صالة أسعار صرف الدولار وباقي العملات ليوم الخميس 18-7-2013

[ابو وائل]

مساء الخير جميعا مشرفي و اعضاء المنتدى الكريم
و الف شكر للاخ مؤيد عالافتتاحية

[S.O.S]

اذا بيرجع تالس وفيثاغورث ما رح يعرفوا ولا يفهموا شو صار
خليها على الله*

[M-PMP]

بعض الاحتمالات التي تعرض لها الكثير خلال العشر الايام الفائتة
- بيع المحظوظ الرابح
- بيع المستسلم الخاسر
- البيع المتعادل دون ربح او خسارة
- الاحتفاظ بدولار رابح "مدخرات" ربح مع وقف التنفيذ حتى مع اخر جلسة تدخل
- الاحتفاظ رغم الربح ثم البيع الاستسلامي بخسارة كما حصل مع الاف الناس
- الاحتفاظ رغم الخسارة الحالية ثم البيع المحظوظ بربح
- الاحتفاظ الدائم بالمدخرات وعدم البيع مع القطيع والاكتفاء بعائد الارباح بالايام القادمة

اعتقد بان ماحصل نتيجة جلسات التدخل المتتابعة والمتوالية للمركزي هو ان الناس اندفعوا نحو البيع تبعا لتوقعاتهم النفسية وخوفا من انخفاض قيمة مدخراتهم او بالاحرى وقف خسارة عند حد معين.. طبعا لمن اشترى باسعار مرتفعة وما اكثرهم.. الله يكون بالعون.
وكما اعتقد من زاوية اكثر وضوحا ان الرابح الاكبر هو من يستغل اندفاع القطيع لصالحه ولاينساق بنفس الاتجاه.. ولكل اهدافه وللمركزي الاولوية القصوى في ذلك ومن خلفه اخرون.. ولا يخفى على احد بان هنالك لحظات يتحينها خبراء وسادة السوق ..
اثناء جلسات التدخل وانعكاساتها اللحظية على السوق ادى بالناس للتسارع والتلاطم على ابواب مكاتب وشركات الصرافة التي تنتظرهم على احر من الجمر.. الامر الذي سهل على اخرون وبدورهم يشاهدون ويسمعون ويصغون الى مايجري ويتساءلون من حولهم ايضا. وعلى ضوء ذلك حقق المركزي الخطوة المرجوة بنجاح وهدفه باعتقادي هو تخليص علني لمدخرات الخزائن اينما وجدت وبالمقابل هناك من ينتظر ليقتنص..
ولا يخفى علينا ما قد يفكر فيه مئات الناس باحساسهم ان الانخفاض قد يودي بقيم مدخراتهم عالمدى القصير.. فالعقل البشري هنا يتعامل مع الخيارات المتاحة..
يستطيع كل مدخر ان يمتنع عن البيع بسعر متدني ان كان ذلك بمثابه خسارة فعلية.. بالمقابل هناك من يتحين الفرصة للشراء من قاع المحيط .. ذلك راي بخلاصة واتمنى الخير للجميع..

شكرا

[محمد البيك]

الموداخلةيلي بتعجبكن مافيها هبوط بتنزل ولي فيها هبوط مابتنزل ولله شي عجيب

[علوش الحمصي]

اقتباس: المشاركة الأصلية كتبت بواسطة aymtal    السلام عليكم جميعاً سحور مبارك و صيام مقبول انشاء الله نحن مع نزول سعر الصرف و لكن ليس بطريقة الخوف و الهلع و القطيع بل مع طريقة الهبوط المتدرج الذي يثبت السعر و يجذره و يحمي من الارتداد القوي و يحمي الناس من تكبد خسائر كبيرة الذي حدث اليوم لا يبشر بالخير فانخفاض كبير بدافع الخوف يؤدي لارتفاع كبير و أكبر بسبب الخوف أيضاً و يكبد الناس خسائر كبيرة لا أنصح غداً المدخرين ببيع مدخراتهم أبداً و عليهم انتظار جلسة المركزي المقبلة كي يعرفو تماماً على أي أرض سيقفون دمتم بكل خير

أخي الكريم يلي صار اليوم عادي وأقل من عادي
لأن هي عادة شعبنا وقت بيسمع اشاعة فورا بصدقها وبروح وبيشتري دولار وبهالشي رح يرتفع سعر الصرف لان في طلب كتير عالدولار وبعد فترة بيسمع اشاعة تانية بيركد ليبيع بسرعة بقول لنبيع اليوم أحسن ما نخسر لان عم ينزل الدولار وبفكر حالو ربح ولحق حالو قبل ما ينزل الدولار مع انو هو الوحيد الخسران
وعفكرة يلي خسرو اغلبن من الطبقة الوسطى يلي عندن مدخرات بسيطة ما بتتجاوز ال5000 دولار

وانشاء الله بيرجع ينزل لل100 صحيح انا خسرت كتير بالبضاعة يلي نزلتها بس عالقليلة ازا نزل رح ترجع الحركة قوية وينتعش الشعب

[ahmad477]

اخ كولد مان اي هامور عبيبيع بسعر 180 ------- طبعا انا ما عندي شك باسعارك ---- تقبل تحياتي

[abu mhd]

اقتباس: المشاركة الأصلية كتبت بواسطة محمد البيك    الموداخلةيلي بتعجبكن مافيها هبوط بتنزل ولي فيها هبوط مابتنزل ولله شي عجيب

نحن مع المشاركات المنطقية و لسنا صرافين هنا او مكتب صرافة

[باسل غ]

اقتباس: المشاركة الأصلية كتبت بواسطة goldman$    أخي باسل بالعكس انا مبسوط مع العلم انو خسران شوي لانو اشتريت شوية بضاعة بالغالي .. بس بيهمني اكتر تنزل الاسعار عندي وترجع الحركة ل محلي ... بس خايف من " الصدمة " حاليا السوق عنا باللاذقية 170 -190 وممكن تلاقي ب 180 طيب المركزي بااع ب 227 ... ليش كل هالهبوط الغير مبرر حتى بسياية القطيع الامور ما بتكون بهي الحدة ... ميكون اميركا انهارت مثلا ههه .. لانو محسوبكم ما بتفرج على الاخبار ابدا .. الله مريحني من هالتعتير ...

انشاء الله على طول بشوفك مبسوط

اخي الكريم

المحترفين بسوق الصرف بيعملوا حركات استباقيه خوفك من تدخل المركزي بسعر اقل بالجلسات

القادمه هيدا سبب والسبب الاخر هو كميات العرض الكبيره جدا

اذا حضرتك متابع لاخبار الاقتصاد العالمي وبالتحديد سعر الذهب بتشوف

المستثمرين عند الفدرالي بلمح مجرد التلميح انو رح ويخفف التيسير الكمي

مثلاا 2014 مع انو نحنا بعدنا 2013 بتهوي اسعار الذهب الحاليه مع انو بعد في ستت اشهر

________________________________________________

عندك بالادقيه 170______190 وفي اسعار على 180 ما هيك

قبل شوي حكي معي شخص من المحرفين تذكر هلئ يهنيني بهلول الشهر الكريم

وبعد السلام والمباركات والتعب خبرني انو انعرض عليه مبلغ كبير وانو هو بده يخدمني

فيه وما بده غير الرضا والدعوات مني ( لا اسألك جزاء او شكور )

على سعر 175 مع العلم انا بعرفه انو غاطس بالدولار وشايل كميات كبيره بس ما بده

يقول انو هو يلي بده يبع

وخبرته انا مالي مصلحه فيهم ونسيت الدولار واحلامه من فتره منيحه لو بارزته عليهم

بحصلهم منهم بسعر اقل من هيك

[جوليت]

اقتباس: المشاركة الأصلية كتبت بواسطة محمد البيك    الموداخلةيلي بتعجبكن مافيها هبوط بتنزل ولي فيها هبوط مابتنزل ولله شي عجيب

مداخلاتي كلا هبوط وعم يعرضو وماحذفوا

[جوليت]

تصبحو عاخير جميعا ..... يوم شاق بكل ماتحمله الكلمة من معنى