صاله سعر صرف الدولار مقابل الليرة السورية ليوم الثلاثاء 30-7-2013

[عابر مجيب]

اقتباس: المشاركة الأصلية كتبت بواسطة انس بكور    اكتر الشي بتعجبني هل العبارة يلي بكرروها كل مرة ونص تعميم، حصل "الاقتصادي" على نسخة منه، على أن "عدم الالتزام والحضور والمشاركة في عملية التدخل المشار إليه أعلاه دون عذر مقبول بناء على تقييم مصرف سورية المركزي سيعتبر مخالفا للتعليمات والقوانين الناظمة لعمل مؤسسات الصرافة والدورالواجب عليها القيام به". وأشار إلى أنه "عليه يتم التعرض للجزاءات والغرامات المحددة باللائحة المعتمدة بقرار مجلس الوزراء وكانه بدهم يوهموا الناس انو الدولار كتير عندهم وعما يعرضوا على شركات الصرافه بالملايين ....بالله عليكم انو شركة صرافة بينعرض عليها الدولار وبترفض او يمكن حتى تفكر ترفض ..بس عند المركزي كلشي بصير مو بعيدة يطلعوا علينا بقصة انو عما يبيعوا شركات الصرافة ب100 بس شركات الصرافة عما ترفض تشتري قال خيفانه تشتري لانو يمكن يصير الدولار بليرة

المشكلة اللي واجهت المركزي
ان العالم كلها بدها تشتري
كان متوقع يكتر البيع ويتم التمويل للشرايين
من دهنو سقيلو ، طلعوا الشباب مطيلسين بس بدهم يشتروا
يعني حساب السرايا ما طبق على حساب القرايا
صار بدها سكويز

[غالب]

من وحي تساؤلات الشباب
ما هو سعر التدخل المتوقع يوم الاربعاء القادم هل هو 150 ليرة بقفزة واحدة ويثبت عليها لما قبل العيد وبالعيد وبعد العيد لكل حادث حديث ام 230 ام 170 ام 175 هلء سعري 170 و175 ليس فيهما اي مفاجأة وضمن المتوقع ونحن نتسأل عن مفاجأة .

[حمزة أبو أحمد]

اقتباس: المشاركة الأصلية كتبت بواسطة عابر مجيب    المشكلة اللي واجهت المركزي ان العالم كلها بدها تشتري كان متوقع يكتر البيع ويتم التمويل للشرايين من دهنو سقيلو ، طلعوا الشباب مطيلسين بس بدهم يشتروا يعني حساب السرايا ما طبق على حساب القرايا صار بدها سكويز

مية مية ... معلم

[حمزة أبو أحمد]

اقتباس: المشاركة الأصلية كتبت بواسطة أبو النور السباعي    تحياتي للجميع , برأيي أن عدم استجابة السوق لمحاولة المركزي الأخيرة دليل على أن السوق وصل لقعره , و أنه من الآن سنعتبر أن مستوى 195 - 205 سيكون بمثابة منصة للانطلاق لمستويات أعلى , و أن هامش المضاربة سيكون أعلى من هذه النقطة

والله يا أخي أبو النور ... شكلو الباين هيك ...

[النسر]

لاقتصادي سورية ـ صحف:

أكد مصدر حكومي مطلع في لجنة إعادة الإعمار، أن مرسوماً مرتقب الصدور سيتضمن آلية لتعويض أصحاب السيارات التي سرقت أو دمرت بشكل كامل خلال الأزمة.

ولفت وفق صحيفة "الوطن" المحلية، أن الكثير من العقبات واجهت عملية التعويض وتم التغلب على معظمها، إن لجهة تأثيرها المحتمل في أسعار صرف الليرة كما حصل في الثمانينيات من القرن الماضي، وإن لجهة إنصاف أصحاب السيارات وطريقة التعامل مع ملكيتهم لها.

وفي سياق متصل، قال مصدر في "محافظة ريف دمشق": "إن إجمالي قيمة طلبات التعويض لجهات القطاع العام بالمحافظة، حتى نهاية الربع الثاني بلغت 32 مليار ليرة إضافة لنحو 160 مليار ليرة أضرار غير المباشرة".

وأشار إلى طلب تخصيص مبلغ بحدود 470 مليون ليرة، لتوزيعها على المديريات المتضررة خلال العام الحالي.

وأكد أن قيمة الأضرار الخاصة التي تقدم أصحابها بطلبات للمحافظة، حتى تاريخه بلغت 140 مليار ليرة.

وبين أن لجنة الإعمار بريف دمشق استقبلت 27 ألف طلب للمتضررين حتى تاريخه، وما تزال المحافظة تتابع تسجيل طلبات المواطنين وتسديد التعويض عن هذه الأضرار أولاً بأول، وفقاً لنسب مئوية محددة إضافة لتقديم تسهيلات للصناعيين والحرفيين.

ونفى وجود تلاعب في آلية توزيع تعويضات المتضررين، ولكن تعليمات "وزارة الإدارة المحلية" أضحت تنص على إجراء الكشف الحسي على الطلبات، قبل صرف التعويض للتأكد من صحتها

[حمزة أبو أحمد]

اقتباس: المشاركة الأصلية كتبت بواسطة غالب    من وحي تساؤلات الشباب ما هو سعر التدخل المتوقع يوم الاربعاء القادم هل هو 150 ليرة بقفزة واحدة ويثبت عليها لما قبل العيد وبالعيد وبعد العيد لكل حادث حديث ام 230 ام 170 ام 175 هلء سعري 170 و175 ليس فيهما اي مفاجأة وضمن المتوقع ونحن نتسأل عن مفاجأة .

والله يا معلمي تحت ال200 هي المفاجأة ...

[عابر مجيب]

آسف للخروج عن السياق
ولكن عندي كلمتين وما في منبر تاني خارج العطلة والصالون
أول شي
اليوم تفاجأت بتنبيه انو عندي اربع رسائل ، وكانت تواريخها مختلفة ، انا والله مابعرف اتعامل مع هدول الرسائل وبعتذر من اللي ما رديت عليهم ، وبكل حال الرد بيضل مفتوح لمن هب ودب بتمنى ارسال رسائل خاصة ، وبتكون سهلة عليي ، بحط رد على الرسالة وآخر تمام .
المشكلة وقتي ضيق بدي دور واتذكر كيف التعامل مع هالرسائل ، والحجب ما تركلي وقت ، اليوم ما قدرت ادخل من المكتب ، والكهرباء بتنقطع من 9 -11.

ملاحظة تانية
بتمنى من اللي عم يدخلوا جديد ما يستخفوا كتير فينا ، عم نستهبل ونسايرهم ، بس في حيل كتير غبية ، يحبكوها أفضل ، مثلا بيدخل واحد بيعرف الأعضاء وبيقول صار لي سنة عم تابع ، بعدين بينسى وبيجدبها وبيسأل على زر الشكر ! طيب بكل هالمتابعة ما حفظ انو الجديد بدو شوية وقت وعدد مشاركات !

آخر شغلة
تصبحوا على خير

[سائل مقيم]

اقتباس: المشاركة الأصلية كتبت بواسطة باسل غ    النصاب = طماع الصرافه مهنه بلشت عنده اليهود بالمعابده وانتشرت وتطورت لعالم الفوركس لاحظو بكل منطقه في سعر سالتو حالكم ليش ؟؟؟؟ لانو بكل منطقه في عالم 1= عندها دولار 2= عندها سوري 3= وسيط يلي معو دولا ويلي معو سوري قلبهم معلقه بالهو شي طلع وشي نزل والوسيط شغلته يلعب بالتيتن واغلب الاعضاء بالمنتدى صادقه وما تنشر اشاعات لنشر لا هي بتفكر انو عبتعمل خدمه بنقل السعر يلي شافته وانباع وانشرى قدام عيونها بس بما انها ما عندها خبره ما بتعرف انو هي ((( عبتساعد الوسيط بالعب بالسوق يلي هو اهم عامل من عوامل الربح ))) السوق ماسكه الكبار وهول الكبار ما عندهم محل صرافه ولاا شركات صرافه ولا مقر كله موظفين وديكورات وحكيت كتير بهل الموضوع وبما انكم ما عبالكم تقتنعو وتاخدو خبره براحتكم بمحصله يلي عبيشتري وبيع هو يلي عبربح وهو عبيخسر __________________________________________________ ____ اغلق سعر الصرف عند الكبار 200____________206 حلب ما مشكلة اي عضو انك شاري بسعر مرتفع وعندك امل يرتفع السعر وما مشكله اي عضو انك بائع بسعر وناطر ينزل السعر لتشتري نقل السعر امانه قد تقدمها بامانه ومصداقيه بس ما بتعرف انك عبتروج بلا اراده لمصالح الوسطاء __________________________________________________ __ كبار السوق على الساعه سته تقربيا بسكروا وبروحو بيعشوا حياتهم الطبيبعه وما عندهم استعدا د يبعو ويشتروا او يثبتوا على وهم الرجال عندم كلمتهم وبس ما مستعدين ينصبوا على العالم كرمال كم قرش بالحرام والفراخ بتشتغل بعد ما الكبار يطلعو من السوق وقصه انقلكم اسعار وهميه واحد باع على 250 لابن عمه قدام الزباين واحد اشتري على 190 من شخص مشغله عنده صانع وحركات تحت الطاوله هيدي ما بعملها ويلي ما عجبه هيدا الكلام لا يفكر فيه

مشكور سيد باسل .. فشيتلي قلبي .. أنا مازلت تحت مراقبة ادارة المنتدى .. بس اذا ناسبهن عندي كلمة حابب قولها .. أنا لاحظت شغلة أنو الصراف عم يعتمد ع المواقع الالكترونية مشان السعر ( يعني اذا كان عم يبيع الدولار ب 200 و جاء لعنده زبون و بلحظة دخوله جائته رسالة من شي موقع أنو الدولار ب 210 مبيع .. ففورا بيقول للزبون أنو السعر 210 لأن المربح معو وبيصدق النت .. بس وقت هو بدو يشتري ما بيصدق النت وبيتصل تلفون قبل ما يشتري .!!)
لذلك من المهم جدا توخي الدقة عند وضع السعر الحقيقي وأن يكون من عدة صرافين لهم مصداقية من أكثر من حي بعيد و قريب بنفس المدينة..


هامش : ياريت لما يكون في توقع من أحد كبار المحللين في المنتدى أنو الدولار رح ينزل من ال 200 مثلا لل 170 نتفق أنو مو نركض نشتري بس يصير ب 190 و نستنى عليه ليوصل للسعر المتوقع من الخبير .. لأنو اللي عم يصير و عم يسبب ارتفاع الدولار أنو العالم عم تركض عند أول نزلة وتشتري و بهيك عم يزيد الطلب وعم يرجع يقوى الدولار ..
أنا خبرتي قليلة ورجاء اللي شايف أنو حكيي غلط يصححلي وما تزعلو مني اذا اللي حكيتو غلط ..

[العبدلله]

للمرة الخامسة خلال اسبوع
يفشل السيد ناصر(أحد اصدقائي)
وبعد الوقوف لساعات
في زحمة الانتظار
على أحد محلات الصرافة
بالحصول على ( المغضوب)

[باسل غ]

اقتباس: المشاركة الأصلية كتبت بواسطة غالب    من وحي تساؤلات الشباب ما هو سعر التدخل المتوقع يوم الاربعاء القادم هل هو 150 ليرة بقفزة واحدة ويثبت عليها لما قبل العيد وبالعيد وبعد العيد لكل حادث حديث ام 230 ام 170 ام 175 هلء سعري 170 و175 ليس فيهما اي مفاجأة وضمن المتوقع ونحن نتسأل عن مفاجأة .

اقتباس: المشاركة الأصلية كتبت بواسطة حمزة أبو أحمد    والله يا معلمي تحت ال200 هي المفاجأة ...

فوق 175 يعني اعتراف بالفشل وتداعيات هل الفشل رح تكون كاريثيه

ما بتوقعه و150 بكون ضرب من الجنون كمان ما بتوقعه

بتوقع 171 بيع المركزي للشركات و172.5 للزباين

وبتوقع تدخل مستمر اخر اسبوع برمضان للوصول الى سعر تدخل بحيطان 160