرة رح تخلي السوري معها ظناً منها رح يكون نزول أكبر للدولار ، أو ظناً منها ستحصل عليه من شركات الصرافة بالدور.
3- هي بالنهاية افتراضات : اعتقد وصلنا لمرحلة لا يعرف الواحد ما هو الأفضل

[غسان]

يجماعة لا 150 ولا طلت طلاليلو اي هنة النص ليرة عم يحسبوها مدري الربع ليرة
يعني التدخل تدريجي لازم اول نشوف 172 وال 170 وهكذا وكل تخفيض له كلفة عالية جدا على الحكومة
لذلك لا تتأملوا اسعار بعيدة عن الواقع

[غالب]

اقتباس: المشاركة الأصلية كتبت بواسطة مرهف83    استفسار من المشرفين .. بأسفل الصفحة كان هناك مؤشر سعر الذهب ... هل تمت إزالته أم أنه ما زال موجودا والخلل من عندي

الخلل من عندي

[حمصي مع سبق الاصرار]

مساء الخير للجميع
مساء مميز للاستاذ عابر
اسف ما كان قصدي اسرق الفكرة بس على قولة غوار : توارد افكار